Tantara tamin'ny 04 Desambra 2011
Brezila : Onitra Faratampony Taorian'ny Fahanginana Momba Ilay Fiparitahan-tsolika An-dranomasina An'ny Chevron
Ny 7 Novambra, ilay "plateforme" fitrandrahan-tsolika Frade, izay an'ny orinasa Amerikana mpandavaka Chevron-Texaco, dia nanomboka namery solitany mbola tsy voahodina. Roa volana taty aoriana dia inoana fa efa voafehy ilay fiparitahana solitany ary i Chevron dia nosaziana handoa ny onitra ambony indrindra izay nofaritan'ny Manampahefana Breziliana momba ny tontolo iainana. Kanefa tsy mazava tanteraka ny mikasika ny fahasarotana sy ny momba ny loza aterak'io amin'ny tontolo iainana.
Ejipta : Famintinana Ilay Hetsi-panoherana Revolisionera Andiany Faharoa Farany
Miran Hosny dia namintina ilay hetsi-panoherana andiany faharoa farany tao Ejipta. Ny isan'ireo olona maty ao Ejipta dia efa eo amin'ny 40 eo ary araka ny nambara dia mbola nanohy ny fanafihana sy ny fangalam-piery tamin'ireo mpanao fihetsiketsehana ny "Central Security Forces" sy ny polisy, izay mitoraka entona mandatsa-dranomaso sy entona simika hafa izay mbola tsy fanta-piaviana azy ireo
Malaoi: Mihaona amin'i Steve Sharra, mpanoratra eto amin'ny Global Voices
Miresaka amin'ny Mpanoratra Malaoita ao amin'ny Global Voices Steve Sharra i Linda Annan . Mpitoraka bilaogy i Sharra, mpanao gazety mahaleo tena, mpampianatra sady manonta boky fampianarana. Eto amin'ity tafatafa ity, dia miresaka mikasika ny toeran'ny haino aman-jery Malaoita i Steve Sharra, eo ihany koa ny tontolo arak'asa ananany ary ny fironany amin'ny fanabeazana, ny fampianarany ary ny fanoratany.
