Tantara mikasika ny Fanoherana tamin'ny Desambra, 2012
Tsy Handray Anjara Amin'ny Fitsapa-kevi-bahoaka Ny Mpanohitra Ao Ejypta
Nilaza ny Firaisankinan'ny mpanohitra, Mandan'ny Famonjena ny firenena ao Ejypta tamin'ny alina (9 Desambra 2012) fa tsy handray anjara amin'ny fitsapa-kevi-bahoaka handaniana ny lalàmpanorenana vaovao, izay hotontosaina amin'ny Asabotsy (15 Desambra 2012). Noho ny fanoherana ny filoha vaovao voafidy Mohamed Morsi izay voampanga fa mangoro-pahefana mihoampampana sy mamehy ireo fahalalahana...
Marary i Taiwan : Hoy Ireo Mpianatra Manao Hetsi-Panoherana Mantsy Ny Minisitry Ny Fanabeazana
Satria ilay vondrona media ao Hong Kong , Next Media Ltd., nanambàra ny fanapahan-keviny hisintaka ny tsena ao Taiwan, dia lasa tena faran'izay mampatahotra ny ampihimamba atao amin'ny media ao Taiwan. Mino ireo mpianatra sady mafàna fo fa marary i Taiwan ary efa miha-lò ny fototry ny fahalalahany ka dia miantso tsy misy hatak'andro ny fanaovana lalàna mandràra ny fanaovana ampihimamba amin'ny media ry zareo.
Bahrain: Mbola Fahirano Ny Tanànan'i Mahazza
Efa ho iray volana eo izao ao Bahrain, iharan'ny fahirano noho ny antony ara-piarovana, baikon'ny Minisitry ny Atitanin'ilay fireneny ihany, ny tanànan'i Mahazza ao Sitra. Noho ny tsy fisian'ny fampahalalam-baovao tsy miankina ao an-toerana, ny fampahalalam-baovaon'olon-tsotra, indray mandeha indray, no hany fitaovana ahazoana ireo tatitra momba ny zava-nitranga teny an-kianja. Tamin'ny alàlan'ny Facebook sy Twitter, nandefa ny famoriam-bahoaka tany aminy ho fanehoana fanohanana an'i Mahazza ry zareo Bahrainis sady nizara vaovao momba ireo fanafihana trano sy fisamborana maro
Tsy Misy Maniry Ilay Lalàna ‘Monsato’ Mandòndona Ao Arzantina
Niteraka resabe teny anatysehatra samihafa izay milaza fa mety ho very ny fizakantenan' i Arzantina ara-tsakafo raha mandeha lavitra ilay lalàna, ny tolo-dalàna iray avy amin'ny Ministeran'ny Fambolena, ny Fiompiana ary ny Jono ao Arzantina mikasika ireo masomboly nasiam-panovàna. Miantso fanaovana hetsika ireo fikambanana sosialy mba hanoherana ilay lalàna.
Syriana 40.000 No Namoy ny Ainy Tao Anatin'ny 20 Volana
Vahoaka maherin'ny 4 tapitrisa no fantatra fa hila fanampiana ao Syria amin'ny fiandohan'ny taona 2013. Izany no lohateny navoakan'ny gazetin'ny Firenena Mikambana miresaka ny momba ny maha-olona ao Syria tamin'ny 11 Novambra 2012 [pdf]. Ankizy sy tanora avokoa ny 2 tapitrisa amin'izany, izay tsy manana foto-pivelomana ary mijaly ny ratram-panahy ara-tsaina ateraky ny...
Fahazoana Vaovaom-Panjakana: Zonao izany!
Tsy hoe mora lalandava ny mahazo ny vaovao, angon-drakitra ary antontan-taratasy any amin'ireo sampan-draharaham-panjakana, na dia marina aza fa an'ny olom-pirenena ihany ireo vaovao sy angona eny an-tanan-dry zareo. Izany no antony anankiray nandrisika ireo fikambanan'ny sosaity sivily sasany, izay manokan-tena ho amin'ny fikatrohana hisian'ny mangarahara, nanangana karazana vovonana an-tserasera hahafahan'ny olona mangataka ireo karazam-baovao avy amin'ny sampan-draharaham-panjakana.
Maoritania: Fahatsiarovana Ny Famonoana Ny Miaramila Mainty tao Inal
Tokony ho androm-pifaliana ho an'ny Maoritaniana ny andron'ny 28 Novambra satria io no manamarika ny fahaleovantenany nisintaka tamin'i Frantsa. Saingy, mampitamberina tsiaro mampalahelo nandatsahan-drà [en] ihany koa io andro io rehefa mampahatsiahy azy ireo fa tamin'io andro io tamin'ny taona 1990, dia nisy fanadiovana ara-poko natao tao anatin'ny tafika maoritaniana.
Lavin'ireo Mpikatroka Mafàna Fo Ilay Fanambarana Momba ny Zon'Olombelona Any Azia Atsimo Atsinanana
Fikambanana mpiaro zon'olombelona maherin'ny 50 avy any Azia Atsimo Atsinanana no namoaka fanambaràna iray manakiana ny fanabaribariana ilay Fanambaràna momba ny Zon'Olombelona novolavolain'ireo firenena folo ao anatin'ny Fikambanan'ireo Firenena Any Azia Atsimo Atsinanana. Nony navoaka ho fanta-bahoaka ilay fanambaràna tamin'ity volana ity, dia nolavin'ireo fikambanana mpiaro zon'olombelona any amin'ny faritra avy hatrany noho izy nambara ho miaty andàlana mandiso ny zo iraisana erantany amin'ny resaka fiarovana zon'olombelona
Mampiray An'i Hongria Ny Fanoherana Ny Fankahalàna Jiosy
Hongroà an'arivony no nijoro niray hina hanohitra ny fankahalàna Jiosy tamin'ny hetsika iray natao tao Budapest. Teny koa ireo mpanao politika avy amin'ny antoko eo aminy fitondràna sy ny mpanohitra. Nisokatra indray ny fifanakalozan-dresaky ny olona mikasika ny fiakaran'ny fanohanana azon'ny antoko farany havanana any Hongria - ary, raha hitarina, nampitambatra ny firenena Hongroà io
Kiobà: Votsotra i Rodiles Mpisolovava Ny Demaokrasia; Mbola Voatàna ilay Bilaogera Diversent
Antonio Rodiles, kaomisera avy amin'ny seha-pifanakalozan-kevitr'ireo manampahaizana miasa tena Estado de SATS [es], dia nafàhana tao Havana tamin'ny Alarobia teo taoran'ny niaretany famonjana nandritra ny telo herinandro. Ny 7 Novembre i Rodiles no navotsotra, niaraka taminà bilaogera maro hafa sy mpisolovava sivily tao amin'ilay nosy, ahitàna an'i Laritza Diversent, bilaogera fanta-bahoaka sy mpisolovava, mpanoratra ny bilaogy Jurisconsulto de Cuba [es] (Mpanolotsaina Momba ny Lalàna Kiobana). Tsy nisy vaovao mihitsy mikasika ny famotsorana an'i Diversent hatramin'ny 3 Desambra 2012.
