Lahatsoratra farany an'i avylavitra tamin'ny Oktobra, 2011
Siria: Ity « Tafika Mahaleotena » Mihantsy Ny Fitondrana Ity
Akanjo aro bàla, satroby vita tamin'ny Kevelar sy basy fitondra an'ady eny an-tànany, 13 lahy no mamakivaky ireo olona marobe mihorakoraka miaraka amin'ny dona kely eny an-tsoroka, fiandohan'ny volana septambra, tao an-tanànan'i Boustan al-Diwan, ao Homs. Taraiky mijery ny fanamiana ny fakantsary, ireo galona kely miloko maitso eo an-tsoroka anaty tokotany mena voatapaky ny teny hoe Al quwat al khassa (« Hery Manokana »). Ho an'ireo mafàna fo avy ao an-tanàna, goavana ny « fahazoana » ny tanàna io andro io. Ireo no miaramila Siriana niala an-daharana.
Kolombia: Ny FTA Sy Etazonia Tao Amin'ny Tontolon'ny Bilaogy
Miaraka amin'ilay fifanarahana nosoniavina tany Washington hampakarana ny haavo farany ambonin'ny trosa taorian'ny fifamaliana henjana teo amin'ireo Demokraty sy Repoblikana, ny mpitarika ny Kaongresy ao Etazonia dia niverina tamin'ny lohahevitra momba ny fifanarahana ara-barotra malalaka (free trade agreement - FTA) miaraka amin'i Panamà, Korea Atsimo ary Kolombia. Lasa lohahevitra nivelatra sy noresahana be nandritra ny taona maro, teo anivon'ny tontolon'ny bilaogy izy io dia nahasarika tsikera maro raha mitaha amin'ireo mpankasitraka.
Bolivia: Tonga Ao La Paz Ireo Vazimba Teratany Mpanao Diabe Avy Amin'ny TIPNIS
Tratran'ireo mpanao diabe avy amin'ny TIPNIS ny tanjon'izy ireo farany dia i La Paz, ao Bolivia, toerana nandraisan'ny mponina azy ireo ho toy ny maherifo. Manantena izy ireo fa hifanatri-tava amin'ny Filoha ary hahazo ny fankatoavany amin'ny hampitsaharana ny fametrahana lalambe migodàna hamakivaky ny ampahantanin-dry zareo.
Frantsa: Rantsan-tànana Manga Sy Ranomasom-pifaliana Noho Ireo Toniziana Am-pielezana Afa-Mifidy
Nandeha nandatsa-bato ireo Toniziana monina ao Frantsa androany (20/10/2011) alohan'ny fifidianana izay hatao any amin'ny firenen-dry zareo ny 23 Oktobra. Diboky ny hafaliana sy nirehareha tokoa ireo mpifidy fa afaka nifidy malalaka sy ara-demaoratika, voalohany tao anatin'ny 50 taona ary sivy volana monja taorian'ny revolisiona Arabo - ary mampidera ny rantsan-tànany misy ranomainty izy tamim-pireharehana tokoa.
Israely: Haravoana Sy Hatezerana Mitohy Noho Ilay Fifanarahana Shalit
Isan'ny fotoan-dehibe iray eo amin'ny tantara Israeliana ankehitriny ny fiverenan'i Gilad Shalit. Gilad Shalit, miaramilan'ny IDF (tafika Israeliana) dia nafahan'ny Hamas rehefa notanany nandritra ny 1.941 andro, ho takalon'ny gadra Palestiniana 1.027. Indreto ny sasantsasany amin'ny fanehoan-kevitra avy ao amin'ny tontolon'ny bilaogy Hebreo.
Lahatsary: Anaty Rano i Amerika Afovoany
Nitondra oram-batravatra sy orana naharitra andro maro nanerana an'i Amerika Afovoany ilay andro ratsy 12-E, niteraka tondra-drano, fanakatonana ireo làlana sy lalambe migodana ary famindràna toerana olona. Amin'ny alalan'ity lahatsoratra ity no ahitantsika ireo fiantraikan'ny ranon'orambe nanerana ireo firenena maro ao Amerika Afovoany
Malezia: Ny Sakafo Sy Ny “Blog Action Day 2011″
Ho an'ny Blog Action Day tamin'ity taona ity, izany ny 'sakafo' no lohahevitra, maro ireo Maleziana nandray anjara tamin'ilay hetsika, ary nanoratra mikasika ny lohahevitra tena samihafa tany anaty bilaogin-dry zareo tany. Ny sasany mitanisa ny sakafo tena ankafiziny ary manolo-kevitra amin'izay toeram-pisakafoanana tsara raha ny hafa kosa nadefa fisainana momba ny hanoanana sy ny fahantrana manerana izao tontolo izao.
Etazonia: 15 Oktobra Teny An-dalambe Sy Tany Anaty Tambajotra Sosialy
Tsy tsiambaratelo ho an'ny rehetra intsony ny hoe Facebook, Twitter sy YouTube, ankoatra ireo tambajotra sosialy hafa, dianitàna anjara toerana fototra tamin'ireo hetsika tato ho ato tao an-toerana sy manerana izao tontolo izao. Tamin'ny 2009, izao tontolo izao dia nahita ny antsipirihan'ny onja "maitso" tao Teheran avy amin'ireo sehatra ireo, ary nitranga ny toy izay tao amin'ny Kianja Tahrir tao Kairo sy ny "indignados" tao Madrid. Araka ny efa nampoizintsika, ny hetsika manerantany 15 Oktobra 2011, koa dia nampiasa betsaka ireny tambajotra ireny.
Frantsa : Fanalàna Azy Ho an'ny Tontolon'ny Tweet Ny Fampielezan-kevitra Hofidiana ho Filoha
Dia efa tena nanomboka tokoa moa izany ny fampielezan-kevitra ho fidiana ho filoham-pirenena 2012 ao Frantsa ary manaporofo izany ireo tambajotra sosialy toy ny Twitter. Ireo fifidianana savaranonando ho an'ny kandidà avy amin'ny elatra havia dia nampanonjanonja tokoa ny tontolon'ny fanapariaham-baovao tato anatin'ireo herinandro faramparany teo sady namoaka an'i François Hollande ho solontenan'ny antoko sosialista (PS). Marobe ireo lohahevitra tena nifanakalozana niresaka momba ny fifidianana no mipongatra sy miteraka fanehoan-kevitra mahatsikaiky ao amin'ny twitter eo amin'ireo mpampiasa io tambajotra sosialy io
Brezila: Manome Fahafahana Mamorona Fiainam-baovao Aorian'ny Fiainana Tany Am-ponja
Fony izy mbola nanefa sazy tany amponja, i Ronaldo Monteiro dia nanomboka tetikasa iray niaraka tamin'ireo mpiara-mifonja taminy ary nanova ny fiainany. Taona maro taty aoriana dia nomena fahafahana narahana fepetra izy ary mitantana ONG iray izay manome vintana ho afaka miverina eny anivon'ny fiarahamonina an'ireo tanora nandika lalàna, ireo mbola mifonja ary ireo avy nifonja
