Lahatsoratra farany an'i avylavitra tamin'ny Mey, 2011
Azerbaijan: Tanora Mafàna Fo Voaheloka
Jabbar Savalan, tanora 20 taona, mafana fo amin'ny fanoherana, voasambotra tao Azerbaijan tamin'ny 5 Febroary, dia voampanga hifonja roa taona sy tapany noho ny fihazonana zava-mahadomelina. Na izany aza, ireo namany sy mpanohana azy ary ireo mpampahalala vaovao maro mpanara-maso ny resaka fahalalahana sy zon'olombelona ihany koa, dia manohana ny hoe notazonina i Javalan noho ireo antso nataony tao amin'ny Facebook ho fikarakarana hetsi-panoherana ao Azerbaijan taorian'ireo hetsi-bahoaka tany Tonizia sy Ejipta.
Nosoloin'i Syria Sertifika Sandoka Ve Ny An'ny Facebook Momba Ny Fiarovana Ireo Mpampiasa Azy?
Ana Souri [Siriana aho, amin'ny teny Arabo] mpampiasa ny sehatra fitorahana bilaogy tumblr dia manamafy[ar] fa ny Ministeran'ny Fifandraisan-davitra Siriana dia nanolo ny sertifika mikasika ny fiarovana tao amin'ny Facebook tamina iray hafa sandoka izay manamora ny fahafahana mitsikilo ireo mpampiasa azy, mitahiry ny tenimiafina ampiasainy, ary mijery ny vontoaty azy ireo manokana.
Okraina: Andro Erantany Ho an'ny Fahalalahan'ny Asa Fanaovana Gazety Miteraka Fifanakalozan-dresaka Momba ny Toerana Misy ny Fampahalalam-baovao
Ny Andro Erantany Ho an'ny Fahalalahan'ny Asa Fanaovana Gazety, dia nandika avy amin'ireo fifanakalozan-dresaka tao anaty aterineto i Tetyana Bohdanova mikasika ny toerana misy ny fampahalalam-baovao ao Okraina sy ny mety ho antony ao ambadiky ny faneriterena ny fahalalahan'ny gazety ao amin'io firenena io.
Ao Bahrain, Andron'ny Tsy-Fahalalahan'ny Asa Fanaovana Gazety
Androany 3 Mai no Andro Erantany Ho an'ny Fahalalahan'ny Asa Fanaovana Gazety, andro iray izay zary lasa fotoana fitserana kokoa noho ny maha-andro fankalazana azy any amin'ny firenena maro, isan'ireny i Bahrain, izay mbola misy fangejana ataon'ny governemanta amin'ny mpanao gazety sy ny mpitoraka bilaogy
Palestina : Mankalaza ny Fampihavanana ny Hamas sy ny Fatah i Gaza
Ny elatra roa Palestiana mpifanohitra, ny Fatah sy ny Hamas, dia nampitsahatra androany ny ady lavarenin'izy ireo nandritra ny fihaonana ho fampihavanana tao Caire, Ejipta. Ny fanambarana ny amin'ity fifanarahana ity, izay ahitàna ny faritr'i Gaza, izay teo ambany fifehezan'ny Hamas foana hatrizay, sy Cisjordanie, faritry ny hetsika Fatah dia nankalazaina tao Gaza.
Côte d'Ivoire : Ny Antsipirihan'ny Fisamborana Ny Filoha Teo Aloha Anaty Lahatsary Vaovao
Be ny lahatsary mivoaka maneho ny fizoran'ny fisamborana ny filoha teo aloha tao Côte d'Ivoire sy ny vadiny , Laurent ary Simone Gbagbo. mampiseho ny ampahany amin'ny tranga nisamborana an-dry Gbagbo, nanomboka tamin'ny fanbdarohana baomba ny toeram-ponenan-dry zareo nataon'ny tafika Frantsay ka hatramin'ny namindràna ny fianakavian'i Gbagbo ho any amin'ny Hôtel du Golf.
Sina: Mamelabelatra ny Fanaraha-maso ny Aterineto any Ivelany
Tsy nahita ny marimaritra iraisana tena mivaingana ny fifampiresahana mikasika ny zon'olombelona teo amin'i Etazonia sy Sina tamin'ny herinandro lasa. Raha nanontanian'ny governemanta Amerikana mikasika ny famoretana ny mpanohitra ny governemata Sinoa, ny famoretana ny ara-pinoana sy ny fahalalahana maneho hevitra, dia nohelohin'ny mpitondra sinoa ny fihetsika feno fihatsarambelatsihin'i Washington, indrindra indrindra fa ny famonoana olon-tsotra any Iraka sy Afganistana.
Maraoka: Maneho Hevitra Momba ny Fanafihana tao Marrakech ireo Mpitoraka Bilaogy
Tratry ny fipoahana baomba i Marrakech, tanàna sangan'ny fizahantany ao Maraoka tamin'ny Talata teo, izay nandrava trano fisakafoana iray tao anatin'ny ora fisakafoanana indrindra, ny Argana, manamorona ny Kianja Jamaa Lefna. Araka ny fanambarana ofisialy dia nahafatesana olona 16 ilay fipoahana ka maro tamin'ireo no vahiny.Ireo mpitoraka bilaogy sy mpiondana aterineto no haingana indrindra tamin'ny fandefasana fijoroana vavolombelona teo noho eo ary fanambaràna fanohana ireo tra-doza. Indreto ny fantina.
Pakistana: Fanehoankevitra Noho Ny Fahafatesan'i Osama Bin Laden
Efa ela talohan'ny kabarin'ny Filoha Amerikana Obama no niraraka tao amin'ny twitter ny vaovao fa hoe maty i Osama Bin Laden ary efa nanapaingotra izay vaovao izay daholo ny mpampahalala vaovao rehetra. Tsy ela ny tontolon'ny twitter dia nanomboka nipoaka noho ireo bitsika avy amin'izao tontolo izao. Ny marina dia nanomboka naneho hevitra voalohany tao amin'ny twitter ry zareo Pakistane nandritra ny fanafihana ny toerana namaharan'i Bin Laden.
Però: Fotoam-Panombohan'ny Fihodinana Faharoa Amin'ny Fifidianana
Herinandro vitsy talohan'ny fihodinana faharoa amin'ny fifidiannaa ao Però, isafidianana amin'ireo mpifaninana, dia ry Gana Perú, Ollanta Humala Tasso sy ny zanaka vavin'ny filoha taloha Alberto Fujimori, Keiko Sofía Fujimori (ho an'ny Fuerza 2011), ny fitombon'ny fisamahan'ny fiarahamonina Peroviana, sy ny anjara toeran'ireo mpifidy no tena mivandravandra kokoa na any anaty gazety samihafa na any anaty tambajotra sosialy.
