Tantara mikasika ny Fahalalahàna miteny tamin'ny Febroary, 2011
Bahrain: Ny Fiakaran'ny feon'ireo mpomba ny Fitondrana sy ny Mpanjaka
Koa satria mitohy ity Alarobia 16 Febroary, 2011 ity ny andro faha-telon'ny fihetsiketsehana, maro ireo manainga feo maneho ny fanohanany ny Mpanjaka Hamad bin Isa Al-Khalifa sy ny Governemanta Bahraini.
Bahrain: Kaonty Mampivarahontsana Avy Amin'Ireo Nanatri-Maso ny ‘Vono olona’ Tao Pearl
Mitohy mipoitra ireo fitantarana mampihoron-koditra momba ilay fanafihana niharo halozàna talohan'ny andro miposaka tao amin'ny renivohitra Barhaini, ahitàna ireo mpanao fihetsiketsehana naparitaky ny mpitandro filaminana avy tao amin'ny rond-point Pearl, toerana nofinidin-dry zareo hitobiana mba hanindriana ny fitakiany, raha samy mbola miezaka hanakatra ny tena nahazo azy ireo ny vahoaka Barhaini sy izao tontolo izao.
Bahrain: Fiara Mifono Vy Mizotra Mankany Manama Renivohitra
Taorian'ilay fanafihana vao maraim-be tamin'ity Alakamisy 17 Febroary 2011 ity, natao an'ireo mpanao fihetsiketsehana tao amin'ny rond-point Lulu tao Manama renivohitry ny Bahraini, mivoaka izao ny tatitra momba ny fisian'ireo fiara mifono vy manatona ny tanàna..
Ejipta : Kianjan'ny fahafahana, andron'ny fahafahana
Omaly dia fanin'ny haravoana ny Ejiptiana. Mizara any fahatsapany i Tarek Amr ary ireo Ejiptiana mpitoraka bilaogy nanatri-maso ny fianjeran'i Moubarak - ilay lehilahy nifehy ny firenen-dry zareo nandritra ny 30 taona ary avy eo voatery nametra-pialàna satria niara-nanandra-peo tokana ny vahoaka hoe :Mialà!
Iran: Lahatsarin'ny hetsika androany
Na dia eo aza ny fandraràn'ny Governemanta, nanao fihetsiketsehana tany aminà tanàna maro ireo Iraniana androany, anisan'izany ny tany Tehran (sary eto ambony), Shiraz, Isfahan, ary Rasht. Nangataka ny fahalalahana hanao fihetsiketsehana miaraka amin'ny vahoaka Ejiptiana sy Toniziana ny mpanohitra Iraniana kanefa dia notsipahan'ny Fitondrana islamika izany fangatahana izany.
Ejipta: Ho andron'ny Intifada Ejiptiana ve ny andron'ny 25 Janoary?
Inona no zavatra hiseho any Ejipta amin''ny 25 Janoary? Mangataka hetsika sy fitorevahana etsy sy eroa ny vahoaka. Iza no handray anjara, ary aiza? Inona no angatahan'izy ireo? Mety hoe misy olona sasany manohitra ny zavatra rehetra? Mila mitsidika kely ny tontolon'ny bilaogy Ejiptiana fotsiny isika dia mahita valiny amin'ny fanontaniantsika rehetra.
Iran: Fanantenana, Hafaliana, Faniriana satria nahazo fahafahana i Ejipta
Niarahaba ny fandehanan'ny filoha Ejiptiana Hosni Mubarak androany ny mpitoraka bilaogy Ejiptiana miaraka amin'ny hafaliana sy ny faniriana. Tena fifandrifian-javatra mahazendana mihitsy hoe ny andron'ny faha 32 taonan'ny revolisiona 1979 naharava ny Shah no niala i Mubarak.
Ejipta: Wael Ghonim navotsotra?
Fanampim-baovao:Naheno tsaho maro mifanohitra izahay momba ity tantara ity any an-toerana ary miandry porofo bebe kokoa manamarina fa navotsotra i Ghonim. Navotsotra androany i Wael Ghonim, mafana fo Ejiptiana amin'ny aterineto sady mpiasan'ny Google, noho ireo Ejiptiana mbola manohy mangataka ny fifaranan'ny fitondràn'i Mubarak. Notendren'ireo mpitolona ao amin'ny Kianja Tahrir ho mpitondra tenin-dry zareo i Ghonim, mba hanerena ny governemanta hamotsotra azy.
Iran: “Al Jazeera, Miangavy mba hotaterina ny eto Iran Tahaka Izay Nataonareo Tany Ejipta”
Raha nameno ny tontolo virtoaly mba handrisika ilay hetsika nosakanana tamin'ny fomba ofisialy tokony hisy ny 14 Febroary (25 Bahman) amin'ny anaran''ny vahoaka Ejiptiana sy Toniziana ireo Iraniana mafàna fo amin'ny aterinetoin, dia pejy Facebook iray no natsangana handrisihana ny Al Jazeera mba handrakotra ilay hetsika.
Alzeria: Mpanao Fihetsiketsehana Voasambotra, Voadaroka tamin'ny Diaben'ny #Feb12
Efa nahafaka mpanao jadona roa sahady ireo mpanao fihetsiketsehana tao Tonizia sy Ejipta saingy ny manampahefana Alzeriana kosa mbola nahita fahombiazana hatrany amin'ny fanakanana ireo hetsi-panoherana izay nanomboka avy hatrany taorian'ny hetsiky ny Toniziana tany am-piandohan'ny volana Janoary 2011. Ireo saripika sy lahatsary eo anivon'ny aterineto dia mampiseho ny fisamborana sy ny herisetra ara-batana natao an'ireo mpanao fihetsiketsehana.