Tantara mikasika ny Afrika Avaratra sy Afovoany Atsinanana tamin'ny Avrily, 2013
“Ny Daroka Drôna No Endrika Ahafantarana An'i Etazonia Any Yemen”
Nijoro vavolombelona teo anatrehan'ny Senat Amerikana ny Yemenita iray, 22 taona, Farea Almuslimi, nandritra ny fotoam-pihainoana mikasika ady miafin'ny Amerikana ampiasàny drôna ka nanome fijoroana vavolombelona mahery vaika. Avy any amin'ny tanànan'i Wessab ity mpikatroka mafàna fo sady mpanao gazety ity, tanàna niharan'ny daroka drôna Amerikana tamin'ny 18 Aprily 2013 teo.
Mpikatroka Mafàna Fo Mpiaro Zon'olombelona, Nampanantsoin'i Arabia Saodita Mba Halaina Am-bavany
Omar Al-Saeed, mpikambana ao amin'ny Fikambanana Saodiana Mpiaro ny Zo Sivily sy Ara-politika (ACPRA), dia voaantso halaina am-bavany tamin'ny 22 aprily ary mbola nangatahana hiverina amin'ny herinandro ho avy. Izy no farany indrindra hatreto amin'ireo mpikatroka mafàna fo mpiaro zon'olombelona nalaina am-bavany sy miatrika fitsaràna ao Arabia Saodita.
Vehivavy Noraràn'ny Fitsarana Saodiana Tsy Hanatrika Ny Fotoam-pitsarana Ireo Mpikatroky Ny Zon'Olombelona
Folo andro taorian'ny fanomezan-dalana ilay vehivavy Saodiana voalohany hanana mpisolo vava, noraràn'ny fitsarana tsy hanatrika ny fotoam-pitsarana ilay mpikatroka Dr. Abdualkareem al-Khudar izay misokatra ho an'ny daholobe ny vehivavy, mpikambana mpanorina ny Fikambanan'ny zon'olombelona voalohany...
Adihevitra Saodiana Momba ny Fefy Atsangana Manaraka amin'ny Sisintany 1000 Maily Ifanakalozana amin'i Yemen
Tamin'ny fiandohan'ity volana ity, nitatitra ny BBC fa eo am-pananganana fefy 1000 maily amin'ny sisintany ifanakalozany amin'i Yemen i Arabia Saodita. Zara fa lazaina ao amin'ny gazety nasionaly Saodiana io vaovao io raha miely sy voatsikera fatratra any amin'ny gazety Yemenita.
Torolalana Ara-dalàna Momba Ny Fiarovana Nomerika Ho An'ny Mpikatroky Ny Zon'Olombelona Arabo
Namoaka "torolalana ara-dalàna ho fiarovana ara-nomerika" ho an'ny mpanentana sy ny mpikatroky ny zon'olombelona ary ny mpisolovava liana amin'ny fahalalaha-miteny nomerika sy ny tsiambaratelom-pifandraisana sy ny antontan-kevitra voatahiry ao amin'ny finday, solosaina na zavatra hafa ampiasaina hitehirizana sy izarana vaovao ny Fikambanana Miaro ny Fahalalaham-Pitenenana sy Fieritreretana ao Ejipta.
Nahazo Zo Tsy Iharan'ny Lalàna ireo Miaramila Ambony Ao Yemen
Nilatsaka ihany nony farany ny didim-panjakana avy amin'ny prezidansa izay efa nandrasan'ireo Yemenita marobe, satria noesorin'ny filoha Yemenita Abdrabuh Mansur Hadi teo amin'ny toerany ny zanaky ny filoha teo aloha Ali Abdullah...
Iran: Mihetseha toy ny Lehilahy, Mitafia Toy ny Vehivavy!
Marobe ireo lehilahy Iraniana no naka sary ny tenany nitafy akanjom-behivavy hatao amin'ny sary mombamomba azy ao amin'ny fanentanana iray ao amin'ny Facebook hilazàna hoe, "Tsy natao ho fitaovana hanalàna baraka na hanasaziana na iza na iza ny maha-vehivavy ny olona."
Ny Afovoany Atsinanana Hita Avy Eny Amin'ny Tsy Taka-maso: Sary Zarain'i Cmdr Hadfield Ao Amin'ny Twitter
Ilay "astronaute" Kanadiana Chris Hadfield, izay eny amin'ny Toby Iraisampirenena eny amin'ny Habakabaka eny amin'izao fotoana, dia mizara sary mahafinaritra avy amin'ny manodidina an'izao tontolo izao ao amin'ny Twitter. Ireto ny vitsivitsy amin'ireo saripika nozarainy mikasika ny faritra Afovoany Atsinanana avy eny amin'ny tsy taka-maso eny.
Mba Ampandroy Ny Filoham-pirenena Ejiptiana!!
Namela fofona i Mohammed Morsi - tao amin'ny Twitter. Nawara Negm, blagera sady mpikatrka mafàna fo dia nametraka ny tenifototra #حموا_الرئيس [ar], izay midika hoe "Mba ampandroy ny Filoha, taorian'ny namakiana tao anaty gazety Libane iray fa hoe nitaraina tao amin'ny minisiteran'ny raharaham-bahiny ny tomponandraikitra alemà sasantsasany mikasika ny fofona avy amin'ny vatan'i Morsi."
#Yemen: Vodaroky Ny Drôna Amerikana i Dhamar
Taorian'ny telo volana mba niatoan'ny fanafihana drôna (fiaramanidina kely mpandaroka baomba baikoana avy lavitra) Amerikana tao Yemen, dia namono olona dimy noahiahiana ho Qaeda ny drôna halina 16 Aprily 2013. Halina, i Farae Al-muslimi, Yemenita mpanao gazety sady mpikatroka mafàna fo, avy ao amin'ny tanànan'i Wessab, any amin'ny faritanin'i Dhamar, no namoaka voalohany ny vaovao mikasika ilay fanafihana drôna Amerikana tao amin'ny Twitter.
