Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Mametraka an-tsarintany ny tondra-drano any Thailandy

Amin'izao fotoana anoratana izao, 252 no efa maty ao Thailandy noho ny oram-batravatra naharitra roa volana izao. Faritra maro ao Bangkok, renivohitry ny firenena, no efa difotry ny rano tondraka. Natsangana ny Sarintany An-tserasera hanaraha-maso ny fizotry ny tondra-drano sy hampilaza ny olona izay mety ho fiitatry ny voina.

Tondra-drano Bangkok. Avy amin'ny mpisera twitter @khunknow

Avoitran'ny Sarintanin'ny Tondradrano ao Thailandy ny faritra voa mafy indrindra, ny faritra mampididoza ary ny faritra tratrany

Eto ambany indray ny Rafitra anarahan'ny governemantan'i Thailand maso ny tondra-drano

Ny rafitra mpanaramaso ny haavon'ny rano eny amin'ny lakandrano sy ny renirano

Ny sampan-draharahan'ny lalambe manamarika ny lalana tondraka. Ny fiara mena midika hoe lalana tondraka sady tsy azo andehanana. Ny fiara maitso milaza lalana tondraka saingy azo andehanana amim-pitandremana. Ny tsipika manga manamarika ny lalankafa azo andehanana

Nisy fombam-pivavahana Brahman hampihenana ny haavon'ny rano notontosain'ny fitondrana hangatahana amin'i Kang Ka, Andriamanibavin'ny renirano, hidinan'ny rano haingana ao Bangkok. Napetraka hamonjena ny tra-boinan'ny tondradrano ny laharana Hotline an-tserasera. Manaiky fanomezana hanampiana an'i Thailandy ny Vokovoko Mena.

Manome ny toe-draharaha any Bangkok i Richard Barrow

Na dia teo aza ny rindrina fisorohana ny tondradrano, mihoatra ny 1200 ny fianakaviana any amin'ny fokontany 27 ivelan'ny ridrin-drano manara-morona ny reniranon'i Chao Phraya, ny lakandranon'i Bangkok Noi ary ny lakandrano Maha Sawat no mety ho tra-doza.

Mieritreritra aho fa hisy ny tondra-drano voafehy ao anatin'ny fotoana fohy any amin'ny faritra sasany. Efa maro ny vitan-dry zareo hiarovana an'i Bangkok amin'ny tondra-drano nandritr ny taona maromaro lasa izay. Efa nanampo tranga ratsy toy ny tamin'ny herintaona izahay fa tsy diaratsy loatra taty afara. Tantara hafa moa mazava loatra ny faritra hafa ao amin'ny firenena.

Talantalana foana nandritra ny fitondrahana. mpisera twitter @icetimicetim

Niasa tokoa ny tenifototra #thaiflood nandritra ny andro maromaro

@tumbler_p Nahare fa tsy azo ampiasaina ny lazaina ho tonelina lehibe natao hanarian-drano ao Bkk. Aza milaza amiko hoe tonelina foroporonina fotsiny ireo..

@freakingcat oram-batravatra nandritr ny volana maromaro – rendrika i Bangkok

@bamboohuts Fiaraha-miory ho an'ny tratran'ny #thaiflood [tondra-drano]. manantena izahay fa hifarana haingana ao anatin'ny fahapotehana kely indrindra ity krizy ity.

@TheLilyfish mahatalanjona ny mponina avy ao Ayutthaya izay manana toetsaina ambony mandrakariva sy tia namaa na dia efa 3 metatra ambanin'ny rano aza…

Lasakam-pasika ambonin'ny haavon'ny rano. avy amin'ny mpisera twitter @khunknow

@alexandrachua RT @Vvanessaaaa: Thailand dia manana faritany 77 saingy 55 no tondraka ary miandry ny anjarany ny ambiny.

@ChaiyaBenz Mitady ho ratsy koa ny tondradrano any Khon Kaen. mbola miakatra ny rany avy amin'ny reniranon'i Nampong ! Vonjeo!! #Thaiflood

@thai_intel tatitra milza fa maro ny tsenam-barotra thai no mamela malalaka ny olona hametraka ny fiarany eo amin'ny parking mba tsy haninona

@tulsathit Miantraika any amin'ny ozinina mihoatra ny 1200 manerana ny firenena ny tondra-drano, ary mahazo mpiasa 41000. Miantso ny ozinina tsy handroaka mpiasa ny Govt

1 hevitra

Hiresaka koa

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.