Tantara mikasika ny Zon'olombelona tamin'ny Jolay, 2012
India: Miparitaka Ny Lahatsary Mampiseho Herisetra Sy Vetaveta, Mampieritreritra Ny Fitsipiky Ny Fampielezam-baovao
Raha tokony nanampy ny zazavavy Indiana iray notafihan'ny lehilahy 20 ivelan'ny toeram-pisotroan-toaka any Guwahati ny "caméraman" iray avy amin'ny fahitalavitra any an-toerana, naleony kosa nandrakitra lahatsary 30 minitra avy amin'izany tranga izany. Niparitaka be izany lahatsary izany, ka be ny fanontaniana mipetraka momba ny fitsipiky ny fampielezam-baovao, ary mampanontany tena hoe lasa firenen'olona mpitazam-potsiny ve India.
Siria: Mahatonga Hatezerana Sy Alahelo Ny Famonoana olona Tany Traymseh
Tamin'ny herintaona, nialohan'ny volana masin'ny Ramadany, ireo mpitandro filaminana Siriana izay tokam-po amin'ny fitondràn'i Bashar al-Assad dia namono olom-pirenena manodidina ny 45 tany amin'ny renivohitr'i Hama. Tamin'ity taona ity, tany amin'ny tanàna kely tsy lavitr'i Hama no niraraka ny rà, Traymseh, nefa inoana fa maro lavitra noho iny ny isan'ny maty
Afganistana: Resabe Nateraky Ny Lahatsarim-Pamonoana Noho Ny Fijangajangana
Tao amin'ny tanàna kely tsy lavitra loatra an'i Kabul renivohitra, vehivavy Afgana iray 22 taona no novonoina imasom-bahoaka noho ny fiampangana azy ho nijangajanga. Ny famonoana azy dia niteraka hatezerana, na tao amin'ny fireneny na tany ivelany. Nidina an-dalambe hanameloka ilay namono sy hitaky ny fiarovana ny zon-dry zareo ny vehivavy tao Kabul.
Arabia Saodita : Hiteraka any am-pigadrana ve i Arwa Baghadi ?
Gadra vavy Saodiana iray antsoina hoe Arwa Baghadi no efa akaiky ho teraka ao amin'ny fonja. Tamin'ny volana may 2011, ny Saudi Civil and Political Rights Association (ACPRA – Fikambanana momba ny zo sivily sy politika), fikambanana tsy miankina miaro ny zon'olombelona, namoaka taratasy ofisialy [ar] tamin'ny anaran'ny renin'i Arwa, Huda al-Ahdl, ho an'ny...
Repoblika Demaokratikan'i Congo : Thomas Lubanga, Sazy Maha-be Resaka
Ny 10 jolay lasa teo, ny Fitsarana ambaratonga voalohany tao amin'ny "Cour pénale internationale (CPI)" dia nanameloka ilay Kongole Thomas Lubanga Dyilo higadra 14 taona an-tranomaizina. Izy dia voampanga ho tompon'antoka taminà heloka an'ady tamin'ny fitsimponana sy fandraisana ireo ankizy latsaky ny 15 taona ary nampandray anjara mavitrika azy ireny taminà habibiana ny 1 Septambra 2002 hatramin'ny 13 Aogsitra 2003 tany Ituri, Repoblika Demaokratikan'i Congo (RDC). Tahaka ny maivana ihany ilay sazy raha ny hevitr'ireo mpiondana aterineto marobe.
Ejipta: Iharan'ny herisetra ny Vehivavy Ao Amin'ny Kianja Tahrir
Vantany nambara ho Filoham-pirenena vaovao ao Ejipta i Mohamed Morsi dia nirohotra tao amin'ny kianja Tahrir ny vahoaka hankalaza izany. heniky ny firavoravoana sy ny hiaka ity toerana, izay foiben'ny revolisiona ejipsiana, ity. Nanazava tambonin'ny lanitra ny afomanga, saingy nisy zavatra mampalahelo nitranga nandritra izany lanonana izany. Nitantara ny fijaliany i Natasha Smith Mpanao gazety fa...
Palestina: Noahafana Ilay Mpilalao Baolina Kitra Mahmoud Sarsak
Noafahana ilay mpilalao baolina kitra Palestiniana Mahmoud Sarsak omaly [10 Jolay 2012]. Namoaka ny sariny fiarahabana azy tongasoa tao Gaza ny pejy Facebook misy ny ekipa Palestianina. Nosamborina tamin'ny 22 Jolay 2009 izy, raha niezaka namonjy ny ekipany tao avaratry ny sisintany nobodoina, nogadraina i Sarsak nanomboka hatreo ary nosokajiana ho...
Koety: Manohy Fikomiana Ny Vondrom-piarahamonin'ireo Tsy Manana Zom-pirenena
Ny vondrom-piarahamonin'ireo tsy manana zom-pirenena any Koety (Bedoon) dia niady ho an'ny zony hanana taratasy sy ho olom-pirenena hatramin'ny volana Febroary 2011 ary ny mpampiasa aterineto dia nitodika tany amin'ny haino aman-jery sosialy mba handrenesana ny feony. Ny hetsi-panoheran'ny Zoma dia navadika ho Sabotsy ary ny andro fitakiana ny zo dia nivadika ho fifandonana tamin'ny polisy.
Nikaragòa: Tsy Mijanona Ny Tolona Ho Fampitsaharana ny Fampiasana Ny Ankizy
Tsy mora tokoa ny manandrana mampitsahatra ny fampiasana ny ankizy ao Nikaragòa, mampiseho ny antony mahatonga ireo ankizy marobe mbola miasa ity lahatsary manaraka ity na dia teo aza ny fisian'ny lalàna vaovao ....Na dia miasa mandritra ny tontolo andro aza izy ireo ka reraka vao mody an-trano, mirehareha tanteraka amin'ny fanampiany entiny ho an'ny fianakaviany ireo ankizy sy tanora ireo, ary tsy mandray izany ho toy ny "asa" na zavatra manitsakitsaka ny zony.
Pôrtô Rikô: Niteraka Korontana Ny Fitsarana Ny Raharahan'i Francheska Duarte
Nodonin'ny sakaizany taloha tamin'ny fiara ary navelany tany amin'ny toby fitsaboana vonjimaika ilay vehivavy renim-pianakaviana antsoina hoe Francheska Duarte. Ilay mpitsara nomena andraikitra hitsara io raharaha io, dia nahita fa tsy heloka bevava no azo anamelohana an'i Jorge Ramos, sakaizan'i Francheska taloha fa nohon'ny tsy fikarakarana ilay marary fotsiny ihany. Niteraka korontana tao amin'ilay nosy io didim-pitsaràna io .
