Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

avylavitra · Desambra, 2012

imailaka avylavitra

Lahatsoratra farany an'i avylavitra tamin'ny Desambra, 2012

Tohin

Italia : #iostoconmarco, Miaraka Amin'i Marco Pannella Manohitra Ireo Fonja Tsy Manaja Ny Maha-Olona

  31 Desambra 2012

Tanjon'ny fitokonana tsy hihinan-kanina sy tsy hisotro rano nataon'ilay mpitarika ny radikaly italiana ny hiampangàna ny fepetra iainan'ireo voafonja any amin'ireo fonja italiana, ny hitakiana ny hampihenana ny isan'ireo voafonja ary hanomezana azy ireo ny zo ho afaka hifidy. Lohahevitra izay tokony ho hita any anaty fandaharan'asam-pifidianan'ireo antoko politka hiatrehana ny fifidianana voatondro ho amin'ny Febroary 2013.

Tohin

Tonga Hatrany Anaty Fandrakofana Ny Disadisa Ny Adin'ny Media Hisarihana Mpihaino Ao Israely

Ny olana ara-bola dia manana toerana lehibe tokoa hampikororosy ny fahaleovantenan'ireo mpanangom-baovao, izay mety tsy harisika intsony handray fanamby hiatrehana ny hetahetan'ireo tonian-dahatsoratra na mpitantana an-dry zareo izay, etsy andaniny, tsy maintsy manao tatitra amin'ireo tompon'ny famoaham-baovao. Mitombo hatrany hatrany, ireo olon-tsotra mpampahalala vaovao sy bilaogera mameno ny banga amin'ny fandrakofam-baovao navelan'ireo media Israeliana mahazatra.

Tohin

Hamehana Noho Ny Ranomandry Ao Okraina Andrefana

  19 Desambra 2012

Ny Alahady 16 Desambra, anjatony ireo fiara no voageja teny an-dalamben'i Okraina Andrefana noho ny tafiotran-dranomandry mavesatra nisy. Araka ny nambaran'ireo mpampita vaovao mahazatra isan-karazany sy ny tatitr'ireo fampahalalam-baovaon'olon-tsotra, enjana be ny zava-nisy, satria marobe tamin'ireo tavela tany anatin'ny fiarany no nanomboka lany vatsy, rano sy solika, nefa ny toetrandro tsy nihatsara mihitsy.

Tohin

Tiako i Brunei Satria….

  16 Desambra 2012

Delwin Keasberry, fantatry ny be sy ny maro kokoa amin'ny hoe @BruneiTweet eny anatin'ny vondrom-piarahamonina aterineto Brunei, dia nangataka tamin'ireo mpanjohy azy ao an-toerana mba hibitsika ny fitiavan'izy ireo ny fireneny. Ity lahatsoratra ity dia manasongadina ny sasany amin'ireo bitsika nalefan'ireo Brunei mpampiasa twitter, izay namoaka zavatra maro mikasika ny fiarahamonina Brunei sy ny vahoakany.

Tohin

Mpitsara Saodiana: Bashar al-Assad Dia Vokatra Nateraky Ny Demaokrasia

Natao androany [15 Des 2012] ny fotoam-pitsaràna fanintsiviny an'ireo roalahy mpikatroka mafàna fo mpiaro zon'olombelona Mohammad Al-Qahtani sy Abdullah Al-Hamid, ny iray amin'ireo raharaham-pitsaràna azon'ny rehetra atrehana ao Arabia Saodita natao tao amin'ny Fitsarana Heloka Bevava ao Riyadh. Tamin'ny fifanatrehana farany, nanolotra ny fiarovantenany ireo voampanga, ary androany, nitondra fanazavana fanampiny misimisy kokoa ireo voampanga no sady nanontanian'ny mpitsara ihany koa

Tohin

Lasan'i Afganistana Ny Amboaran'ny Firenena Mpanao Kolikoly Indrindra

  15 Desambra 2012

Afghanistan no heverina ho ny firenena faran'izay mpanao kolikoly indrindra eto an-tany tao anatin'ny fanadihadiana isan-taona nataon'ny mpanaramaso ny kolikoly eran-tany. Niteraka andianà famoriam-bahoaka hanoherana ny kolikoly nanerana ity firenena rotiky ny ady ity ny famoahana ilay fanadihadiana. Tao Bamyan, ireo mpikatroka mafàna fo avy amin'ny fiarahamonina sivily ao amin'ny faritanin'i Bamyan (aka Bamiyan) dia nanolotra sary famantarana iray maneho ny filoha Afgana Hamid Karzai miaraka amin'ny 'Amboaran'ny Firenena Mpanao Kolikoly Indrindra'.

Tohin

Jackie Chan: “Lasa Tanànan'ny Fanoherana i Hong Kong”

  15 Desambra 2012

Niteraka hatezerana tao Hong Kong ilay mpilalao sarimihetsika sy kintan'ny haiady Kung Fu , Jackie Chan, taorian'ny nitenenany tanaty tafatafa iray hoe : “Lasa tanànan'ny fanoherana i Hong Kong, mibedibedy an'i Shina sy ireo mpitarika azy isika, mibedibedy mikasika izao zavatra rehetra izao isika ary te-hanohitra amin'izao zavatra rehetra izao."

Tohin

Thailand: Nahoana No Nandamoaka Ny Hetsi-panoheran'ny Pitak Siam

  14 Desambra 2012

Ny Pitak Siam (Arovy i Thailand), vondrona manohitra ny governemanta, dia nivoady ny hanetsika olona iray tapitrisa ho eny an-dalamben'i Bangkok tamin'ny 24 Novambra teo, saingy tsy nahavita namory afa-tsy 20.000. Samy nanoratra momba ilay tsy fahombiazan'ny Pitak Siam daholo ireo bilaogera, mpanao gazety sy ny eny amin'ny anjerimanontolo, ary ny fiantraka ara-politikan'ilay hetsi-panoherana.