Tantara tamin'ny Novambra, 2011
Yemen: Ampangain'ireo Mpiondana Aterineto Ho manao Tatitra Mitongilana Ny Reuters
Marobe ny olona no tohina nahita fa ilay loharanom-baovao malaza sy mba nitokisany, Reuters, dia manaràma an'i Mohammed Sudam, mpandika teny manokan'ny Filoha Ali Abdullah Saleh, sady sekreterany hatramin'ny 2009, ho toy ny solotenany mivantana sy iraka manokany ao Yemen. Nandefa siokantsera ireo Yemenita, izay nanomboka nampiasa ny tenifototra #ShameonReuters tao amin'ny Twitter, no tohina tamin'ny zavatra hitany, manontany ny amin'ny mbola fahamendrehan'ny Reuters sady mangataka fanazavàna.
Bahrain: Nanitsaka ny Mpanao Fihetsiketsehana Ve Ny Fiaran'ny Polisy?
Nolazain'ny fitondrana ao Bahrain fa araka ny lalàna iraisampirenena no ifehezany ny mpanao fihetsiketsehana. Saingy nanangom-baovao na nandrakitra ny fanitsakitsahana ny zon'olombelona mitranga any kosa ny mpisera ka mametraka ireny an-tserasera ho hitan'izao tontolo izao. Ato amin'ity lahatsoratra ity no anangonan'i Mona Kareem ny lahatsary nivoaka an-tserasera mampiseho ny ataon'ny polisy mandòna (manosy na manitsaka) ny mpanao fihetsiketsehana. Kisendrasendra ve ny hanosen'ny fiaran'ny polisy ny mpanao fihetsiketsehana?
Tonizia : Noravan'ny Polisy Tamin-kerisetra Ireo Mpanao Hetsi-panoherana Manohitra Ny Kapitalisma
Ny 11 Novambra, ireo mpanao hetsi-panoherana manohitra ny kapitalisma dia nidina an-dalàmbe tao Tonizia, tafiditra ao amin'ilay hetsika manerantany antsoina hoe ''Occupy the World on 11.11.11.'' na "bodoy izao tontolo izao ny 11.11.11."Nampiasa kibay, sy entona mandatsa-dranomaso ireo polisy mba hanaparitahana ireo mpanao fihetsiketsehana tao afovoan-tanànan'i Tunis, izay nahatonga fampiakaram-peo teo amin'ireo mponina.
Tonizia: Fitsikerana Tafika Nampiditra Roa Volana An-tranomaizina
Tamin'ny 9 Novembra, Nabil Hajlaoui, mpahay fambolena sy fiompiana avy ao Sidi Bouzid, voampanga higadra roa volana an-tranomaizina noho ny fitsikerany ny andrim-panjakana miaramila Toniziana. Araka ny voalazan'i Houssem Hajlaoui, mpanoratra ny bilaogy iombonana Nawaat, nosamborina i Nabil Hajlaoui taorian'ny lahatsoratra navoakany, izay nanomezany tsiny ny tafika noho ny fikomiana vao haingana...
Shina: Fahavalo An'eritreritr'i Japana
Tatitra vao haingana avy amin'ireo mpampita vaovao Japone izay manondro an'i Shina ho ny fahavalo ao anatin'ilay fanazarantena an-dranomasina iarahan'i Japana sy Etazonia izay voalaza fa nokarakaraina hatao amin'ity herinandro ity no nitondra hatramin'ny fihenjanana amin'ny resaka ady sisintany eo amin'ireto firenena aziatika roa ireto. John Kennedy no mitatitra.
Bangladesh: Fanoherana Am-pahasahiana Ny ‘Dot’
Farzana Yasmin, tovovavy iray avy ao Bangladesh no nampanakoako nanerana ny firenena ny fisarahany tamin'ny vadiny teo noho eo tamin'ny andron'ny fampakarambady, taorian'ny nangatahan'ny fianakavian'ity farany 'dot' (fanomezana atolotra mialoha ny hidirana amin'ny tokantrano vao), niaraka tamin'ny fankatoavany, tamin'ny fianakavian-dravehivavy.
Polonina: Ny “Open Government Data Camp 2011″ Sy Ny Ho Avin'ny “Open Data”
Tao Varsovie ny "Open Government Data Camp" tamin'ity taona ity, Afaka miresaka amin'ireo" techies" ianao, ireo mpikambana avy aminà ONG mpandàla ny mangarahara, ireo mpanao gazety, ireo mafàna fo ara-tsôsialy, ireo tompon'andraikitra avy aminà governemanta, ireo solontenan'ny Kaomisionan'ny Vondrona Eoropeana sy ny sisa. Jakub Górnicki no nanao tatitra.
Mitombo Hatrany Ny Fanentanana Faobe Ho Fiaraha-Mientana Amin'i Syria
Nisy fanehoana fironana faobe tsy tambo isaina ho firaisankina amin'ny mponina ao Syria. Ny filazam-baovao ara-tsosialy sy ny teknolojia tranainy, toy ny antso an-tariby, dia nampiasaina mba hampahafantarana ny Syriana fa tsy adino akory izy ireo, indrinda indrindra fa tamin'ny fetin'ny Eid Al-Adha.
Ejipta: Nahoana No Hafahana Ilay Bilaogera Alaa Abd El Fattah?
Mpitsara iray tao amin'ny fitsarana ara-miaramila no hanapa kevitra amin'ity anio ity na hohafahana i Alaa Abd El Fattah na mbola handany 15 andro hafa indray ao an-tranomaizina, etsy andanin'izay dia mbola andrasana ny fanadihadiana ambaran'ireo mpiaro fiampangàna tsy marina. Tao amin'ny Twitter, dia nanambatra ny heviny ireo mpanohana ho an'ny fanafahana azy tamin'ny fanaovana ny tenifototra "#WhyFreeAla." Indreto ny sasantsasany amin'ireo bitsika ampiasàna ity tenifototra ity.
Afrika : Afrikana Mitantara An'i Afrika
Afrika : Inona ny tantaranao ? dia ilay tetikasa farany tontosain'nyA24 Media. Natao izany hanasongadinana ny olana iraisan'ny Afrikana sy hampiroboroboana ny mangarahara sy ny fandraisana andraikitra. Tamin'ny alalan'ny dinika an-tserasera no ahafahan'ny Afrikana mifanakalo hevitra sy mamaha olana ao amin'ny Afrika: Inona ny tantaranao? Ankoatra izany, manome sehatra iray ho an'ny Afrikana hitantarany ny fiainany ho an'izao tontolo izao ilay tetikasa
