Lahatsoratra farany an'i Miora tamin'ny Aogositra, 2011
Japana: Tantaran'ny “Gypsy” Nokleary
Takeshi Kawakami (川上武志) dia iray amin'ireo antsoina hoe mpandehandeha (gypsy) nokleary ary tahaka ireo mpiara-miasa aminy maro, izay efa 30 taona izao no nanaovany asa fivelomana tany amin'ireo toby noklearin'ny firenena mandritra ny fotoana fohy. Nampahafantatra ny kolikoly sy ny fanaovana fifanarahana miafina nisy teo amin'ny governemanta sy ny indostria nokleary izy ao anatin'ny bilaoginy.
Iran: Mpitoraka Bilaogy Nafahana Taorian'ny 25 Andro Nitokonana Tsy Nihinan-kanina
Navoaka ny fonja rehefa nandoa onitra ny Alahady teo ny Dr. Mehdi Khazali, mpitoraka bilaogy, tonian-dahatsoratra sy zanakalahina mpitarika fivavahana mpitahiry ny nentin-drazana sady mpikambana tao anatin'ny Filankevitr'ireo Mpiambina ny Ayatollah Khazali, taorian'ny 25 andro fitokonana tsy hihinan-kanina. Nanandratra ny feony tamin'ny governemanta Iraniana ilay mpitoraka bilaogy nandritra ireo roa taona lasa
Karaiba: Fanehoan-kevitra Tanàty Aterineto Mikasika Ny Fianjeran'Ilay Fiaramanidina Tany Guyana
Rehefa nipoaka ny vaovao ny voalohandohan'ny Sabotsy fa nisy fiaramanidin'ny Caribbean Airlines nianjera tany amin'ny Seranam-piaramidina Iraisam-pirenenan'i Cheddi Jagan tany Timehri, Guyana, nipetraka ny tontolon'ny bilaogim-paritra ary nandray an-tsoratra. Tao anatin'ny tantaran'ny faha-71 taonany, nidoka tena ho manana fiarovana tsy azo kianina ny zotram-piaramanidina mandra-pitrangan'ity loza ity.
Okraina: Fampianarana Mitoraka Bilaogy Hamelezana Ireo Vondrona Mampietry
Anatina fanadihadiana amin'ny alàlan'ny mailaka, miresaka momba ny traikefany amin'ny fampianarana ny fahaizana misolo vava miaraka amin'ireo vondrona mampihena ny faharatsiana izay ampahany amin'ny Fikambanan'ny teratany Okrainiana rehetra momba ny Fisoloana vava ny Fitsaboana Fanolo (ASTAU) i Anastasia Bezverkha, ary ny tombontsoa azon'ireo vondrona ireo amin'ny fitantarana ny tantarany avy amin'ny fampiasana ireo fitaovan'ny mediam-bahoaka.
Balkana: Ambonin'ny Antsasaky ny Mponina no Mampiasa ny Aterineto
Nitatitra momba ireo vokatry ny fandalinana ny fampiasana ny Aterineto any amin'ny faritr'i Balkana i Danica Radovanovic.
Fetiben'ny Bilaogy: Meksika – Vahoaka, Herisetra ary Bilaogy
Ny Global Voices amin'ny teny Espaniola dia faly manolotra ny andiany vaova amin'ny Fetin'ny Bilaoginy, izay hifantoka amin'ireo mpitoraka bilaogy sy Aterineto avy any Meksika, manaraka ny lohahevitra "Meksika: Vahoaka, Herisetra ary Bilaogy." Jereo ny fomba, ny fotoana sy ny toerana ahafahanao mandray anjara na meteza ho tarihan'ity lahatsoratra ity.
Miaràha Aminay Amin'ny Adihevitra Momba Ny Finday Amin'ny Mediam-bahoaka
Handray anjara ho isan'ny fifanakalozan-dresaka ao amin'ny aterineto karakarain'ny fikambanana New Tactics in Human Rights (Tetikady vaovao amin'ny Zon'Olombelona). Hifantoka amin'ny "Fampiasàna Finday amin'ny Media Sosialy," izany adihevitra izany ary hampifantoka ny fandraisanay anjara amin'ny asan'ny tetikasa Ségou Villages Connection any Mali izahay.
Fitorahana Bilaogy Miafina Amin'ny WordPress sy Tor, Torolàlana Amin'ny Teny Espaniola
Ny Toro-làlana momba ny Fitorahana bilaogy miafina amin'ny WordPress sy Tor dia efa misy amin'ny teny Espaniola noho ny fandikan-tenin'ny mpanampy malalantsika Marianne Diaz. Ny toro-làlana dia mampiseho fomba maro hiarovana ny mombamomba ny olona iray mba hisorohana ny valy bontana ary hampiena bebe kokoa ny risika amin'ny fanakambanana ny mombamomba ny mpitoraka bilaogy iray amin'ny asa sorany ao anaty aterineto amin'ny alàlan'ireo fitaovana tekinika samihafa.
Iran: Nitarika Fisamborana Ny Ady Fifampitorahan-drano Tany Teheran
Ny rehetra dia mahafantatra fa tsy tokony hilalao afo. Any Tehran, dia toa, na ny milalao rano aza dia mety hiteraka olana. Farafaharatsiny dia 'lesona' azon'ireo tanora Iraniana izany rehefa nosamborin'ireo mpitandro filamianana izy ireo ny herinandro lasa teo noho ny fandraisan'izy ireo anjara taminà lalaon'ny ady fifampitorahan-drano teny amin'ny arabe.
Fomba Fanaovan-tsakafo Amin'ny Ramadany : Fety Be Aorian'ny Fifadian-kanina
Satria manomboka ny volan'ny Ramadany, dia nanomboka nizara lisitra bilaogy ahitaàna rohy mankaminà fomba Iftar mahafinaritra vitsivitsy i Maria Grabowski. Miangavy anao hizara aminay izay tena ankafizinao koa!
