Tantara mikasika ny Afrika Avaratra sy Afovoany Atsinanana tamin'ny Jona, 2011
Ejypta: Khaled Said, Herintaona Taty Aoriana
Herintaona lasa izay, Khaled Said, Ejyptiana 28 taona avy any an-tanàna amorontsirak'i Alexandria, no nampijalijaliana teo am-pelantanan'ny polisy roa lahy. Ankehitriny, mahatsiaro ny fitsingerenan'ny iray amin'ny nahatonga ny revolisiona nataony ny Ejipsiana.
Ejypta : Mampiady hevitra ny fifanarahana amin'ny FMI
Mba hanampiana ny firenena Ejipsiana amin'ny olana ara-bola noho ny revolisiona 25 janoary, nanaiky hanao fanampiana fampindramam-bola mitentina 3 miliara dolara ho an'ny firenena be mponina indrindra ao amin'ny tany arabo ny FMI (Tahirim-bola Iraisampirenena) tamin'ny Alahady teo.
Syria : Bilaogeran'ny ‘Gay Girl in Damascus’ nalaina ankeriny
Nanjary nalaza be vetivety i Amina Arraf izay nisy naka an-keriny. Mi-bilaogy amin'ny solon'anarana hoe Amina Abdullah. Manoratra momba ny politika, ny fikomiam-bahoaka vao haingana teo ary ny maha-vehivavy mitia vehivavy azy ao Syria.
Koety: mpianatra ejipsiana voaroaka fa nanontany momba ny revolisiona
Nandroaka mpianatra Ejipsiana 10 taona hiala an-tsekoly ny manampahefana amin'ny fampianarana Koesiana noho ny fanontaniana nataony tamin'ny mpampianatra hoe : "Nahoana ianareo no tsy manao revolisiona?" Indreto ny voafantina tamin'ny tora-po nivoaka tao amin'ny Twitter. Niverina tamin'ny fanapahan-keviny moa ny minisiteran'ny Fampianarana ary efa niverina nianatra ilay zaza.
Tonizia: Mpiasam-panjakana Ambony Nosamborina fa Nanakiana ny Ministeran'ny Atitany
Samir Feriani, mpiasam-panjakana ambony tao amin'ny Ministeran'ny Atitany, dia nosamborin'ny polisy tsy an-kitsitsy mihitsy no sady nentina tany amin'ny toby miaramila iray tao Tunis renivohitra ny 29 May teo. Andro maro talohan'io, namoaka taratasy roa tao amin'ny gazetiboky “Al-Khabeer” ho an'ny vahoaka Toniziana, ka tao anatin'izany no nanakianany ny politika fandraisana mpiasa ao amin'ny ministera.
Syria: Fahatapahan'ny Aterineto?
Mirongatra ao amin'ny Twitter ny filazana fa mety misy fahatapahana ankapobeny ny aterineto manerana an'i Syria androany (Zoma). Manohy ny fihetsiketsehana hatrany ny Syriana manohitra ny fitondran'i Al Assad sy ny habibiana ataony amin'ny Syriana. Natao ny fihetsiketsehana Zoma hanamelohana ny fanafihana natao tamin'ireo zaza Syriana. Ny sasany milaza ny...
Ejipta: V na hoe Virijiny sa tsia?
Taorian'ny fanamarinana ilay vaovao manafintohina momba ny fitsirihana ny maha-virijiny na tsia an'ireo vehivavy nanao hetsi-panoherana izay voatàna nandritra ny revolisiona Ejiptiana, hatezerana moa izany, tsy ireo vehivavy Ejiptiana ihany, fa hatramin'ny lehilahy izay tsy nety nino mihitsy fa hoe ireo niady ho an'ny fahamendrehana sy ny fahalalahana no hisetrasetrana amin'ny fomba mahamenatra tahaka izany.
Yemen: Antony nahatara an'i Saleh!
Nanala azy ny mpisiokantsera tamin'ny fampiasana ny tenifototra #AntonynahataraaniSaleh teo am-piandrasana ny kabarin'ny filoha Yemenita Ali Abdullah Saleh, izay nanaraka ny tatitra fa naratra tao amin'ny Lapam-panjakana izay nisy nanafika maraina tao Sanaa. Efa nilalao tenifototra mitovitovy aminy ny mpisiokantsera raha nahemotra ny kabarin'ny filoha Ejipsiana Hosni Mubarak – #AntonynahataraaniMubarak...
Yemen: Saritaka ao Sanaa amin'ny vaovao mifanohitra momba an'i Saleh
Tafalatsaka anaty korontana tanteraka ny renivohitra Yemenita Sanaa nandritra ity folakandro ity, noho ny fisian'ny vaovao mifanohitra momba ny filoha Yemenita Ali Abdullah Saleh. Raha milaza ny sasany fa nandao ny lapam-panjakana ao Sanaa izy, ny hafa kosa nitatitra fa naratra izy nandritra ny fifandonana nitranga. Indreto ny tora-po voalohany...
Siria: Manao Hetsi-Panoherana ho an'ny Hoavin'ny Ankizy
Miteny anatinà andian-dahatsary mahavaky fo ao amin'ny Youtube ireo tanora tra-doza tao Siria, milaza amin'ny antsipirihany ny zava-doza niainan'izy ireo sy ny fianakaviany andro aman'alina nandritra ireo fotoanan'ny revolisiona tao amin'ny fireneny nanoherana ny fitondran'i Bashar Al Assad. Ny hetsi-panoheran'ny androany Zoma dia natolotra ho an'ireo ankizy Siriana sy ny ho avin'izy ireny.
