Lahatsoratra farany an'i miora tamin'ny Febroary, 2012
Teny: Andro Iraisam-pirenena Ho an'ny Tenin-drazana any Mali
Nankalàza ny Andro iraisam-pirenena ho an'ny Tenin-dreny izay tanterahana isan-taona ny 21 Febroary i Mali tany Bamako. Miresaka momba ny fanantenany amin'ny anjara asan'ny teknolojia anatin'ny fanandràtana ny fampiasàna ireo tenin-janatany 13 any Mali ny mpitoraka bilaogy sy mpandray anjara ao amin'ny Rising Voices, Boukary Konaté.
Shily: Mizàra Ny Sarin'Ireo Hetsi-panoherana tany Aysén Ireo Mpampiasa Twitter
Nihanahazo hery ny hetsika sosialy iray izay mitaky hatsaràm-piainana bebe kokoa sy fihenan'ny vidim-piainana any amin'ny Faritr'i Aysén any Patagonia Shiliana. Mampiakatra ny sariny ao amin'ny Twitter ireo vahoakan'i Aysén mba hampisehoana ireo hetsika, fanakànana sy fifandonana izay nitranga nandritra ireo andro vitsy.
Zeorzia: Fampielezan-kevitra Ao Amin'ny Aterineto Mikendry Ny Pejy Facebookin'ny Filoham-pirenena Rosiana
Miaraka amin'ireo miaramila Rosiana mitoby any amin'ireo faritra mpampisarakan'i Abkhazia sy Ossetia Atsimo, an-jatony ireo Zeorziana mitaky ny fialàn'izy ireo ao amin'ny pejy Facebookin'ny filoham-pirenena Rosiana.
Iran: Voarahon'ny Mailaka “Ho Voasazy Ianao” Ireo Mpanao Gazety
Maro ireo Iraniana mafana fo sy mpanao gazety no nahazo mailaka milaza fa ho voasazy izy ireo araka ny lalàna "Famaizana Islamika" ao amin'ny Repoblika Islamikan'i Iran.
Hongria: Misy Loza Iray Hafa Miforona Mandrahona ny Tontolo Iainana
Ny Oktobra, nitarika loza goavana indrindra teo amin'ny tontolo iainana teo amin'ny tantaran'i Hongria tato ho ato ny firarahana fotaka mena mahafaty avy amin'ny fitahirizana tany Kolontár. Mampifantoka ny saina amina fitahirizana fakon'akora mampidi-doza ny Atlatszo.hu sy ny Greenpeace, any amin'ny vohitr'i Almásfüzitő, izay "mitete tahaka ny spaonjy" ary efa miteraka fahasimbana eo amin'ny tontolo iainana sy eo amin'ny fahasalamana sahady.
Arabia Saodita: Mitsingilahila Ny Ampitson'i Hamza Kashgari, Mpanao Gazety
Nahatonga tsela-baratra tao amin'ny media sosialy i Hamza Kashgari, Saodiana iray mpanao gazety, rehefa nitoraka bitsika mikasika resaka noforonin'ny saina niarahana tamin'ilay Mpaminanilahy Mohammed ny tenany., izay nitarika ny fitsoahany ny firenena noho ny fandrahonana ho faty. Ankehitriny, miady hevitra ny amin'izay hahazo an'i Kashgari ireo mpampiasa ny media sosialy satria dia haverina an-tanindrazana avy any Malezia ny tenany.
Trinite & Tobago: Miresaka Ny Zava-drehetra Momba Ny Fitiavana Ny Mpitoraka Bilaogy Karen Walrond
Ny tena fitiavana dia mbola maro lafy mihoatra noho ny fitiavana romantikan'i Eros; inona no fanomezana tsara indrindra amin'ny Andron'ny Mpifankatia ankoatry ny firesahana momba ny fitiavana miaraka amina Karaibiana iray mpitoraka bilaogy izay mipetraka indrindra amin'ny fanomezana fitiavana sy hery miabo anatin'ny tontolon'ny bilaogy no asany?
Singapore: Miresaka Momba Ny Tantaranà Fijangajangana Ataon'ny Mpanao Politika amim-behivavy Ivelan'ny Fanambadiana Ny Vahoaka
Misy mpanao politika avy ao amin'ny mpanohitra iray niala tamin'ny toerana maha-mpikambana azy ao amin'ny Komity Mpanatanteraky ny antokony manoloana ireo tsaho amina resaka fiarahana amim-behivavy ivelan'ny fanambadiana. Niresaka mikasika izany raharaha izany ireo mpampiasa aterineto anatinà tambajotra sosialy maro ary maro no naneho ny tsy fahatakarany mikasika ny fomba nitondran'ny Antoko Mpanohitra izany raharaha izany
Maraoka: Voasambotra Noho Ny Famoahana Sarisary Zary Tenan'ny Mpanjaka Tao Amin'ny Facebook
Ny 7 Febroary 2012, niseho tany amin'ny lapam-pitsarana iray tany Rabat renivohitr'i Maraoka, i Walid Bahomane. Voampanga ho "nanala baraka ireo soatoavina Maraokana "tamin'ny famoahana lahatsary sy sary maneso ny mpanjakan'i Maraoka, Mohammed VI, tao amin'ny Facebook ilay tanora izay vao 18 taona
Vaovao Farany Amin'ny Microgrant Rising Voices 2012
Nahazo tolokevitra 1175 avy any amin'ireo firenena mihoatra ny 120 ny Rising Voices nandritra ny fifaninanana microgrant 2012 ho an'ireo tetikasa fanentanana amin'ny mediam-bahoaka anaty aterineto. Mandritra ireo herinandro enina manaraka, hamerina handinika ny tolokevitra tsirairay am-pitandremana izahay miaraka amin'ny komity mpifantina. Kasaina ho tanterahana any amin'ny tapaky ny volana Martsa ny fotoanan'ny fanambarana. Misaotra ho an'ireo rehetra nandray anjara.
