Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Tonizia: Mpiasam-panjakana Ambony Nosamborina fa Nanakiana ny Ministeran'ny Atitany

Ity lahatsoratra ity dia ampahany amin'ny tatitra manokana ataonay momba ny  Revolisiona ao Tonizia 2011.

Samir Feriani, mpiasam-panjakana ambony tao amin'ny Ministeran'ny Atitany, dia nosamborin'ny polisy tsy an-kitsitsy mihitsy no sady nentina tany amin'ny toby miaramila iray tao Tunis renivohitra ny 29 May teo. Andro maro talohan'io, namoaka taratasy roa tao amin'ny gazetiboky  “Al-Khabeer” ho an'ny vahoaka Toniziana, ka tao anatin'izany no nanakianany ny politika fandraisana mpiasa ao amin'ny ministera.

Tao anatin'ireo taratasiny, voalaza ho nanoratra izy hoe ireo mitàna toerana tena ain-dehiben'ny ministera no tompon'andraikitra amin'ireo heloka bevava nitranga tany amin'ny faritanin'i Kasserine, izay nahafatesana mpanao hetsi-panoherana maherin'ny 60 nandritra ny fitakiam-panovàna. Miteny koa izay fa ireo antontan-taratasy mampifaningotra ny filoha teo aloha niongana amin'ny Mossad avy any Israely, dia ninian'ireo manampahefana tao amin'io ministera io nopotehana.

Samir Feriani

Samir Feriani

Ilay fihetsika dia nahatohina ireo Toniziana mpitoraka bilaogy izay nihevitra hatrizay fa hoe ny fisamborana olona noho ny filazàny izay tao an-tsainy sy ny fanehoany hevitra, dia efa tantara fahiny nivalona niaraka tamin'ny fitondràna teo aloha. Ity ny famioahana ny sasantsasany amin'ireofanehoan-kevitra tao amin'ilay vohikala fitorahana bilaogy kiritika:

@riadheh:ça se passe en Tunisie post ZABA

Taorian'ny vanimpotoana ZABA no mitranga izany [ZABA solon'anarana nomena an'i  Zeine El-Abidine Ben Ali]

@walidsa3d:#SamirFeriani no ilay Bradley Manning ho an'i Tonizia, tsy maintsy manohana azy isika.

@Anis_BenHamida: Début de la révolution à l'intérieur du #MI ? #Tunisie

@Anis_BenHamida: Fiandohan'ny revolisiona ao anatin'ny Ministeran'ny Atitany ve?

@MehdiAyadiCorra: Samir Feriani,haut fonctionnaire de police,kidnappé pour avoir dénoncé les pratiques du #MI.Il va croupir dans les geôles #Tunisie

@MehdiAyadiCorra: Samir Feriani, mpiasam-panjakana ambony iray, nalaina an-keriny fa niampanga ny fomba ratsy fanao ao amin'ny Ministeran'ny Atitany [#MI]. Hijaly any am-ponja ilay zalahy iny

@emnamejri:Liberté pour Samir feriani http ye5i winhom nos journalistes, wini la société civile, les partis politikes #Tunisie

Fahafahana ho an'i Samir Feriani. Mba aiza daholo ireo mpanao gazetintsika e, ny fiarahamonina sivily ary ny antoko politika?

Ilay bilaogera Yessine Ayari (@yassayari), dia nitafatafa tamin'ny vadin'Ing Feriani – Leila Friani, izay nanamafy fa ny vadiny dia niala tao an-trano ny Alahady maraina ary tsy mbola tafaverina hatramin'izao, ary ny Alatsinainy izy vao nilazana fa hoe voasambotra izy. Nanontany azy i  Ayari momba ny manodidina io fisamborana am-badiny io. Namaly izy hoe ” tao anaty fiarany izy ary nisy fiara roa hafa nanaraka azy. […] Tamin'ny fomba maharikoriko no nisamborana azy, sahala amin'ireny fakàna an-keriny ireny.” Miteny ihany koa izy fa voaheloka ho “nanely tsiambaratelo” ny vadiny.

Tao amin'ny Facebook, nihazakazaka namorona pejy hanehoana ny fanohanany an'i Feriani ireo mafàna fo ary miantso ny famotsorana azy avy hatrany. Anisan'ireny pejy ireny ny  Libérez Samir Feriani’ [Fr] “Afaho i  Samir Feriani” amin'ny teny Anglisy, sy ny Tous Unis avec Samir Feriani[Fr] “Miara-mirona amin'i Samir Feriani” amin'ny teny Anglisy.

Ity lahatsoratra ity dia ampahany amin'ny tatitra manokana ataonay momba ny  Revolisiona ao Tonizia 2011.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.