Lahatsoratra farany an'i avylavitra tamin'ny Oktobra, 2011
Bhutan: Fampakarambadin'ny Mpanjaka Nanome Mpanjakavavy Ho An'ny Firenena
Nahazo fanomezana avy amin'ny mpanjaka ny fanjakana kiritika Himalayana ao Bhutan - ny Mpanjakavavy vaovao, Ashi Jetsun Pema, 21 taona. Nipoapoaka tokoa tao amin'ny Twitter ny fientanentanan-dry zareo Bhutanese ka hatrany anaty Facebook sy ireo sehatry ny fampahalalam-baovao sosialy isankarazany.
Sakafo Manerana Ny Tany Ao Amin'ny Blog Action Day 2011
Isan-taona nanomboka tamin'ny 2007 dia mampiray ireo bilaogera manerana ny tany ny Blog Action Day amin'ny firesahana mikasika olana iray manokana eto amin'izao tontolo izao. Anaty fifanotronana dia mahazo mpanaraka an-tapitrisany ireo bilaogera mpandray anjara ireo. Ary tamin'ity taona ity, ny 16 Oktobra 2011 izy ireo dia niresaka momba ny sakafo.
Etazonia: Nodimandry i Dennis Ritchie, Ilay Olo-malazan'ny Siansan'ny Solosaina
Ilay olo-malazan'ny siansan'ny solosaina, Dennis Ritchie dia nodimandry ny 8 Oktobra 2011 teo, tao an-tranony tany New Jersey teo amin'ny faha-70 taonany, namela lova misy fiantraikany goavana eo amin'ny fandrosoan'izao tontolo izao. Ritchie no namorona ny langage C fanoratana rindrambaiko, iray amin'ireo langages maro fanoratana rindrambaiko fantatra nandritry ny fotoana rehetra.
Kamerona: Tsy Nandray Anjara Tamin'ny Fifidianana Ireo Any Ampielezana
Kamerone mpifidy miisa fito tapitrisa no nantsoina tamin'ny 9 Oktobra 2011 mba handatsa-bato hifidy izay ho filoham-pirenen-dry zareo manaraka. Na izany aza, ny resaka fanaovana ankivy no toa mpandresy goavana tamin'ity fifidianana ity, indrindra indrindra fa ho an'ireo Kamerona monina any ivelany. Mitatitra i Julie Owono.
Okraina: Sarimihetsika Fanadihadiana Vaovao Manasongadina ny Fiainan-dry Klitschko Mirahalahy sy ny Asany
Diso fantatra amin'ny hoe "The Klitschko Brothers" - "Ry Klitschko Mirahalahy ", ireo Okrainiana Vitali sy Wladimir Klitschko no nibahana ny divizionan'ny lanja mavesatra rehefa nisintaka i Lennox Lewis tamin'ny 2004. Na izany aza, ny horonantsary fanahihadiana ny fiainany mitondra ny lohateny hoe Klitschko, navoakan-dry zareo (azo jerena eto ny ampahan-tsary fampahafantarana), hatramin'ny nofinofy ara-politikan'ilay zokiny indrindra amin'izy mirahalahy, Vitali, dia maneho fa ireto lehilahy ireto dia tsy vitan'ny hoe atleta tsotra fotsiny.
Global Voices Podcast: Fihaonambe Fahatelon'ireo Bilaogera Arabo – Ampahany 1
Ho fanampin'ny podcast fametrakay isam-bolana, manana feo manokana ho anareo izahay, avy any amin'ny Fihaonambe fahatelon'ireo Bilaogera Arabo, izay vao nifarana tao Tonizia. Anatin'ity famoahana ity ireo tafatafa niarahana tamin'i : Lilian Wagdy, Yazan Badran, Nasser Weddady, Marek Tuszynski, Jillian York, Saed Karzoun, ary Malek Khadraoui.
Polonina: Hetsika Facebook Manindry Ny Mpanao Politika
Nandritra ireo roa volana lasa, nisy hetsika iray tao amin'ny Facebook nantsoina hoe “Appeal to parliamentarians” [pl], na "Antso ho an'ireo Parlemantera", izay nanana mpanjohy maherin'ny 60.000, nanangona vaovao avy eny ifotony mba hanatsaràna ny tontolon'ny lalàna Polone. Aty alohan'ny 9 Oktobra 2011, fifidianana izay ho parlemantera, nanolo-kevitra an'ireo antoko politika ireo mpikarakara ary nanome toky fa hanampy ireo izay manohana ny hevitra lanin'ny betsaka amin'ireo mpiondana aterineto.
Etazonia: Mankatoa Lalàna Henjana Momba ny Fifindrà-monina Ny Fanjakana Ao Alabama
Ny 29 Septambra 2011, nankatoavin'ny fanjakan'i Alabama ny lalàna HB56, ny henjana indrindra amin'ny lalàna momba ny fifindra-monina any Etazonia, nanaraka ny dian'ilay S.B.1070 an'i Arizona izay efa niteraka resabe tokoa, manao ny satan'ireo mpifindra monina tsy ara-dalàna ho toy ny mpanao heloka bevava. Vakio ny fanehoan-kevitry ny tontolon'ny bilaogy.
Yemen: Mankalaza ny Herimpon'ireo Vehivavy Revolisionera
Tanatin'ny valo volana nanaovan-dry zareo fanoherana am-pilaminana, fakàn-tahaka ho an'ny rehetra ny Yemenita, tsy ho an'ny Arabo fotsiny fa ho an'izao tontolo izao mihitsy. Na dia firenena Arabo mahantra indrindra aza, nasehon'ireo lehilahy sy vehivavy Yemenita ny maha-manankarena azy ireo amin'ny resaka fahasahiana, faharetana ary fijoroana tsy azo hozongozonina, saingy ny tena nampihaiky volana izao tontolo izao dia ny fahatonian-dry zareo.. Noon Arabia dia manolotra haja manokana ho an'ireo vehivavy Yemenita ato anatin'ity lahatsoratra ity.
Okraina: Bilaogera Maneho Hevitra Momba Ny Fitànana Mafàna Fo Iray
Tany amin'ny tapaky ny volana Aogositra tany, Nampikorontan-tsaina ireo bilaogera Okrainiana ny nisamborana an'i Irina Teplinskaya, ilay Rosiana mafàna fo amin'ny fampihenàna ny fiantraikan'ny zavamahadomelina, nampangaina ho mpanondrana an-tsokosoko zava-mahadomelina rehefa niverina avy nanaraka fitsaboana tany Okraina. Toa efa nafahana tany am-ponja i Irina ary nesorina daholo ireo vesatra rehatra nitànana azy.
