Tantara tamin'ny Novambra, 2012
Nanavaka ireo Bilaogera sy Mpisera Twitter Mavitrika ao Makedonia ny Fifaninanana Blogirame
Namoaka ny vokatry [mk] ny fifaninanana fanaon-dry zareo isan-taona sy ny lahatsarin'ny [mk] lanonam-panolorana ny loka notontosaina tamin'ny 23 Novambra 2012 ny saha-panangonana bilaogy Makedoniana Blogirame ["mibilaogy isika"]. Mitatitra i Filip Stojanovski.
Espaina: Fifidianana Katalana – “Garcia Avokoa Izahay Rehetra”
Mitodi-doha mankany amin'ny biraom-pifidianana indray androany alahady, 25 Novambra 2012 ny any Katalonia izay ao raha mitokozihitra ny eo amin'ny toekarena ary mavaivay ny adihevitra momba ny fisintahana amin'i Espaina. Nanomboka tamin'ny alalan'ny lahatsary mampiady hevitra nivoaka tao amin'ny fantsona Youtube an'ny Antokom-Bahoakan'ny Katalana [es] (Partit Popular de Catalunya na PPC) izay mpitàna ny firaisampirenena ny fampielezan-kevitra, izay nifantoka indrindra tamin'ny adihevitra momba ny fahaleovantena [fr] tamin'ny herinandro lasa teo.
Fampahalalam-baovao Isiraeliana Voatsikera Tamin'ny Fomba Fitantarany Ny Ady Tao Gaza
Rehefa voatsikera ho mandray ny fomba fitantaran'ny governemanta sy ny fiarovantenany amin'ny fanafihana ataony ireo fampahalalam-baovao any Isiraely.
Pakistana: Baomba Dimy Namely Tanàna Telo Tao Anatin'ny Iray Andro
Andro mahatsiravina ny Alarobia 21 Novambra noho ny fanafihan'ny Tallibana ireo Imambargahs, diabem-pisaonana Muharram, sy ireo sampan-draharaha misahana ny fitandroana fahalemana ao Karachi, Rawalpindi, ary Quetta. Vokany, olona 20 no namoy ny ainy ary 43 kosa naratra. Nanaiky mivantana tsy mitsitsy ny mpitondra tenin'ny Talibana, Ehsan Ullah Ehsanor fa izy ireo no tompon'andraikitra tamin'ny fanafihana...
Made in Libya / Vita Avy any Libia: Bilaogera Ahmed Ben Wafaa
Mpampianatra Siansa i Ahmed Ben Wafaa, izay nanomboka nibilaogy tamin'ny 2000 mba hahafahany milaza amin'ny fombany ny toe-javatra misy ao amin'ny fireneny, ary tamin'ny alalan'ny biloaginy "Made in Libya", na ny Vita avy ao Libya [ar] dia vitany ny tonga tamin'ny toerana maha-loharanom-baovao azy nandritra ny revolisiona Libiana. Nitafatafa taminy i Ahmed Ben Jeddou mba hahalalàna misimisy kokoa mikasika ny fitorahana bilaogy sy ny famoahalalam-baovaon'olon-tsotra ao Libya taloha sy taorian'ny revolisiona
Famoriam-bahoakan'ny Pitak Siam Lasa Herisetra Tany Thailand
Nivadika ho herisetra ny famoriam-bahoaka nokarakarain'ny tambajotra Pitak Siam ho fanoherana ny governemanta, na ny "Arovy i Thailand" satria nifandona tamin'ny polisy ireo mpanao fihetsiketsehana tao Bangkok2. Nitifitra entona mandatsa-dranomaso ny polisy mba hanaparitahana ireo vahoaka marobe izay nanandrana hiditra faritra mena. Nangatahan'ireo mpanao fihetsiketsehana ny hialàn'ny Praiminisitra izay ampangain-dry zareo ho mpanao kolikoly sy tsy tia ny resaka demaokrasia.
Solombavambahoakan'i Rosia Mitambatra Lasibatry Ny Fanebahana Ety Anaty Aterineto
Nandrahona hitondra tranonkala mpanàla azy hiatrika fitsarana ny Rosia Mitambatra, noho ny resaka fanalàm-baraka. Ny fahatafintohinana anefa dia toa niainga avy aminà gazety iray mpisary gaigy ety anaty aterineto.
Saodiana Mpitsara: “Izay Ampiharina Amin'ny Mpifehy , Tsy Ampiharina Amin'ireo Olom-peheziny”
Vao maraina be androany (24Nov), nanohy ny fakàna am-bavany ireo lehilahy roa mpikatroka mafàna fo manana ny maha-izy azy amin'ny fiarovana zon'olombelona ny Fitsarana Heloka Bevava ao Riyadh, Mohammad Al-Qahtani sy Abdullah Al-Hamid. Ny fitsarana androany dia fifanatrean'ny mpitsara sy ny andaniny avy amin'ny mpiaro fotsny ihany, ary tsy niloa-bava mihitsy mpampanoa lalàna. Olona enimpolo dimy amby no nanatrika ny fifanatrehana, ka tamin'izany no nilazàn'ny mpitsara fa : "Izay Ampiharina Amin'ny Mpifehy , Tsy Ampiharina Amin'ireo Olom-peheziny."
Trinidad & Tobago: Mpitokona Tsy Hihinankanina Niomana Handeha Lavitra Hanohitra Ny Fanaovana Lalambe Migodàna
Niditra tamin'ny fitokonana tsy hihinan-kanina i Dr. Wayne Kublalsingh, mpikatroka mafàna fo amin'ny fiarovana tontolo iainana sady profesora mpampianatra literatiora, mba hanoherany ny fanorenana ilay ampahana-dalan'ilay lalambe migodana antsoina hoe Debe to Mon Desir miainga avy ao San Fernando mankany Point Fortin any atsimo atsinanan'i Trinidad. Mifanakalo resaka ireo bilaogera raha toa tokoa ka mendrika ny hamoizany ny ainy ny tolona atrehany.
Taratasy Misokatra Ho An'i Marissa Mayer: HTTPS Amin'ny Tolotra Yahoo! Rehetra Ankehitriny Izao
Taorian'ny fanendrena miezinezina an'i Marisa Mayer ho filoha tale jeneralin'ny Yahoo!, Afaka nanararaotra ny mpitantana vaovao hamaha olana maika: Yahoo! Mail no hany habaka lehibe mbola miankina amin'ny serasera tsy azo antoka. Efa nataon'ny Google ho mipoitra voalohany tamin'ny tolotra GMail tamin'ny fiandohan'ny taona 2010 ny Hypertext Transfer Protocol Secure (HTTPS), arofeni-pifandraisana...
