Tantara mikasika ny Teknolojia tamin'ny Janoary, 2011
Nisy niditra an-tsokosoko ny Twitter sy vohikala ofisialin'i Korea Avaratra
Nisy fanafihana amin'ny aterineto nipoaka teo amin'i Korea Atsimo sy Korea Avaratra. Natomboky ny mpampiasa aterineto Koreana Tatsimo iray namoaka tononkalo manevateva mikasika ny fianakavian'i Kim tao amin'ny vohikala ofisialin'ny Korea Avaratra Uriminzokkiri, ary dia novalian'i Korea Avaratra tamina fanafihana DDOS. Androany, dia namely ny kaonty twitter ofisialin'i Korea Avaratra ireo piraty.
Korea Avaratra: Mitombo ny Fitarainan'ny Vahoaka
(Ny rohy dia amin'ny teny Anglisy sy Koreana) Nitatitra ireo teratany Koreana Tavaratra fa ao anatin'izao olan'ny tsy fahampian-tsakafo izao ary ny fifandimbiasan-toerana efa an-dàlana, maro ny vahoaka Koreana Tavaratra...
Rosia: Jery todika ny aterineto 2010
Nanasongadina fironana manan-danja maro ny aterineto Rosiana ny taona 2010. Nitombo haingana niaraka tamin'ny olona nahazo vaovao malaky amin'ny aterineto sy tena mavitrika amin'ny fampiasana tambanjotra sosialy ny mpanaraka amin'ny aterineto. Amin'ny lafiny maro, dia nitondra fankatoavana ny tanjaky ny aterineto teo amin'ny fiarahamonina Rosiana ny taona 2010.
Rosia: Tetikasa Ushahidi mitatitra ny olan'ny Ririnina Rosiana
“Sarintanim-panampiana ho an'ny Ririnina Rosiana” (Holoda.info), tetikasa iray vaovao ho fitrandraham-baovao avy eny ifotony, no natomboka napetraka tao Rosia mba hitaterana ny olan'ny vahoaka tratry ny hatsiaka mamirifitry. Ny masoivohom-baovao ...
Amerika Latina : tamberina ny taona 2010
Tamin'ny 2010 no nisy horohorontany goavana indrindra namely an'i Chili, filoham-pirenena nandray ny asany, ny filoha any Argentine teo aloha nodimandry tampoka, ny loka Nobel momba ny literatiora nomena ilay...
Hongria: Fanentanana ho fanamaizinana manerantany
Ireo olon-tsotra mpiaro ny fahalalahana maneho hevitra dia miezaka mitazona ny haavon'ny fandrakofana iraisampirenena amin'ny alalan'ireo fitaovam-pifandraisana ao amin'ny aterineto. Vondrona iray antsoina hoe Blackout for Hungary (Haizina ho an'i Hongria) no nanainga fanentanana iray maharitra 24 ora nanomboka tamin'ny 5 Janoary teo hanoherana ilay lalàna vaovao momba ny media nampidirina tamin'ny 1 Janoary. Mitatitra i Marietta Le.
Kolombia: Nandrakitra horonan-tsarimihetsika 1 isan'andro ireo mpitoraka bilaogy an-tsarimihetsika tamin'ny taona 2010
Kolombiana maro mpitoraka bilaogy amin'ny horonantsary mihetsika no nanao fifaninanana amin'ny fanaovana horonantsary iray isan'andro nandritra ny taona 2010. Na dia tsy vita aza izy rehetra, dia ilaina ny mankasitraka ny ezaka nataon'ireo izay irotsaka tamin'ity hevitra lehibe ity.
Tonizia: Anonymous vs Ammar – Iza no Handresy Amin'ny Adin'ny Sivana?
Ny Sivana Toniziana, fantatry ny rehetra amin'ny anarana hoe Ammar, dia manohy manafika hatrany ny kaontin'ireo mafàna fo, ao amin'ny firenena noho ny fijoroana vavolombelona amin'ny resaka onjan-panoherana hatrany amin'ny tapaky ny volana Desambra. Androany izao (3 Janoary), mikiaka ireo mafàna fo fa miditra an-keriny amin'ny kaonty mailak'izy ireo ny governemanta, miditra any amin'ny bilaogin-dry zareo sy ireo vohikala tambajotra sosialy ary manakana azy ireo.Ilay hetsika dia toa sahala amin'ny famaizana noho ny fanafihana nataon'ny Anonymous, izay nikendry ny ain-dehiben'ny vavahady aterineto sy ny vohikalan'ny governemanta Toniziana.
