Ity lahatsoratra ity dia ampahany amin'nytatitra manokana ataonay momba ny  Hetsi-panoherana Siria 2011.

Miteny anatinà andian-dahatsary mahavaky fo ao amin'ny Youtube ireo tanora tra-doza tao Siria, milaza amin'ny antsipirihany ny zava-doza niainan'izy ireo sy ny fianakaviany andro aman'alina nandritra ireo fotoanan'ny revolisiona tao amin'ny fireneny nanoherana ny fitondran'i Bashar Al Assad. Ny hetsi-panoheran'ny androany Zoma dia natolotra ho an'ireo ankizy Siriana sy ny hoavin'izy ireny.

Ao amin'ny Twitter, @RevolutionSyria dia manamarika hoe:

Na dia ny ankizy aza ao #Syria tsy matahotra ny fiara mifono vy an-dry #Bashars. Mila fahasahiana sy herim-po ny fanaovana izany… http://fb.me/12T47y0Ml

Ny rohy mankany amin'ilay lahatsary, avy amin'i fnnsyria, dia mampiseho ankizy ao Baniyas miatrana manoloana ireo fiara mirongo fiadiana, re any ambadika any ny tifitra:

http://www.youtube.com/watch?v=taeS_UX_PsY

Ity lahatsary ity, nampakarin'i Syriaandsyria, dia mampiseho ankizy miresaka momba ny tetikadiny sy mangirifiry noho ny revolisiona. Misy ny dikanteny Anglisy:

Ao anatin'ity lahatsary ity, avy amin'i kurdishsyrian, betsaka ireo ankizy hita any anaty hetsi-panoherana mihiaka ny hoe : “Syria! Fahafahana!” Manentana ireo Siriana mba hijoro ihany koa ry zareo ka hihetsika hanohitra ny fitantanan'i Assad:

Ity lahatsoratra ity dia ampahany amin'nytatitra manokana ataonay momba ny  Hetsi-panoherana Siria 2011.