Tantara mikasika ny Vaovao Mafana tamin'ny Febroary, 2011
Ejipta: Mitohy ny firavoravoana noho ny fametraham-pialàn'i Mubarak
Mitohy ny firavoravoana manerana izao tontolo izao taorian'ny vaovao nilaza fa nandao ny tanàna i Hosni Mubarak. Ilay mpanao jadona, izay nifehy an'i Ejipta nandritra ny taompolo telo, ary nandà ny hametra-pialàna tao anatin'ny 18 andro nisian'ny hetsi-bahoaka tsy nitsahatra nanehoan'ireo Ejiptiana ny fangatahan-dry zareo ny hialàny amin'ny fitondràna amin'ny fomba faran'izay milamina, dia niala ihany nony farany.
Ejipta: “Maniry ny hialàn'i Mubarak izahay!”
Nanao lahateny fanindroany nanoloana ny vahoaka Ejipsiana ilay mpanambony tena Hosni Mubarak taorian'ny antso fanoherana sy fikatsahana ny fiafaran'ny fitondram-panjakany izay nanomboka tamin'ny valo andro lasa izay (23 jan 2011) Ny lahateniny voalohany dia nianjera tany aminy, ary vao maika nitarika hatezerana bebe kokoa avy amin'ireo vahoaka izay maniry ny hialany izany, rehefa nitondra ny firenen'izy ireo nandritra ny 30 taona izy. Ary ny lahateniny faharoa dia tsy nahafa-po ihany koa. Androany, dia nilaza tamin'ny vahoaka Ejipsianina izy fa tsy hilatsaka ho anisan'ireo hofidiana amin'ny fifidianana filoham-pirenena amin'ny volana Novambra, izay nampamory ireo vahoaka tsy manam-paharetana tao Tahrir Square sy ny maro hafa koa.
Ejipta: Kintana iray no mamiratra ao an-kianjan'i Tahrir
Kianja Tahrir, ivon'ny hetsika goavana ao afovoan'i Kairo mangataka ny fialan'ny fitondran'i Mubarak, nahita ny isan'ny mpanao fihetsiketsehana betsaka indrindra androany ahtramin'ny nanombohan'ny fihetsiketsehan'ireo mpandàla ny demaokrasia 15 andro lasa izao..
Ejipta: Andro faha-15 Mitohy ny hetsika goavana
Mitohy mampihovitrovitra an'i Ejipta manontolo ny hetsi-panoherana efa ho 15 andro misesy, mangataka ny hialàn'ny fitondran'i Mubarak. Raha mbola tsy mitsaha-mitombo ny olona tonga ao an-kianjan'i Tahrir ao afovoan'i Kairo, fitorevahana iray koa no mitohy eo ivelan'ny tranoben'ny Parlemanta. Androany koa, nanomboka ny fitokonan-dry zareo ny mpiasa; nanatevin-daharana ny mpanao fihetsiketsehana ny eny amin'ny ambaratonga ambony, ary nanomboka nahita ho lazaina ireo mpanao gazety Ejiptiana.
Syria: Facebook sy YouTube nalàna fatorana, ankoatr'ireo hafa koa
Nandritry ny taona maro ny aterineto tao Syria no nizaka sivana henjana. Ary ireo tranonkala tsy dia atahorana loatra toa ny Facebook, Youtube ary Wikipedia amin'ny teny Arabo dia azo nidirana ihany tamin'ny alalan'ny fampiasàna proxie sy fitaovana fandinganana samihafa. Toa efa niova izany androany. Manazava i Anas Qtiesh.
Libanona: Feo fanohanana ireo Ejiptiana mpanohitra
Nivatravatra mihitsy ny tontolon'ny fitorahana bilaogy Libane amin'ny fanohanany ny hetsi-panoherana Ejiptiana izay niteraka faty olona 150 hatreto. Tsy nitazam-potsiny tamin'izao ireo Libane mpitoraka bilaogy, nefa ny tontolo Arabo no manatri-maso ny zava-misy izay mety hanova tanteraka ny aty amin'ny faritra. Toy izao no fandraisan-dry zareo azy.
Ejipta: Tafaverina amin'ny aterineto
Vao niverina ny aterineto any Ejipta, dia miverina tsikelikely amin'ny aterineto koa ireo mpiara-miasa, tapaka sy namana Ejiptiana. Fotoan-dehibe izao ary feno fifaliana ny rivotra iainana. Mbola voasakana amin'ny tambajotra sasany na i Facebook na i Twitter. Manaraha tsy tapaka ho an'ny sakana amin'ny media sy vaovaon'olon-tsotra izay hivoaka avy any Ejipta androany - noho ireo mpitoraka blaogy sy mpampiasa aterineto mitatitra amintsika ny tantarany, amin'ny feony manokana.
Venezoela: Miakatra ny tranganà Kôlera
Nandritra ny fampakarambady iray natao tany amin'ny Repoblika Dominikana, nisy vondron'olona Venezoelana nahitàna valan'aretina Kôlera taorian'ny fihinanana sakafo voaloton'io aretina io. Raha 13 ireo trangatamin'ny voalohany dia nitombo be izany tao anatin'ny andro vitsy monja; ireo tatitra farany dia miresaka ny olona 135 efa nahazo fitsaboana noho ity Kôlera ity.
Ejipta: Nametra-Pialàna Tsy ho Mpitarika ny NDP eo amin'ny fitondràna ve i Mubarak?
Vaovao vao nilatsaka ny hoe nametra-pialana amin'ny maha filohan'ny antoko NDP mitondra amin'izao fotoana azy ny filoha Ejiptian Hosni Mubarak. Andro faha-12 amin'ny hetsi-bahoaka goavana manerana an'i Ejipta itakiana ny fialàny no nisian'izany. Fanavaozam-baovao: niova ny vaovao ankehitriny: mety tsy niala tamin'ny toerany i Mubarak. Indreto fanehoan-kevitra avy ao amin'ny Twitter mikasika ireo vaovao mifanipaka ireo.
Ejipta: Jiolahimboto nalefa hampihorohoro ny mpanao fihetsiketsehana
Nalefa hifanehatra amin'ireo mpanao fihetsiketsehana manerana an'i Ejipta ireo jiolahimboto nokaramain'ny governemanta, mba ho andrana amin'ny fampitahorana azy ireny sy handrava ny fihetsiketsehana ataony izay efa miditra amin'ny andro fahavalo.Tao amin'ny Twitter, ireo mponin'ny aterineto manerantany dia tsiravina nanifikifika ny lohany satria mbola mitohy hatrany ny filàm-baniny.
