Tantara mikasika ny Zon'olombelona tamin'ny Desambra, 2011
Polonina: Miresaka Momba Ny Tolo-dalàna Hampidirana Indray Ny Fanamelohana Ho Faty Ireo Mpiondana Aterineto
Ilay mpitarika ny antoko mpanohitra lehibe indrindra ao Polonina dia nanambara fa mankasitraka ny fampidirana indray ny fanamelohana ho faty ho an'ireo "heloka bevava mahatsiravina." Ary na dia ny filazàna faran'izay bitika momba izany fomba fijery ny sazy faratampony izany aza dia mety horaisina ho làlana iray enti-mandrombaka mpifidy, kanefa dia niala àny koa adihevitra iray goavambe mikasika ilay lohahevitra. Anna Gotowska no mitatitra.
Syria: Voaheloka i Razan Ghazzawi, Manohy Ny Fanentanany Ireo Bilaogera
Valo andro taorian'ny nisamborana azy, voaheloka i Razan Ghazzawi, araka ny lahatsoratra iray navoakan'ny Lebanese Daily Star, voampanga aminà "fananganana fikambanana mikendry ny hanova ny mpitarika ara-tsosialy sy ara-toekarena eo amin'ny firenena" ary "manao izay hamparefo ny fahatsapan'ny olona ho olom-pirenena, ka manandrana mandrehitra ny afon'ny fifankahalàna isam-paritra" sy "mandemy ny fahatsapan'ny olona ho olom-pirenen" -- ireo rehetra ireo izay mitondra mankany amin'ny fanamelohana 15 taona an-tranomaizina.Manohy ny fanentanany ireo bilaogera mba ho famotsorana azy.
Rosia : Ny Fitroaran'ireo “Hamsters”-n'ny Aterineto
Ny ampitson'ny androm-pifidianana, ireo Rosiana dia nivondrona mba hikomy ho fanoherana ny hosoka tamin'ny fifidianana. Na dia ho very seza 77 aza ny Antoko Rosia Mitambatra (United Russia) oharina amin'ny Duma teo aloha, araka ny vokatra vonjimaika, ny ankamaroan'ireo mpikomy dia mihevitra ilay fifidianana ho sady tsy madio, no tsy malalaka.
Bahrain: Mpampiasa Twitter Voafonja Nandritra Ny 66 Andro Noho Ny Fandefasana Bitsika
Ny tontolo Arabo dia malaza amin'ny fisamborana sy fampijaliana ireo bilaogera sy mpiondana aterineto ary tsy taraiky amin'izay i Bahrain. Mpampiasa Twitter iray no nandefa bitsika mitantara ny zavtra niainany nandritra tato anatin'ny andro vitsy mba hizaràna ny tantarany amin'izao tontolo izao. Miteny izy fa voafonja nandritra ny 66 andro noho ny bitsika maro nalefany.
Gresy : “Tsy Tombon-dahiny Ho An'ny Mpanankarena Irery Ny Fiterahana!”
Gazety iray no namoaka fa misy amin'ireo hopitalim-panjakana ao Gresy no nandà ny hikarakara ireo vehivavy mihetsi-jaza, satria tsy manam-bola handoavana ny saram-pitsaboana 950 euro ao amin'ny hopitaly izy ireo.Veroniki Krikoni no manao ny fanadihadiana.
Karaiba: Fisaina Ho An'ny Andro Iraisam-pirenena Ho An'ny SIDA
Tamin'ny 1 Desambra teo ny Andro Iraisam-pirenena ho an'ny SIDA. Nandefa ny heviny sy ny fanohanany ho an'ny ady atrehana, atao amin'ny VIH sy ny SIDA ny mpitoraka bilaogy avy any Karaiba.
Ejipta: Fahatsiarovana An'i Khaled Said Hisiana Izao Tontolo Izao Tsy Misy Herisetra
Tsy tsaroana ho endriky ny revolisiona ejipsiana ihany i Khaled fa mariky ny ezaka hampitsaharana ny fampijaliana sy fiarovana ny iharan'izany. Mbola velona amin'ny alalan'ny antontan-kevitra, hira ary sarisary amin'ny rindrina ny fahatsiarovana azy.
Etiopia : Adihevitra Mikasika Ny Fifanambadian'olo-mitovy Raha Mampiantrano Ny Fihaonambe Momba Ny SIDA Ny Renivohitra
Fivoriam-be Iraisam-pirenena iray momba ny SIDA sy ny Aretina Azo avy amin'ny Firaisana izay hatao ao Afrika no nahatonga resabe taorian'ny fivorian'ireo mpitondra fivavahana sy ireo manampahefana avy amin'ny governemanta ao Etiopia ny 29 Novambra 2011, ny amin'ny hoe ho raràna na tsia ny fivorian'ireo mafàna fo mpiaro ny zon'ireo "gays". Nifandrimbona ireo mponina tao amin'ny Facebook momba izany.
Ejipta : Fanondranana Ny Taovan'Ireo Mpifindra Monina Ao Sinai
Ny Vondrona Iraisam-pirenena Miaro ny Zon'olombelona, ao anatin'izay ny ao Israely, dia nanao fanambarana entitra fa ireo mpifindra monina Afrikana dia tazonina mba hakàna vola, ampijaliana, ary iharan'ny fanondranana ihany koa. Ny mahataitra indrindra dia ilay fanambarana fa ny famarotana taovan'olombelona dia miroborobo ihany koa.
Liberia:Nomena Anjara Masoandro Indray Ny Fahalalahan'ny Asa Fanaovan-gazety
Namome fotoana kely nisehoan'ny rariny ny fitsarana mikasika ny fanakatonana ny haino aman-jery nahitana fifanoheran-kevitra tany Liberia. Nakaton'ny governemanta Liberiana ny tranon'ny haino aman-jery miisa telo (Love FM/TV, Power FM/TV ary ny Kings FM) tamin'ny 7 novambra 2011 noho ny fitorohana azy ireo no nanely hafatra fifankahalana toa hitarika herisetra.
