Lahatsoratra farany an'i avylavitra tamin'ny Mey, 2012
Costa Rica: Ilay ‘Cirque’ Manavotra Ain'Ankizy
Any atsimon'i Costa Rica no misy ny tanànan'i Perez Zeledon, tananan'ny Fantazztico Circus izay manome vintana ho an'ireo ankizy sy tanora avy ao amin'ilay faritra ho lavitry ny zava-mahadomelina sy ny adin-tsaina tamin'ny fisokafan'ny varavarany ho amin'ny fitetezana iraisam-pirenena.
Gresy: Mitombo Ny Herisetra Ataon'ny Polisy Amin'ireo Mpifindra Monina
Ambony ambany ny media sosialy Grika taorian'ny lahatsary iray nakarina tao amin'ny Facebook sy Twitter, nampiseho ireo manampahefana avy amin'ny polisy nanao tsinontsinona ampahibe-maso mpifindra-monina iray voatàna am-ponja tao an-tanànan'i Athenes.. Mihanaka ao Gresy ny herisetra noho ny fanavakavahana sady amin'ny taha mampivarahontsana tato anatin'ny taona vitsy, raha mbola miantona kosa ny fanavaozana ara-pitantanana nampanantenaina.
Etiopia: Fihaonambe Iraisam-pirenena Ara-toekarena Afrika 2012
Mpitondra maherin'ny 700 avy aminà firenena maherin'ny70 no nanatrika ny Fihaonambe Iraisam-pirenena Ara-toekarena natao tao Addis Abeba, Etiopia nanomboka ny 9 hatramin'ny 11 May 2012.
Global Voices Podcast: Sakafon-tsaina, Sakafo Hohanina
Ato anatin'ity andiany ity isika dia hitrandraka ireo asa sy hetsika farany indrindra teo anivon'ny vondrom-piarahamonin'ny Global Voices. Miresaka ihany koa isika amin'ireo namana sasany, mikasika ireo singan-kolontsaina ifanakalozana eo amin'ny fiainantsika, ka hafantoka manokana amin'ny resaka sakafo : na izany sakafon-tsaina, na hohahina!
Speak Out Tunisia: Fanofànana Olon-tsotra Hanao Gazety Mba Hisian'ny Gazety Malalaka Sy Tsy Mitanila
Speak Out Tunisia dia tetikasa iray ho fanofanana momba ny fanaovan-gazetin'olon-tsotra izay mikendry ny hampianatra vondronà olom-pirenena Toniziana samihafa mikasika ny media dizitaly sy ny fanaovan-gazety anaty aterineto.. Taorian'ny Revolisiona Toniziana, Speak Out Tunisia dia mitady izay hamerenana ny tanjaky ny gazety malalaka sy tsy mitanila ho an'ny vahoaka Tonizian. Anne Medley, niaraka tamin'ny Le PaCTE Toniziana, dia nampianatra andian'olona sambany vao niroso ho amin'ny fanaovan-gazetin'olon-tsotra tany atsimon'ny tanànan'ny Kebili sy andiany iray efa mba mahaihay ihany tao Tunis.
Eoropa : Tsianjery Maimbo Momba Ny Fifindra-monina
Nifarana ny fifidianana izay ho filoham-pirenena frantsay saingy ny nifidianan'ny filoha teo aloha, Nicolas Sarkozy, hanao ny resaka fifindra-monina ho ivon'ny fampielezan-keviny kosa dia mitohy resahana hatrany ety anivon'ny tranonkala. Manotany teny ny maro amin'ny mpiondana aterineto raha toa io safidy nanaovany pi-maso tamin'ny hery farany havanana mba ho fampandaniana azy io ka nanampy mba hanamaivamaivana ny fahareseny, na mifanohitra amin'izany, anisan'ny antony iray nampandositra ireo mpifidy azy.
Shina, Filipina: Mihenjana Ny Tadin-dokanga Momba Ny Fiandriananm-pirenena Ao Scarborough Shoal
Niakatra ny maripàna eo amin'ny fifanolanan'i Shina sy Filipina momba ny fifandroritana ny fari-dranon'i Scarborough Shoal na ny Nosy Huangyan, miaraka amin'ny filazan'ny fampahalalam-baovao eo ambany fitantanan'ny fanjakàna Shinoa izay niteny fa tsy afaka ny handefitra intsony i Shina amin'ny fisian'ireo sambo mpiady avy any Filipina ao amin'ny fari-dranomasina atsimon'i Shina.
Indonezia: Lesona Jeografia Ho An'i Justin Bieber
Teo am-panazavàna ny dingana namoronana ny iray amin'ireo hirany vaovao, dia niteny i Bieber fa noraketina tany aminà "firenena kianjoanjo" izy io. Ilay firenena kianjoanjo eto dia i Indonezia ary dia nahatezitra ireo marobe mpiondana aterineto sy mpankafy azy izany.
Kolombia: Fitsidihana Ny Toby Karmata Rua Misy Ireo Vazimba Teratany
Tsy ela akory izay ny vohikala Multimedia TodoLoQueHay[es] avy ao Kolombia dia namoaka fitsidihana an-tsary fohy ny toby misy ireo vazimba teratany Emberá-Chamí fantatra fahiny tamin'ny hoe Christendom, izay ny mponina ao ankehitriny dia miezaka ny hanao izay hahafantarana azy amin'ny fiantso nentin-drazana hoe : Karmata Rua.
Yemen: Firy Ny Vehivavy Niharan'ny Faneriterena Ara-Nofo?
Niteraka resa-be nahafanina tety anivon'ny aterineto ny lahatsoratra iray [ar] nivoaka taminà gazety Arabo Al Hayat tamin'ny 2 May, nilaza fa 90% amin'ny vehivavy Yemenita no niharan'ny faneriterena ara-nofo