Lahatsoratra farany an'i avylavitra tamin'ny Jolay, 2011
Kioba: Fihaonana Voalohan'Ireo Mpampiasa Twitter, Nahafinaritra Loatra Tao Havana
Ny fihaonana voalohany teo amin’ireo mpampiasa ny tambajotra sosialy Twitter dia nankalazaina ny 1 jolay tamin’ny 4 ora folakandro tao amin’ny distrika faha 23 sy ny faha12-n’i Vedado ary tao Pabellón Cuba. Olona 100 eo ho eo no tonga nanafàna an’ity hetsika ity, tanora mpianatra ho mpanao gazety ny ankamaroany , mpandraharaha, mpampianatra eny amin’ny Anjerimanontolo, mpanao gazety maro sy mpitoraka bilaogy, ankoatr'ireo maro hafa. Mandinika lalina sy manadihady ity hetsika miavaka ity ireo mponin'ny aterineto.
Bangladesh: Bilaogera Nosamborina Fa Nanao Hetsi-Panoherana Nanohitra Ny Fifanarahana Ara-Angovo
Mponin'ny aterineto maro tao Bangladesh no nitroatran-katezerana satria sambany teto amin'ny firenena no nisy bilaogera sy mafàna fo voasambotra niaraka tamin'ireo mpanao fihetsiketsehana raha iny ry zareo nanao hetsi-panoherana iny indrindra hanoherany ny Fifanarahana Fizaràna ny Famokarana Angovo na Production Sharing Contract (PSC) teo amin'ilay orinasa goavana amerikana mpamokatra angovo ConocoPhillips sy ny governemanta ao Bangladesh mikasika ny fitrandrahana ireo entona any an-dranomasina any.
Mozambika: Ilay Kitapo Hiadiana Amin'ny Fahantràna Niteraka Resabe
Ao Mozambika, niteraka fifandroritan-kevitra teo amin'ny samy olom-pirenena ny iray amin'ireo fepetra naroson'ny governemanta mba hanamaivanana ny fiantraikan'ny sondrom-bidim-piainana amin'ny vahoaka. Na betsaka aza ny fanantenàna, dia nambàra ny “fanafoanana” io Kitapo misy ny Filàna Fototra io ny 16 Jona.
Filipina: Adihevitra Mikasika ny Volavolan-dalàna Momba Ny Fisarahana Am-Panambadiana
Miaraka amin'ny fankatoavana ny fisarahana am-panambadiana any Malta, i Filipina izany sisa no firenena tokana mandràra azy io manerana izao tontolo izao. Misy adihevitra mafàna amin'izao fotoana momba ny hoe fotoana ve izao sa tsia handdaniana lalàna momba ny fisarahana am-panambadiana izay toherin'ireo ambaratongam-pitondrana samihafa manana ny tanjany ao amin'ny fiangonana Katolika Filipiana
Rosia: Ireo Hagaigen'ny Ministera Tao Amin'ny Aterineto
Ny Ministera Rosiana misahana ny Raharaham-Bahiny (MVD) dia vao avy nanomboka fanentanana tao amin'ny Aterineto ary tato anatin'ny tapa-bolana dia hetsika goavana roa no nahasarika ny saina tamin'ireo hetsika nataon'ny Ministera.
