Tantara mikasika ny Vaovao Mafana tamin'ny Septambra, 2010
Mpitantana vohikala manohitra ny sivana amin'ny aterineto, voasambotra tany Thailand
Nosamborina androany tany amin'ny seranam-piaramanidin'i Bangkok ny mpitantana ny vohikalan'ny gazety tsy miankina iray any Thailand, noho ny fanompàna mpanjaka. Nangingiana ny haino aman-jery mahazatra tany an-toerana momba izany fa ireo mpampiasa twitter kosa namatsy torolàlana sy fanampim-baovao hanampiana ny fanohanana ny hetsika ho fangatahana ny famotsorana ilay mafana fo voasambotra.
Inde: hilefitra ve i Kashmir? Sa mety hisy ny fampihavanana ?
Nandefa delegasiona matanjaka ahitana mpanao lalàna avy amin'ny antoko politika maro an'isa ny governemanta Indiana afovoany mba hanamaivana ny fandatsahan-drà sy ny fifanoherana any amin'ny faritr'i Jammu sy i Kashmir . Taitra ihany koa ny tontolon'ny bilaogy Indiana taty afara mikasika ity olana ity ary mizara ireo hafany mikasika ny fanantenana, ny fihavanana, ny firaisan-kina sy ny fandriam-pahalemana ireo mpitoraka bilaogy .
Indonezia: Mihantsy ny didim-pitsarana ka manakatona fiangonana ny fanjakana iray
Noterena hampitsahatra ny fanompoam-pivavahana, tamin'ny alahady alina teo, ny fiangonana protestanta GKI Taman Yasmin ao amin'ny fitantanam-panjakan'i Bogor, Indonezia. Nohodidin'ny polisy sy ny sampan'ny mpitandro ny filaminana (Satpol PP) ny manodidina ny fiangonana, Notapahiny ny fotoam-pivavahana tao am-piangonana, ary nakatony ara-panjakana noho ny baikon'ny (fitantanana ny ) tanàna ny fiangonana
India: Mirehitra indray i Kashmir…
Ny korontana misy amin'izao fotoana any amin'ny faritra Kashmir Indiana dia nateraky ny fanoherana mahery setra nipoitra taorian'ny nivoahan'ny tatitra momba ny fanivaivana ny Korany tany Michigan, Etazonia. 18 raha kely no olona maty ary marobe ny naratra. Mipetraka ny fanontanian'ny olona hoe firy amin'ireny hetsi-panoherana ireny no tena nateraky ny fanivaivana ny Korany ary firy no vokatry ny toe-po mankahala indiana fotsiny izao sy ny adin'izy ireo ho an'ny fahaleovantenany.
Kioba: fampiatoana amin'ny asa 500.000
Mirona mankamin'ny fibabohan'i Fidel Castro (izay nialana bàla nony avy eo) fa tsy miasa intsony ny modely ekonomikan'i Kioba, dia nanambara ny governemanta [ES] fa mikasa ny hampiato mpiasa maro ao amin'ny asam-panjakana, izany dia ezaka mba hanomezana aina kely ho an'ny ekonomian'ny firenena. Miady hevitra mikasika ireo fepetra ry zareo Kiobana mpitoraka blaogy .
Filipina: niafara tamin-kerisetra ny fakana takalon'aina
Nanodina fiara fitateram-bahoaka nitondra mpizaha tany tany Manila, Filipina ny polisy talohairay izay nitarika fahafatesan'ny 9 amin'ireo mpizaha tany avy any Hong Kong. Tezitra ny mponina Filipiana amin'ny aterineto , nalahelo, sady diso fanantenana. Ireto misy fanakianana vitsivitsy tamin'ny aterineto .
Mozambika: Herisetra, hatezerana any Maputo
Raha tonga ny alina amin'ny andro faharoan'ny korontana feno herisetra, mbola mitoetra ny fisalasalàna any Maputo. Mbola miketrika mafy mandevina sy mandalina ireo fototr'ireo korontana ireo mpitoraka blaogy, izay natosiky ny fiakaran'ny vidim-piainana. Zavatra iray no azo antoka: niteraka fanontaniana lalina momba ny toerana misy ny firenena ara-politika, sosialy ary toe-karena izany.
Korea Atsimo: Tatitra toetr'andro mivantana amin'ny alalan'ny Twitter mandritra ny rivo-doza Typhoon
Ny tanàn-dehiben'i Seoul dia nandalo ny iray amin'ireo lozam-pifamoivoizana ratsy indrindra tao anatin'ny folo taona noho ny fandalovan'ny rivo-doza tao amin'ny firenena. Na izany aza ireo mpi-tweet (mpandefa bitsika) dia nanampy tamin'ny fandaminana izany tamin'ny fandefasana ny toetoetry ny làlana, ny fampakarana mivantana ny sarin'ireo manodidina ary ny fizaràna torohevitra ho fisorohana.
Bahrain: Nosamborina i Ali Abdulemam, mpitoraka blaogy sady mpanoratra ho an'ny Global Voices
Ali Abdulemam, mpitoraka blaogy Barhaini iray misongadina sady mpanoratra ho an'ny Global Voices Advocacy, dia nosamborin'ny manampahefana Barhaini vao maraina tamin'ity androany ity
Mozambika: Fanairana fa misy rotaka ao Maputo
Niely ny resaka an-toho-tsofina, SMS eny fa amin'ny alalan'ny Twitter aza omaly fa hisy ny fitokonana faobe. Ny antony: Ny vidim-piainana “tsy ara-drariny” – miakatra ny vidin'ny mofo, ny rano ary ny jiro. Mety hahatsiaro ny mpamaky fa niteraka rotaka sy fanoherana, tamin'ny volana Febroary 2008 ny nampakarana ny saran-dalan'ny minibus...
