Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Kiobà: Votsotra i Rodiles Mpisolovava Ny Demaokrasia; Mbola Voatàna ilay Bilaogera Diversent

Antonio Rodiles, kaomisera avy amin'ny seha-pifanakalozan-kevitr'ireo manampahaizana miasa tena Estado de SATS [es], dia nafàhana tao Havana tamin'ny Alarobia teo taoran'ny niaretany famonjana nandritra ny telo herinandro. Ny 7 Novembre i Rodiles no navotsotra, niaraka taminà bilaogera maro hafa sy mpisolovava sivily tao amin'ilay nosy, ahitàna an'i Laritza Diversent, bilaogera fanta-bahoaka sy mpisolovava, mpanoratra ny bilaogy Jurisconsulto de Cuba [es] (Mpanolotsaina Momba ny Lalàna Kiobana). Tsy nisy vaovao mihitsy mikasika ny famotsorana an'i Diversent hatramin'ny 3 Desambra 2012.

Antonio Rodiles, tao Havana. Sary avy amin'i Tracey Eaton, navoaka niaraka taminìny fanomezan-dàlan'ny mpaka sary.

Juan Wilfredo Soto García [es], bilaogera sady mpisolovava mpiaro zon'olombelona, dia nitatitra fa ireto bilaogera sy mpisolovava mpiaro zon'olombelona manaraka ireto dia niara-voasambotra tamin'izay fandraofana faobe izay : Yaremis Flores, Laritza Diversent, Veisant Boloy, Antonio G. Rodiles, Ailer González, Andrés Pérez, Mario Morales, Vladimir Torres, Rolando Reyes, Reinaldo Figueras y Luis Manuel Fumero, Yoani Sánchez, ary Guillermo Fariñas Hernández. Maro, ka isan'ireny ry Sánchez, no voatazona nandritra ny fotoana fohy monja, saingy i Rodiles, Diversent, sy ireo hafa dia nijanona notanan'ny polisy nandritra ny andro maro.

Ireo mpampiasa Twitter [es] dia nitatitra fa fotoana fohy taorian'nynitazonana azy i Rodiles dia nanomboka fitokonana tsy hihinan-kanina. Tsy nanome antny ofisialy amin'ny namotsorana azy ny polisy, saingy mety ho isan'ny nanosika ny fanapahan-kevitry ny manampahefana mikasika ilay olana io nataony io.

Na i Diversent, na i Rodiles, dia samy lasa olona malaza eo amin'ny samy bilaogera sy mpisolovava mpiaro ny zon'olombelona ao Havana. Hatramin'ny 2010 no nikarakara ny Estado de SATS i Rodiles, andianaà fifanakalozan-dresaka misokatra ho an'ny rehetra mikasika ny hoavin'ny politka sy ny fiarahamonina sivily ao Kioba, izay ikendrena ny hanomezana “habaka ho an'ny fifanakalozan-kevitra sy fandraisana anjara marolafy izay fehezin'ny fifanakalozana mivelatra sy am-pahamatorana.” Nandritra ireo taona vitsy lasa, ny Estado de SATS dia lasibatry ny  fanakianana tsy mitsahatra  avy amin'ireo manampahefana avy amin'ny governemanta izay manamafy ny filazàny an'ilay fandaharana ho “manohitra ny revolisiona.”.

Luis Felipe Rojas, bilaogera, dia nandefa vinavina sarotra hamarinina [es] hoe ny fisamborana an'i ì Rodiles dia valin'ny “The Citizen Demand for Another Cuba,” [es] (Ny Fitakian'ny Olom-pirenena Hisian'ny Kioba Iray Hafa) fehin-kevitra iray nosoratana sy naelin'i Rodiles ary misokatra ho azo soniavina eto[es].

A estas alturas muchos se preguntan por qué emprenderla con Antonio Rodiles. ¿Qué encontraron los sesudos de la policía política en este inquieto intelectual? “La Demanda Ciudadana por otra Cuba” pudiera haber pasado como una iniciativa más, pero las garras de la contención desde las altas esferas de la contrainteligencia militar no quieren jugarse una carta más.

Tamin'io fotoana io, be ny nanontany tena  ny antonìny herisetra natao an'i Antonio Rodiles. Inona no hitan'ireo polisy politika be fitandremana ho mampiahiahy amin'ity manampahaizana ity? “Ny Fitakian'ny Olom-pirenena Hisian'ny Kioba Iray Hafa” dia afaka navela fotsiny tamin'izao tahaka ireny fandraisana andraikitra hafa ireny, saingy ny vahoho maneritery avy amin'ireo mpitondra ambony ao amin'ny Sampam-pitsikilovan'ny Tafika dia tsy te-hahita loza.

Ilay fehinkevitra dia miantso ny governemantan'i Castro  mba “hanamafy ny fifanarahana nataony sonia tany amin'ny Firenena Mikambana tamin'ny 2008” ary “hametraka avy hatrany antoka ara-politika sy araka ny lalàna amin'ny fampiharana azy” izay voalaza ao anatin'ny Fanambaràna Iraisampirenena Momba ny Zon'Olombelona.

Nahazo toraka vononkazo, i Yoani Sanchez, bilaogera, dia nanoratra lahatsoratra masiatsiaka [es] manoritsoritra ny valinkafatra feno fihetsehampo avy aminy momba ny fitazonana an'i Rodiles:

Me levanto en la mañana y me digo: “ya todo terminó, ha sido sólo un sueño”. Pero después de un rato suena el teléfono y alguien me cuenta que Antonio Rodiles sigue detenido, acusado de resistirse a un arresto tan arbitrario como injusto.

Nifoha ahyìo ny maraina ary niteny irery hoe:  “vita hatreto izany rehetra izany, nofy ihany iny.” Saingy avy eo rehefa naneno ny telefona ary nisy olona niteny tamiko fa mbola voatazona i Antonio Rodiles, nampangaina ho nanohitra ny fisamborana azy ho tsy rariny sy tsy amin'antony.

Soto García dia nanoratra [es] fa nahita fa ampahany amin'ny hetsika goavana be ataon'ny governemanta amin'ny vahoakany ireo fisamborana ireo. Nomarihany fa raha mahazo setriny miabo avy amin'ny any ivelany ny governemanta avy amin'ireo politika vaovaony momba ny fivezivezena, dia sady nandray ihany koa fepetra henjana hamelezana ireo mitaky ny fiovàna goavana ho an'ny sivily sy ny ara-politika.

Hace muy poco el régimen cubano ha desatado una cortina de humo, con sus pretendidas reformas y en particular con la modificación de las leyes migratorias, que imperaban en La Mayor de las Antillas, para tratar de dar al mundo una visión de legalidad y respeto por los derechos humanos. Sin embargo una vez más, el gobierno de Raúl Castro con el proceder en estos  arrestos, demuestra que ni siquiera respeta sus propias leyes.

Tsy ela akory izay ny fitondrana Kiobàna dia nametraka ny fomba fanao ‘andry rahona’, miaraka amin'ny eritreriny hanao fanovàna sy indrindra fa hanova ny lalàna momba ny fifindrà-monina […] ao anatin'ny ezaka hanomezana endrika [an'i Kioba] eo amin'izao tontolo izao hoe mitodika mankany amin'ny ara-dalàna sy ny fanajàna ny zon'olombelona. Kanefa indray mandeha indray, miaraka amin'ireny fisamborana ireny, ny governemantan'i  Raul Castro dia maneho fa tsy manaja akory na dia ny lalàna nataony aza.

Ireo tatitra teo aloha nataon'ny Global Voices momba ny Estado de SATS dia azo jerena eto, eto, sy eto.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.