Tantara mikasika ny Zon'olombelona tamin'ny Desambra, 2010
Côte d'Ivoire: Manahy ny vanim-potoana vaovao hisian'ny fandrahonana any Abidjan ny mpampiasa Aterineto Ivoriana
Mihamahery setra tsikelikely ny krizy ara-politika any Côte d'Ivoire. Raha ny hevitry ny Firenena Mikambana, dia olona 50 no maty ary 200 no naratra nandritra izay telo andro farany izay. Nesorina tamin'ireo fampisehoana tantara misy herisetra nandritra ireo ady sasany ny haino aman-jery nentim-paharazana fa ny mampiasa aterineto koa dia niezaka ny naneho ny horonan-tsary sasany ahitana ireo herisetra manodidina ny firenena.
Brezila: manaiky ny fisian'ny fanjakana Palestiniana
Nanaiky tamin'ny fomba ofisialy ny fisian'ny fanjakana Palestiniana taorian'ny adin'ny sisintany tamin'ny taona 1967 tamin'ny 3 Desambra 2010 i Brezila.Fandalinana ny dikan'ny fanekena ho an'ny governemanta Brazailiana sy ny fiantraikan'izany eo amin'ny fiainana andavanandro ny fihetseham-pon'ny tontolon'ny bilaogy Breziliana.
Côte d'Ivoire: maneho hevitra momba ny korontana politika ny mpitoraka bilaogy any Ghana
Côte d'Ivoire (Ivory Coast) dia firenena ao Afrika andrefana. Avy aty atsimo dia manatrika ny Ranomasimbe Atlantika izy, ary hodidin'i Ghana ao atsinanana, Liberia ao andrefana, Guinée ao avaratra andrefana,...
Iran: Mpitoraka blaogy kely taona indrindra maneran-tany voasambotra
Tsy fanta-daza eo amin'ny fanenjehana mpitoraka blaogy fotsiny ny governemanta Iraniana, fa mitàna ny laharana voalohany koa izy ireo eo amin'ny sehatra maro: nanomboka tamin'ny fampidirana am-ponja ny mpitoraka blaogy voalohany indrindra teo amin'ny tantara, hatramin'ny nahafatesan'ny mpitoraka blaogy voalohany tany am-ponja. Mampalahelo anefa, fa mbola misy zavatra hafa mbola mahatsiravina noho izany tokony ampidirina ao anatin'ny lisitry ny firenena Iraniana eo amin'ny fahaiza-manaony dia ny fisamborana sy fitsaràna mpitoraka blaogy kely taona indrindra.
Pakistan: Aasia sy Aafia – Ny tantarana vehivavy Pakistane roa
Maro ny Pakistane no mahatsiaro ho voakasika amin'ny tranga mahazo an'i Aasia Bibi (vehivavy pakistane kristiana iray voaheloka ho faty fa hoe naniratsira finoana) sahala amin'ny fanahian'izy ireo momba ny fitazonana an'i Aafia Siddiqui (voaheloka hifonja 86 taona any Etazonia).
Arabia Saodita: Afaho ilay Saodiana mpampianatra, i Dr Mohammed Alabdulkareem
Saudi Dr Mohammed Alabdulkareem dia nosamborina taorin'ny namoahany lahatsoratra iray momba ny fiantraikian'ny fifehezana ny ara-politika eo anivon'ny fianakavian'ny mpanjaka [Ar]. Mitsangana mitaky ny famotsorana azy amin'ny alalan'ny fampiasàna bilaogy, Facebook sy Twitter ireo mponin'ny aterineto.
Zazavavy Maleziana 14 taona manambady
Tokony afaka hanambady ve ny zazavavy 14 taona? Vao haingana izay dia namela zazavavy iray 14 taona hanambady lehilahy mpampianatra 23 taona ny Fitsarana Syariah any Malaizia. Miady hevitra mikasika ny fanambadian'ireo ankizy ny mpitoraka-bilaogy
India: Heloka ve ny fampitàna mailaka?
Niteraka fifanoherana ny lalànan'i India momba ny aterineto, noho ny fanararaotana amin'ny fampiasàna azy. Nosamborina i Moithu (47), mpiasan'ny governemanta ao amin'ny fitondràna Indiana Kerala, noho ny nampitàny mailaka vazivazy...
Iran: Jiolahin'ny solosaina avokoa isika rehetra
Manana lalàna eo ampelatanany ahafahany miampanga ny mpampiasa aterineto rehetra ho jiolahy ny fitondrana Iraniana. Nolanian'ny antenimiera iraniana tamin'ny janoary 2009 ny "Lalànan'ny heloka eo amin'ny solosaina" (singany ao amin'ny andininy miisa 56) . Fitaovana nentina nanenjehana sy namaizana mpamaham-bolongana sy mpazoto an-tserasera izyio, nefa tsy mba nanaitra ny olo-tsotra sy ny mpandinika ireo andininy ireo.
Shina: Fotoana ho an'ny adihevitra vaovao momba ny fitsabahana amin'ny fiainana manokan'ny olona
Miaraka amina fijery faobe sy angamba mivelatra be momba ny olana mivandravandran'ny fiainana manokan'ny olona, manontany i Rui Shen, poeta sady mpampianatra hoe: "Maro ny olona no tsy miombon-kevitra amin'ireo fepetra fiarovana ny seranam-piaramanidina izay mampiseho ny toe-batan'ny olona, izay raisin'izy ireo ho toy ny fitsikilovana tanteraka ny maha-izy azy manokana. Rehefa nijery ilay resadresaka tamin'ny vaovao, dia manontany tena aho hoe: olona tsy milamina ve sa mitapy ireny olona ireny?"
