Lahatsoratra farany an'i avylavitra tamin'ny Septambra, 2011
Kamerona: Dia Ahoana Raha Tsy Mandeha Mifidy Isika Amin'ny 9 Oktobra?
Ao Kamerona, toa tsy dia mahataitra loatra ny olona ny fifidianana izay ho filoham-pirenena amin'ny 9 Oktobra 2011. Ho an'ny Kamerone maro, tsy dia misy lanjany loatra io fifidianana io ary dia tsy misy antony tokony hifidianana raha ny hevitry ny mpifidy maro, satria ny vokatra dia efa mirona sahady mankany amin'ny Filoha amperin'asa Paul Biya.
Okraina: Lahatsary Fohy Vokarin'ny Tanora Ho An'ny Fitovian'ny Lahy sy ny Vavy
Nandray anjara taminà fifaninanana mamokatra lahatsary fohy miady amin'ny fitsaràna an-tendrony ny vehivavy sy ho amin'ny fitovian'ny lahy sy ny vavy, ireo tanora Okrainiana. Ireny lahatsary ireny dia niresaka olana izay azon'ny olona maro takarina amin'ny tenim-pirenena maro.
Pakistan: An-tapitrisany Tratry Ny Tondra-drano Ao Sindh, Tsy Misy Mpijery
Taorian'ny tondra-drano niteraka faharavàna be tamin'ny taona 2010 tao Pakistan dia tsy nisy dingana mivaingana noraisin'ny governemanta hatreto mba hiatrehana ny mety ho fisian'ny tondra-drano amin'ny hoavy. Ny fiantraikan'io tsy firaharahiana io dia nandravaràva indray ny tondra-drano. Ny ivon'ilay zava-doza tamin'ity taona ity dia i Sindh izay namafàn'ny tondra-dranobe tanàna maro ary namindràna toerana olona an-tapitrisany.
Hong Kong: Raràn'ny Birao Misahana Ny Fifidianana Ny Fizaràm-Baovao Anaty Aterineto Ataon'ireo Mpirotsaka Hofidiana
Nanomboka tamin'ny 15 Septambra 2011 teo ny fanendrena ireo ho arotsaka hofidiana amin'ny fifidianana mpanolotsain'ny distrikan'i Hong Kong.[...] Izay rehetra fanavaozana sata ao amin'ny Facebook dia tsy maintsy ampandalovina amin'ny Birao Misahana ny Fifidianana, roa andro mialoha ny hamoahana azy anaty aterineto
Yemen: Vonomoka Nandeha Mivantana Tamin'ny Aterineto
Vonomoka iray no nojerena maso mivantana , isak'izay bitsika nalefa, tao Sanaa renivohitr'i Yemen. Ny tafika mitam-piadiana Yemenita dia nitifitra ireo mpanao hesi-panoherana, nahafaty olona 22 raha kely indrindra ary naharatràna an-jatony maro hatreto. Mandeha mivantana amin'ny alalan'ny live feed ilay zava-mahatsiravina, ary hitan''ireo mpijery an'aliny maro izay tohina nanerana ny tany
Brezila: Nasian'ny Tondradrano Indray Ny Fari-piadidian'i Santa Catarina
Niteraka tondra-drano tany amin'ny tanàna maro tany amin'ny faritra Atsimon'i Brezila indray ny oram-batravatra namely ny fari-piadidian'i Santa Catarina. Hatramin'ny 8 Septambra 2011, dia tondradrano, ranontrambo tampoka sy tany mihotsaka no namely ireo tanàna 96 any amin'ny faritra ary, araka ny lazain'ireo mpampahalàla vaovao mahazatra, manodidina ny 1 tapitrisa ny olona tra-boina.
Libanona: Fandrisihana Ireo Mpiasa Mpila Ravinahitra Amin'ny Teny
Vondrom-piarahamonin'ireo tanora mavitrika ao Beirut, The Migrant Workers Task Force (Vondron'Asa Momba Ireo Mpiasa Mpila Ravinahitra) no miezaka manohana ireo mpiasa an-trano ao Libanona izay mazàna tsy rariny mihitsy ny fepetra iainany sy iasàn'izy ireny. Mitatitra i Thalia Rahme.
Maraoka: Mitatra Ny Fisamborana Ireo Mafàna Fo
Tampotampoka teo dia nitatra ny fisamborana ireo mafàna fo mpomba ny demaokrasia sy ireo mpanentana anaty aterineto tao Maraoka, tato anatin'ny andro vitsy. Tamin'ny herinandro lasa fotsiny dia efa nisy telo. Zara raha miteny momba izany ny mpampahalala vaovao ary dia nandray an-tànana ny fitaterana ireny fisamborana ireny ireo bilaogera izay vao taitra ny fampahalalam-baovao nentin-drazana tao Maraoka handray ny tantara.
Meksika: Hero Reports, Fampidirana An-tsarintany Ireo Hetsika Mahafinaritra
Ny Heroreports dia tetikasa tsy itadiavan-tombotsoa manokana naompana tamin'ny fanangonana vaovao avy eny ifotony sy fananganana sarintany itaterana ny risika sy ny fitondrantena mendriky ny olom-pirenena eny anivon'ny fiainam-piarahamonina eny. Nanomboka tao Ciudad Juárez, Meksika izy ity, toy ny hoe fandraisana andraikitra nataon'ny Foibe MIT ho an'ny Media-n'olon-tsotra antsoina hoe "Crónicas de Héroes"
Vohitra any Ségou: Mivavaka Hiavian'ny Orana
Nandritra ny volana Aogositra dia nisedra tsy fahampianà rotsak'orana ireo vohitr'i Ségou, faritra iray ao Mali. Nisy fiantraikany ratsy teo amin'ny asan-dry zareo eny an-tsaha izany, nanozongozona ny taom-pambolena iray manontolo. Ny hany sisa natao dia ny nivavaka. Farany, rehefa ela niandrasana dia tonga ny orana, nahafahan'ireo mponina mba nankalàza ny fifarànan'ny Ramadany tao anatin'ny saina tony. Ny mpandray anjara amin'ny tetikasa Ségou Villages Connection dia manoratra mikasika io vanim-potoana sarotra io.
