Lahatsoratra farany an'i Andriamifidisoa Zo tamin'ny Oktobra, 2011
Libya: Fifaliana Fa Voamarina Ny Fahafatesan'i Gaddafi
Maty ihany ilay nanampahefana Libyana Muammar Al Gaddafi. Taorian'ny siokantsera sy ny vaovao ankamantatra an-hetsiny amin'ny filazana azy ho voasambotra, maratra, maty na izy telo miarala, dia nohamarinin'ny Antenimieram-pirenen'ny Tetezamita (NTC) mitondra ao Libya fa tena maty tokoa izy. Samy nananihany i Sultan Al Qassemi, avy any Emirà Arabo Mitambatra, sy i...
Libya: Vaovao Tsy Voamarina Fa Voasambotra i Gaddafi
Vaovao mahafaly no re avy any Libya tao anatin'ny minitra vitsivitsy izay, ka nahatonga ny mpisiokantsera Libyana sy Arabo hifaly, amim-pitandremana, manaraka ny fivoaran-draharaha. Honohono milaza fa voasambotra ny mpanao didijadona Libyana Muammar Al Gaddafi. Izao ny domberina hita voalohany.
Indonezia: Mariazy Ara-Pombam-Panjaka Ao Yogyakarta
Namatotra ny vona [Nanambady] ny printsesin'i Yogyakarta, Gusti Raden Ajeng (GRAj) Nurastuti Wijareni a.k.a Jeng Reni, tamin'ny talata 18 Oktobra 2011 ary nasaina nanatrika ny lanonana tamin'ny alalan'ny aterineto ny rehetra. Jeng Reni, faravavin'ny Sultan Hamengkubuwono X, no nanambady an'i Achmad Ubaidillah, fantatra amin'ny hoe Yuda, ary sambany hatramin'izay no notaterina mivantana tamin'ny...
Peace & Sport : Fifampiresahana sy Filaminana Amin'ny Alalan'ny Fanatanjahantena
Meday alimo nandritra ny Lalao Olaimpika 1984, tompondaka erantany amin'ny taranja pentathlon [dimy indray miaraka] maoderina tamin'ny 1987, Joël Bouzou no mpanorina sy filohan'ny Peace and Sport, fikambanana miaro ny fandriampahalemana amin'ny alalan'ny fanatanjahantena, niorina tamin'ny 2007. Te-handrafitra fandriampahalemana maharitra manerana ny tany ity tetikasa ity. Any amin'ny firenena izay idirany...
Hongria: “Polisy firy vao mahasambotra tsy manan-kialofana iray?”
“Polisy firy vao mahasambotra tsy manan-kialofana iray?” no lohatenin'ny lahatsoratra nivoaka farany [hu] tao amin'ny bilaogy Kettős Mérce [Fomba Fiaina Roa], izay nahitana lahatsary iray mampiseho polisy valo misambotra lehilahy tsy manan-kialofana iray tao amin'ny distrika fahavalo ao Budapest. Ny tena marina dia i Attila Kopiás io, izay mibilaogy amin'ny...
Iran: “Manoatra Noho Ny Tantara Foronina” Izany Fikasana Hamono ny Ambasadaoro Saodiana Izany
Nahasarika ny takelaka voalohany amin'ny vohikala sy ny Gazety Manerantany ny Fiampangana ny Iraniana ho mikasa hamono ny Ambasadaoron'i Arabia Saodita any Etazonia. Nanambara ny fiampangana Iraniana roa nanakarama izay heveriny ho avy amin'ny andian-jiolahy meksikana hamono ny Ambasadaoro Saodiana Departemantam-panjakana Amerikana misahana ny Fitsarana. Mitsipaka izany fiampangana izany i Iran. Misara-kevitra mandrakariva amin'ity tantara "manoatra noho ny tantara foronina" ity ny hevitry ny mpamaham-bolongana Iraniana.
Angola: Mivondrona Hanohitra ny Zavatra Hafahafa ny Hetsi-Panoheran'ny Tanora
Taorian'ny fanagadrana sy ny fanamelohana ny mpitarika sasany avy ao amin'ny Hetsika Angoley 3 Septambra manohitra ny Filoha nitondra nandritra ny 32 taona José Eduardo dos Santos, dia mbola nitohy ihany ny tolona na dia eo aza ny fandrahonana.
Shina: “Nisy Zavatra Tsaroanao ny Talohan'ny Nangalarana Anao?”
Raha hitsidika ny tanàna any Shina ianao indray andro any dia hahita ankizy mangataka na mitendry zavamaneno akaikin'ny gara na toerana be mpandalo mba hahazoana vola. Ny zavatra hitanao dia izay topaza-maso amin'ny olana goavana sy faran'izay manahirana eto Shina – ny fangalarana sy ny fivarotan-jaza. Tamin'ny fiandohan'ny taona 2009...
Mametraka an-tsarintany ny tondra-drano any Thailandy
Amin'izao fotoana anoratana izao, 252 no efa maty ao Thailandy noho ny oram-batravatra naharitra roa volana izao. Faritra maro ao Bangkok, renivohitry ny firenena, no efa difotry ny rano tondraka. Natsangana ny Sarintany An-tserasera hanaraha-maso ny fizotry ny tondra-drano sy hampilaza ny olona izay mety ho fiitatry ny voina.
Kolombia: Fanazarantenam-Pirenena Voalohany Hiatrehana Fahamehana
Ny marainan'ny 5 Oktobra 2011, dia nanatontosa Fanazarantenam-Pirenena Voalohany Hiatrehana Fahamehana [es], andraisan'ny tanàndehibe 14 anjara i Kolombia. Ny Hevitra moa dia hoe misy voina (horohorontany) ka ajoro ny dingana fanentanana ny olona amin'ny andraikitra tokony raisiny raha misy voina tena mitranga tokoa.
