08 Novambra 2012

Tantara tamin'ny 08 Novambra 2012

Nanafika An'i Yemen Ireo ‘Drones’ Amerikana Andro Iray Taorian'ny Nandresen'i Obama

Tsy ampy 24 ora akory taorian'ny fahalanian'i Obama ho Filoham-pirenena, nivoaka ireo vaovao mikasika ny fanafihana vaovao indray nataonà 'drone' tany Yemen. Tany amin'ny vohitr'i al-Sarin any Sanhan no nitrangan'io fanafihana io ka namono an'i Adnan al-Qadhi, Rabeaa Lahib sy Radwan al-Hashdhi, ary nandratra hafa, isan'izany ny ankizilahy iray. Nefa, tsy mitovy amin'ireo teo aloha ity fanafihana ity satria latsaky ny 40km miala ny renivohitr'i Sanaa i Sanhan Sanaa ary tanindrazan'ilay filoham-pirenena teo aloha, Ali Abdulla Saleh. Mpampiasa aterineto Yemenita maro no taitra sy ontsa.

08 Novambra 2012

Ainga Vaovao Ho An'i Barack Obama Any Afrika ?

Raha voafidy indray Barack Obama hitondra mandritra ny efa-taona any Etazonia, Afrika kosa dia manao tombana ny efa-taona nitondràny Amerika sahirana kokoa amin'ny olana ara-toekarena noho ny fifandraisana ivelany, indrindra ny fifandraisana amin'ny kaontinanta afrikana. Lehibe tokoa ny fanantenan'ireo afrikana, nefa maro no mieritreritra fa hahafahan'ny Filoha Obama mandinika lalindalina kokoa momba ny olana afrikana ny fe-potoam-piasàna faharoa azony.

08 Novambra 2012

Na Eo Aza Ny Fandrahonana, Miady Hisian'ny Lalàna Tsy Miangatra Momba Ny Angovo Ireo Makedoniana Mafàna Fo

Ireo mpikambana avy eny ifotony ao amin'ilay fandraisana andraikitra sivily AMAN, izay nangataka ny mba hisian'ny fandrindràna tsy mitanila ny resaka angovo sy fampitsaharana ny fampakàrana ny sandan'ny asam-panjakana ao Makedonia, dia niatrika endrika teritery samihafa, nahitàna hatramin'ny fandrahonana tsy mitsaha-mitombo. Ny Sabotsy dia voasakan'ny mpolisy ny fifandonana mahery vaika nandritra ny famoriam-bahoaka iray.

08 Novambra 2012