Lahatsoratra farany an'i avylavitra tamin'ny Jolay, 2012
Repoblika Demaokratikan'i Congo : Thomas Lubanga, Sazy Maha-be Resaka
Ny 10 jolay lasa teo, ny Fitsarana ambaratonga voalohany tao amin'ny "Cour pénale internationale (CPI)" dia nanameloka ilay Kongole Thomas Lubanga Dyilo higadra 14 taona an-tranomaizina. Izy dia voampanga ho tompon'antoka taminà heloka an'ady tamin'ny fitsimponana sy fandraisana ireo ankizy latsaky ny 15 taona ary nampandray anjara mavitrika azy ireny taminà habibiana ny 1 Septambra 2002 hatramin'ny 13 Aogsitra 2003 tany Ituri, Repoblika Demaokratikan'i Congo (RDC). Tahaka ny maivana ihany ilay sazy raha ny hevitr'ireo mpiondana aterineto marobe.
Etiopia: Aiza i Meles Zenawi?
Nibahana be ny habaky ny media sosialy nandritra ny herinandro maro ny momba ny fahasalaman'ny Praiminisitra Etiopiana Meles Zenawi ary niteraka fanontaniana mikasika ny hoavin'i Etiopia rehefa tsy eo izy. Nizara ny fahitan-dry zareo izay fahasalamany sy tsy fahitana azy izay any anaty Twitter sy Facebook ireo mpiondana aterineto. Manontany tena ireo mpampiasa ny media sosialy ny amin'ny antony tsy hiresahan'ireo fampahalalam-baovao mahazatra ity tantaran'ny fahasalamany sy izay misy azy ity
Oganda: Mahatsiaro Ny Fipoahana Baomba Tamin'ny 2010
Naka ny Facebook sy Twitter ho sehatra hanehoany ny fahatsiarovana ny tra-doza tamin'ny fanapoahana baomba tamin'ny 2010 tao amin'ny Rugby Club Kyaddondo sy trano fisotroana tao aminà tanàna Etiopiana ao Kampala ry zareo Ogande. Nitranga ilay fanafihana raha iny teo am-pijerena ny lalao famaranana ny fiadiana izay ho Tompondaka Erantany nihaonan'i Pays-Bas sy Espaina tao Afrika Atsimo iny indrindra ireo mpankafy baolina fandàka.
Mozambika: Fodian'ireo Mpianatra Voaroaka Avy Any Sodana
Dimy tamin'ireo mpianatra telopolo nisoratra hahazo vatsim-pianarana ao amin'ny Anjerimanontolo Iraisampirenen'i Sodana izay, tany akaikin'ny faran'ny Aprily, no nanasonia fitarainana iray teny anatin'ireo tambajotra sosialy, mikasika ny olana ara-bola sy sosialy atrehan-dry zareo ao amin'ity firenena mampiantrano an-dry zareo ity, ary efa tafaverina any Mozambika ...Raha izay mba fantatra, tsy misy, hatramin'ny anio, olona nandray ny andraikiny
Shily: Tsy Manan-kialofana Ao Santiago
Ao Santiago, Shily, tahaka ny any amin'ny tanna maro manerana ny tany, mety ho vanin-taona mahafaty ho an'ireo tsy manan-kialofana ihany koa ny ririnina. Amin'ny alàlan'ny saripika, Alejandro Rustom, mpiara-miasa ao amin'ny Demotix dia mampibaribary ny tena zava-misy iainan'ireo tsy manan-kialofana ao an-drenivohitra Shiliana sady manasongadina ny fomba entin'ireo olom-pirenena hanampiana azy ireny
Mali: Tsy Miraika Manoloana Ny Fanimbàna “mausolées” Ao Tombouctou Izao Tontolo Izao
Hiditra ao anatin'ny tantaran'i Mali sy ny lova ara-kolontsain'ny zanak'olombelona ny 30 Jona 2012, tahaka ny hoe iray tamin'ireo izay tena namoa-doza indrindra. Ansar Dine, iray amin'ireo vondrona mitam-piadiana mifehy ny avaratr'i Mali, dia niditra tamin'ny fanimbàna ireo fasana masin'ny miozolmana (mausolées) tao an-tananan'i Tombouctou. Mihetsika ireo mpiondana aterineto:
Azia Atsimo Atsinanana: Toeran'ny Ady An-trano Goavana Indrindra Misy Eto An-tany Amin'izao Fotoana
Mbola be lavitra noho ny tora-pasika fotsy manjopiaka, ny tempoly sy ny hotliny no azo ambara momba an'i Azia Atsimo Atsinanana : Tsy dia resahana matetika fa hoe raha ny marina dia toerana isian'ny ady an-trano maharitra indrindra teto ambonin'ny tany ilay faritra, ny toerana nizaka ny zera baomba mavesatra indrindra teto an-tany sy ny fihokoana islamista goavana indrindra eto an-tany
Brezila: Adihevitra Momba Ny Fiterahana Natoraly
Ho an'ny Fikambanana Iraisampirenena ho an'ny Fahasalamana dia 15% ny fiterahana ihany no tokony handalo fandidiana. Na izany aza, eo amin'ny sehatra tsy miankina Breziliana, maherin'ny 85% amin'ny fiterahana no mandalo fandidiana (sezarienina). Tsy ela kory izay, ny hantsana goavana misy eo anelanelan'ilay isan-jato natolotra sy ny tena zava-misy dia niteraka adihevitra iray sy hetsi-panoherana tao Brezila. Tao amin'ilay hetsi-panoherana, nokiahan'ireo mafàna fo ny hoe: "Dokotera, aza manadala ahy ianao. Natao [mba] hampanankarena anao ny fandidiana " Caesarians"
Espana: Nentin'ny Mpihady Arintany Mitokona Ho Ao Anaty Aterineto Ny Tolony
Mba hanomezana hery ny tolon-dry zareo, nampiasa ny tambajotra sosialy ireo Espaniola mpihady arintany manao fitokonana noho ny fanapahana ny famatsiam-bolan'ny sehatra misy azy ireo. Topazo maso ny fomba nataon'ny sasany tami'ireo mpiasa ka nitondran-dry zareo ny tolony ho ao amin'ny Facebook, Twitter, ary ny tranonkala manerantany.
Kenià: Fifandonanan'ny Olombelona Sy Ny Bibidia Anaty Alan'ny Tanan-dehibe
Ny 20 Jona, ireo mponina feno hatezerana avy ao Kitengela, faritra any ivelan'i Nairobi, dia namono liona 6 nanafika ampolony tamin'ny biby fiompin-dry zareo. Nisy andianà liona nanafika toeram-ponenana kely iray teo amin'ilay faritra ny ampitson'io ka namono osy sy ondry maro. Nitety ny tontolon'ny Twitter izahay hitady ireo fanehoankevitra mahaliana nalefan'ireo Keniana mikasika ilay tranga.
