Lahatsoratra farany an'i miora tamin'ny Marsa, 2011
Japana: Mamely ny morontsiraka ny tsunami, tsy mamela mahazo
Manaraka ilay horohorontany goavana indrindra teo amin'ny tantaran'ity firenena ity, voakapoky ny tsunami mahery indrindra tany aminy indray i Japana. Miraikitra eo amin'ny Fahitalavitra ny vahoaka eraky ny firenena satria mandeha amin'ny vaovao ilay tsunami mihoatra ny 7 metatra izay mamafa ireo fiara sy ireo tranobe tojo ny zotrany.
Bahrain: Vitsy ny mpanao fihetsiketsehana manoloana ny Masoivohon'i Etazonia
Nisy mpanao fihetsiketsehina mpomba ny demokrasia vitsivitsy nivory teo ivelan'ny Masoivohon'i Etazonia ny Alatsinainy (7 Martsa) miantso ny governemantan'i Etazonia mba hampitsahatra ny fanohanany ny fitondrana.
Ejipta: Findain'i Ayman Nour nisy nangalatra sy Tweet tsy izy
Ayman Nour, izay isan'ireo nifaninana ho filoham-pirenena Ejiptianina tamin'ny taona 2005, dia nandefa ity tweet manaraka ity ny Asabotsy 5 Febroary, teo amin'ny 3 ora maraina teo ho eo: @ayman_nour: قراري الأخير : لن أترشح لرئاسة الجمهوريه وأفضل الدكتور محمد البرادعي رئيسا للجمهوريه الفترة القادمه لأن هذه الفترة تحتاج لرجل...
Panama: Hofoanana ny lalàna manova ny fehezan-dalanan'ny fitrandrahana harena an-kibon'ny tany
Ny 3 Martsa, nanome toky ny hanafoana ny lalàna izay manova ny fehezan-dalànan'ny fitrandrahana any Panama ny Filoha Ricardo Martinelli. Voarain'ireo Panamaniana tamin-kafailana ireo vaovao izay nahita ny fanovana ity fehezan-dalàna ity ho fanafihana ny tontolo iainana. Nipoitra avy hatrany tany amin'ireo tamban-jotra sosialy ireo fihetsehim-po.
Arabia Saodita: “Voarara ny fanaovana fihetsiketsehina ato anatin'ity firenena ity”
Namoaka fanambarana mandrara ny hetsi-panoheram-bahoaka ny ofilan-kevitr'ireo pretra.Nahatonga fihetsehim-po mifofofofo be avy amin'ireo mpitoraka tweeter Saodianina izany fanambarana izany.
Azerbaijan: Nisy mafana fo iray indray voasambotra, misy manontany ao amin'ny Facebook
Taorian'ny ireo zavatra nampiahiahy izay mety ho fikasana ofisialy ny fampihenam-bidy na ny famoretana ny fampiasana ny Facebook avy amin'ireo feo miovaova any Azerbaijan dia avy indray ireo vaovao mikasika ny fisamborana mafana fo iray hafa, Bakhtiyar Hajiyev.
Fahalalahana miteny ve ny famporisihana hamono tena?
Misy tranga iray mivoatra any Minnesota izay mahatonga ny fanontaniana hoe inona ny fahalalahana miteny. Ilay mpitsabo taloha William Melchert-Dinkel, 48 taona, avy any Faribault dia voapanga niaraka tamina lehibe roa ho namporisika, nanome toro-hevitra na nanampy ny hafa hamono tena. Kanefa nilaza ilay mpahay lalàna misolo vava azy ireo, tao amin'ny aterineto, fa fahalalahana miteny ny toro-hevitra nataon'ny olona soloiny vava.
