Lahatsoratra farany an'i avylavitra tamin'ny Jolay, 2011
Iran: Fanentanana ho Fanafahana Ireo Amerikana Mpihanika An-Tongotra Sisa Voatàna Am-ponja
Sarah Shourd dia nandany 410 andro natoka-monina tany Tehran, Iran, talohan'ny nanomezana alàlana azy ho afaka miverina any Etazonia tamin'ny Septambra 2010. Miantso izao tontolo izao izy mba hiresaka mikasika ireo namany roa, Shane Bauer sy Josh Fattal, izay mbola any am-ponja ao Iran noho ny fiampangana ho nanao "asam-pitsikilovana" hatramin'ny fotoana nahasamborana azy telo niaraka fony nihanika an-tongotra ny tendrombohitra nanakaiky ny sisintanin'i Iran tamin'ny Jolay 2009.
Syria: Fanontaniana Momba Ny Tena Izy Amin'Ilay Bilaogera Hoe Voasambotra
Hatramin'ny nisian'ny tatitra fa hoe nisy vehivavy Siriana antsoina hoe Amina Arraf, noheverina ho i "Gay Girl in Damascus" - na "ilay vehivavy manambady vehivavy ao Damaskaosy" nosamborin'ny manampahefana tamin'ny Alatsinainy 6 Jona 2011, be ny ahiahy lalina nipongatra fa hoe mety tsy ho araka izay iheverana azy io vehivavy bilaogera io.
Korea Atsimo: Misedra Fanakianana Mahery Vaika ny Fiara Natokana Ho An'ny Vehivavy Any Anaty Metro
Satria mitombo be ny herisetra ara-nofo any anaty metro, indrindra mandritra ny ora maha betsaka ny mpandeha sy rehefa alim-be, nanapa-kevira ny governemanta ao Seoul hametraka fiaran-dalamby natokana fotsiny ho an'ny andriambavilanitra mba hampiatoana ny fiakaran'io taha io. Na izany aza, niteraka fanehoan-kevitra nafampàna tokoa teo anivon'ny Koreana Tatsimo mpampiasa aterineto ilay fihetsika.
Koety: Miady Amin'Ireo Orinasa Mpanome Tolotra Aterinto Ny Bilaogera
Tato anatin'ny roa volana, ireo bilaogera Koetiana dia nanao fanentanana manohitra an'ireo mpanao tolotra aterineto izay manery amin'ny famerana ny 'bande passante" (Avy amin'ny mpandika : asa raha azo atao hoe "Fatran'onja" izy io), ny vola lafobe aloa efa hatramin'ny taona lasa, izay sanda nifanarahan-dry zareo fa hampitoviana, ary dia mamono araka izany ny fifaninanana eo amin'ny tsenan'ny aterineto.. Manaparika izany hetsi-panoherana izany i Mona Kareem.
Sao Tome sy Principe: Ho Famonjena Ny Kolotsaina Maro Sampana
Ny fankalazan'i Sao Tome sy Principe ny faha-36 taonan'ny fahaleovantenany, ny 12 Jolay, dia nahitàna hetsika ara-kolotsaina sy ara-pomban-drazana natao nanerana ny firenena. Sampannan-dalàn'ny kolotsaina nandritra ny taonjato maro io firenenq io, nitelinq karazana fomban-drazana samihafa hanjary ho tokana. Manampy amin'ny fandraketana ireo dihy nentin-drazana sy bilaogera; sady maneho ny alahelony fa tsy ampy ny hetsika atao mba hitahirizana azy ireny ho an'ireo taranaka ho avy.
Bolivia: Mpiady Mpiangaly Cholitas Eny Alohan'ny Sehatra
Nahasarika ny sain'ny teratany sy ny mpitsidika efa ho am-polotaonany izao ny tolom-behivavy (catch) ao El Alto, Bolivia. Nampian'ireto vehivavy ireto zavatra kely avy amin'ny nentin-drazan-dry zareo ity lalao malaza ity: taiza koa no nahitanao zipo lava mirenty miaraka amin'ny atin'akanjo, fehin-tenda misy volombolony, volo matevina sy satroka bozaka entina miady eny ambony ringa?
Mametraka Ny Tatao Amin'ny Entona Karbaona I Aostralia
Mizarazara ny hevitry ry zareo Aostraliana taorian'ny fanambaran"ny Praiminisitra Julia Gillard mikasika andiana fepetra momba ny Angovo Madio miaraka aminà tataom-bidin'ny entona karbaona $A 23 isaky ny taonina ary ny tsenan'ny famoahana entona mampitombo hafanana hatramin'ny 2015. Marihan'ireo bilaogera fa i Aostralia no hany firenena tokana manerana izao tontolo izao mametraka ny tato amin'ny entona karbaona amin'ny sehatra rehetra amin'ny toekarena.
Lahatsary: Tortillas, Chapatis, Mofo Sy Maro Hafa Manerana Izao Tontolo Izao
Betsaka amin'ireo kolontsaina no mampiaraka ny sakafony amin-javatra vita avy amin'ny voamaina; mofo, biskoitra sy karaza-mofo nahandroina tamin'ny entona no tena isan'ny sakafon'ny olna amin'ny toerana maro manerana izao tontolo izao. Androany isika dia hitsidika mpiangaly sy mpahandro mba hijery ny fomba fikarakaran-dry zareo sy fanaovany ny sakafo fanomeny ny fianakaviany.
Zambia: Pastora Mampiasa ny Facebook Mba Hitoriana Filazantsara
Ny Matio 28: 19 no mibaiko ireo rehetra nantsoina hanely n y filazantsaran'Andriamanitra, “Mandehana ka ataovy ho mpianatra ny firenena rehetra…” Mampiasa ny fomba rehetra sy ireo seha-pifanakalozan-dresaka anaty aterineto mba hitoriana teny ireo mpitory filazantsara Zambiana. Niaraka tamin'ny fahatongavan'ireo tambajotra toy ny Facebook, misy amin'ireo pastora be ketrika sy mpitory teny mafàna fo no mampiasa ny vohikala hanakaikezana ireo “fanahy very”
Malezia: Maro Indray no Voasambotra Talohan'ny Fikarakaràna Famoriam-Bahoaka
Marobe be indray izao ny olona nosamborina noho ny fanohanana ny Famoriam-bahoaka Bersih 2.0 izay nokasaina hatao ny 9 Jolay 2011. Ny sasany nosamborina fotsiny satria hoe nitafy ankanjo bà Bersih. Ny famoriam-bahoaka Bersih, izay nambaran'ny governemanta fa tsy ara-dalàna, dia nokarakaraina hitakiana fifidianana mangarahara sy madio.
