Tantara tamin'ny 12 Febroary 2011
Ejipta: Ny fotoanan'ny Fandresena
Rehefa niala teo amin'ny Fitondrana an'i Ejipta i Mubarak dia nanomboka niseho iIreo horonantsary tahirin'ny vahoaka tamin'ny fampisehoana ireo fotoana manan-tantarasy ny fomba nandraisan'ireo vahoaka tao amin'ny Kianja Tahrir.
Zimbaboe: Fihaonana tamin'ny mpitoraka bilaogy sy poety Zimbaboeana, Mcgini Nyoni
Mamela ny dindony eo amin'ny tontolon'ny bilaogy sy ireo fitaovana media sosialy hafa ny Zimbaboeana. Ilay Zimbaboeana mpitoraka bilaogy, poety, mpanoratra tantara an-tsehatra sady mpampianatra , Mcgini Nyoni, dia tsy mivoana amin'izany. Mcgini dia Filoha Mpamorona ny tetikasa Poezy Bulawayo. Ity misy fanadihadiana avy amin'ny mailaka nifanaovako taminy.
Ejipta: Afaka i Kareem Amer
Ilay Ejiptiana mpitoraka bilaogy malaza Kareem Amer, fantatra amin'ny anarana hoe Abdulkareem Nabeel Sulaiman, dia nafahana, bitsika voamarina androany ireo. Kareem, izay niaraka tamin'ilay mpamokatra sarimihetsika mahaleotena Samir Eshra, dia 'nalaina an-keriny' andian-jiolajimboto rehefa nandao ny kianjan'i Tahrir ny 7 Febroary teo, natolotra ny mpitandro filaòinana avy eo ary nalefa tany aminà fonja miaramila tany " anivon'ny tany efitra."
Ejipta: Mitohy ny firavoravoana noho ny fametraham-pialàn'i Mubarak
Mitohy ny firavoravoana manerana izao tontolo izao taorian'ny vaovao nilaza fa nandao ny tanàna i Hosni Mubarak. Ilay mpanao jadona, izay nifehy an'i Ejipta nandritra ny taompolo telo, ary nandà ny hametra-pialàna tao anatin'ny 18 andro nisian'ny hetsi-bahoaka tsy nitsahatra nanehoan'ireo Ejiptiana ny fangatahan-dry zareo ny hialàny amin'ny fitondràna amin'ny fomba faran'izay milamina, dia niala ihany nony farany.
Jordania: Miady amin'ny tetikasa fanapahana hazo ny media sosialy
Nanao filazana ny Governemanta Jordaniana mikasika ny fanamboarana sekoly ambonin'ny miaramila ao anatin'ny alan'ny Ajloun, iray amin'ireo faritra Jordaniana vitsy misy ala. Mila ny fanapahana hazo 2200 ity tetikasa ity, ao anatin'izany ireo karazana hazo efa miha-manjavona sy ireo hazo eritreretina ho efa 500 taona. Miaraka amin'izany, Maro ireo fikambanana efa mijoro sy vao natsangana mba hanakana ity tetikasa ity - izay matetika dia miasa amin'ny alalan'ny mediam-bahoaka mba hahenoana ny feony sy hanetsika ny fanohanana eo an-toerana.
Ejipta: “Maniry ny hialàn'i Mubarak izahay!”
Nanao lahateny fanindroany nanoloana ny vahoaka Ejipsiana ilay mpanambony tena Hosni Mubarak taorian'ny antso fanoherana sy fikatsahana ny fiafaran'ny fitondram-panjakany izay nanomboka tamin'ny valo andro lasa izay (23 jan 2011) Ny lahateniny voalohany dia nianjera tany aminy, ary vao maika nitarika hatezerana bebe kokoa avy amin'ireo vahoaka izay maniry ny hialany izany, rehefa nitondra ny firenen'izy ireo nandritra ny 30 taona izy. Ary ny lahateniny faharoa dia tsy nahafa-po ihany koa. Androany, dia nilaza tamin'ny vahoaka Ejipsianina izy fa tsy hilatsaka ho anisan'ireo hofidiana amin'ny fifidianana filoham-pirenena amin'ny volana Novambra, izay nampamory ireo vahoaka tsy manam-paharetana tao Tahrir Square sy ny maro hafa koa.
