Tantara mikasika ny Zon'olombelona tamin'ny Jolay, 2014
Tahotra, Fitiavana Ary Ny Fahavalon'i Iran Ankafizina ao amin'ny Aterineto (dia i Facebook)
Tamin'ny 13 Jolay, tanora Iraniana valo no voasazy an-tranomaizina maharitra noho ny zavatra nataon'izy ireo tao amin'ny Facebook. Vitsy dia vitsy ny zavatra fantatry ny mpikatroka ao anatiny sy ivelan'ny firenena mikasika ity raharaha ity.
Manahy ity Rosiana Mpanoratra Gazety ity Fa Mety Hifindra avy any Tajikistan Mankany Rosia ny “Tahotra Mpitsikilo”
Efa ho iray volana izao no nitazonan'ny manampahefana Tajik tsy ara-drariny an'i Alexander Sodiqov avy ato amin'ny Global Voices ho manao asam-pitsikilovana. Tokony hampanahy ny Rosiana koa ity "santatra Tajik" ity, araka ny fandresen-dahatra nataon'ilay mpanoratra gazety Igor Rotar.
Tsy Tian'Ireo Mpanao Fihetsiketsehana Anti-Gay ao Jamaika Ny Antsoina Hoe Mpankahala Pelaka
Niala an-daharana mba tsy hopetahana anarana "hômôfôby" ireo vondrona manohitra izay mety ho fanafoanana ny lalàna manohitra ny sodomia tamin'ny vanim-potoanan'ny fanjanahan-tany. Nilaza kosa ireo bilaogera ao Karaiba fa rehefa hômôfôbia dia hômôfôbia.
Nomelohina Ho Manao Fampihorohoroana Tao Etiopia Ireo Bilaogeran'ny Zone 9
Nolavin'ireo bilaogera sy mpanoratra gazety sivy ireo fiampangana azy, amin'ny 8 Aogositra indray ny fotoam-pitsarana azy ireo manaraka.
Volana Vitsy Monja Taorian'ny Fanjavonan'ny Zotra MH370, Tafintohina Tamin'ny Fianjerana Voromby Iray Tao Okraina Indray Ny Malayziana
Mpiasa mpandray sy mpikarakara mpandeha ao amin'ny Malaysia Airlines, nanipika momba ny aina nafoy tamin'ny zotra MH17 sy ny MH370, ary nizara sary tao amin'ny Twitter sy Instagram: "Very namana teo amin'ny 30 teo aho tao anatin'ny efa-bolana."
Mijoro Miaraka Amin'i Palestina Izao Tontolo Izao: Hetsika Amin'ny Kaontinanta Rehetra
Nipongapongatra tany amin'ny tanàna maro manerana izao tontolo izao ny hetsika ho fanohanana an'i Palestina sy hampitsaharana ny fanafihana mandeha ankehitriny. Indreto ny sary sasantsasany amin'izany.
Potehin'ny Polisy ao Bangladesh Ny Voankazo Manga Vokatra Fa Misy Formaldehyde
Raofin'ny polisy sy potehiny ny garaba feno manga satria ambony loatra ny tahan'ny formol, taharon'ny formaldehyde atsifitra amin'ny voankazo mba hahaela kokoa ilay voankazo tsy ho lò.
Shily, Toeram-ponenana Ho An'ny Vondrom-piarahamonina Palestiniana Goavana Indrindra Any Ivelan'ny Tontolo Arabo, Manainga An'i Israely Hampiato Ny Daroka Baomba Ao Gaza
Mifampiantso ireo vondrom-piarahamonina Palestiniana sy Jiosy mba hampiaka-peo manoloana ny fanitsakitsahana ny zon'olombelona, raha ireo politisiana kosa miantso ny governemanta handeha lavidavitra kokoa amin'ny fanamelohany ny zera baomba ataon'i Israely.
Mitarika Ireo Mpianatra Baloutche Amin'ny Fitakiany Ny Fahaleovantena Amin'i Pakistana Ity Vehivavy Ity
Miatrika fanamby maro ireo vehivavy ao Baloutchistan, isan'izany ny fiarahamonina izay manome lanja mavesatra ny raim-pianakaviana ka anjakan'ny lehilahy, ny tsy fahampian'ny fotodrafitrasa ho an'ny fampianarana sy ny haivan'ny taham-pahaizana mamaky teny sy manoratra eo amin'ny vehivavy.
Toy Ny Nanombohany ihany No Nifaranan'ny Amboara Erantany Tao Brezila — Miaraka Amin'ny Entona Mandatsa-dranomaso, Grenady Mankarenina Ary Herisetran'ny Polisy
Voatahirin'ireo mpikatroka mafàna fo ao anaty lahatsary ireo polisy midaroka tsy nisy fampiomànana an'ireo mpanao hetsi-panoherana sy ireo mpanao gazety.
