Lahatsoratra farany an'i avylavitra tamin'ny Jolay, 2012
Iran: “Raha Maty Misy Mamono i Bashar, Ny Fitondrana Iraniana Dia Hiantso Azy Ho Maritiora”
Narahan'ireo Iraniana mpitoraka bilaogy hadrohadro ny fanehoan-keviny tamin'ilay fanafihan'ny Syriana mpanohitra tao Damaskaosy sy ny fanapoahana baomba izay nahafaty ireo tomponandraikitra ambony telo amin'ny fiarovana ny fitondran'ny Filoha Syriana Bashar Al Assad. Tsara ny fifandraisana eo amin'i Iran sy Syria ary dia nanàla azy tokoa ireo vahoaka amin'ny mety ho fiantraikan'ny fialàn'i Al Assad eo amin'ny fitondrana, taorian'ny 16 volana nisian'ny revolisiona mivaivay tao Syria.
Kenya: Mau Mau Mpiady Ho Amin'ny Fahafahana Mitondra Ny Raharaha Eny Amin'ny Fitsaràna Britanika
Mau Mau telo fahiny mpiady ho amin'ny fahafahana no nitondra ny governemanta Britanika hiatrika ny Fitsarana Ambony ao Londona mitaky fifonana sy onitra noho ny habibiana nozakain-dry zareo nandritra ny fitonfdràna fanandevozan'ny Britanika an'i Kenya. Miraradraraka ireo bitsika mikasika ilay raharaha ho fanohanana ny tolona fikatsahan-dry zareo ny rariny. Mibitsika mivantana avy any an'efitrano fitsaràna i @JeromeTaylor sy @TandemLaw.
Yemen: Ela Ny Ela, ao Sanaa ny TEDx !
Misy fientanentanana be ao Yemen sy eny anivon'ireo mpiondana aterineto fa tonga ao Sanaa ihany ny TEDx nony farany rehefa azo ny fahazoan-dàlana hanao ilay hetsika ny 13 Jolay 2012. Marobe ireo Yemenis hanam-bintana hizara n y nofinofin-dry zareo, n y traikefany ary ny heviny, izy samy izy sy amin'izao tontolo izao amin'ny Desambra 2012.
#TwitterEnCatalà Miteraka Bitsi-Pifaliana Sy Fankahalàna
Ny 6 Jolay 2012, analiny ireo mpiondana aterineto miteny ny fiteny Catalan no nankalaza ny fahatongavan'ny fampiasana ny tenin'izy ireo eo amin'ny Twitter. Vetivety dia nanjary lohahevitra noresahana be tao Espaina ny tenifototra #twitterencatalà
Iran: Zazavavy Kely 13 Taona Ve No Atahoran'ny Fitondràna?
Tsy ela akory izay dia niteraka fisavoritahan-tsaina ny fitsaràna iray momba ny filaminana tamin'ny nanakànany ny fivahinianana any ivelany ho an'ny zanaka vaviny 13 taona, Mehraveh Khandan sy ny vadin'i Nasrin Sotoudeh, mpisolovava mpiaro zon'olombelona mbola any amponja. Nasrin Stoudeh dia voaheloka hifonja 11 taona an-tranomaizina.
Iran: Iza No Afaka Hisambotra Akoho?
Nisidina ambony lavitry ny 80% noho ny tamin'ny volana lasa ny vidin'ny akoho ary tahaka ny hidangana hatrany tsy ho takatry ny olona ny vidiny. Ireo mpiantsena dia mila mamoaka 70.000 rials (US $5.60) vao mahazo akoho iray kilao, manodidina ny avo telo heny amin'ny tamin'ny taona lasa.
Afganistana: Resabe Nateraky Ny Lahatsarim-Pamonoana Noho Ny Fijangajangana
Tao amin'ny tanàna kely tsy lavitra loatra an'i Kabul renivohitra, vehivavy Afgana iray 22 taona no novonoina imasom-bahoaka noho ny fiampangana azy ho nijangajanga. Ny famonoana azy dia niteraka hatezerana, na tao amin'ny fireneny na tany ivelany. Nidina an-dalambe hanameloka ilay namono sy hitaky ny fiarovana ny zon-dry zareo ny vehivavy tao Kabul.
Shina: Tolon'ireo ONG Manoloana Ny ‘Governemanta Lehibe’
Nivadika ho adihevitra be teo amin'ny firenena ny fanehoan-kevitra nataon'ny vahiny iray tao amin'ny fahitalavitra momba ny tsy fiaraha-miasan'ireo tomponandraikitry ny fanabeazana any Hunan manoloana ny fandaharanasa ho fanofanana ireo mpampianatra any ambanivohitra, amin'ny hoe tokony sa tsy tokony hanana ny fahaleovantenany ny ONG Shinoa miohatra amin'ny fanjakana.
Ozbekistana: Tambajotra Sosialy ‘Nasionaly’ Hala Tàhaka Tamin'ny Facebook
Nokianin'ireo mpiondana aterineto ny Youface, ilay tolotra tambajotra "nasionaly" natomboka ao Ozbekistana, ho toy ny "hala tàhaka ratsy" ny Facebook. Nefa kosa, ilay tolotra izay lazaina fa miezaka ny "hampiroborobo ny fitiavana ny an'ny tena" dia samihafa amin'ny Facebook sy ny tambajotra sosialy mampiasa ny fiteny Rosiana malaza eny anivon'ireo Uzbek mpanjifa. Ny sasany amin'ireo mpiondana aterineto sy ny manampahaizana dia matahotra sao ny tena tanjona amin'io sehatra "nasionaly" io dia ny hanaraha-maso ireo mpampiasa aterineto ao amin'ny firenena.
Mali : Mitokona Manohitra Ny Fakàna An-keriny Mpanao Gazety Iray Ireo Mpampahalala Vaovao
El Hadj Saouti Labass Haïdara, 62 taona, talen'ny gazety L’Indépendant ary ela nihetezana teo amin'ny gazety an-tsoratra ao Bamako, dia nalain'olona misaron-tava an-keriny, nodarohana ary avy eo navela teny amoron-dàlana. Ireo gazety sy onjam-peo tsy miankina dia nanokana 24 ora ho fitokonana amin'ny Talata ho avy izao mba hanoherana ny herisetra nahazo ny naman'izy ireo.
