· Desambra, 2011

Tantara mikasika ny Fahalalahàna miteny tamin'ny Desambra, 2011

Mozambika : Ilay Bilaogera Tsy Voafehy Ao Amin'ny Facebook

Mozambika dia firenena vitsy bilaogera ngezalahy ary ankoatra izay dia kely amin'ny fitantaràna ny resaka fanehoan-kevitra mazava ao anaty aterineto malalaka. Miaraka amin'ny firoboroboan'ny Facebook (amin'ny alalan'ny finday), olona iray be herim- po no nivoaka avy tao amin'ity tontolo fotsy voahodidina manga ity.. Miaraka amin'ny fanadihadiany ara-politika mivantambatana sy ny tsikerany"Apóstolo da Desgraça" dia lasa loharanom-baovao, ary naharay fandrahonana

28 Desambra 2011

Koety: Olona Tsy Manana Zom-pirenena Tafihana Noho Ny Fitakiany Ny Zony

Fisamborana, daroka ary tsindry atrehan'ireo mpanao hetsi-panoherana mitaky ny zony, efa ho olona 100,000 mahery tsy manana zom-pirenena monina ao Koety,miady ny mba hananany antontan-taratasy momba azy, fanabeazana, fikarakarana ara-pahasalamana, asa fivelomana, ary ny tena manan-danja indrindra dia ny fandraisana ho olom-pirenena. Mona Kareem dia mijery ireo hetsi-panoherana tato anatin'ny andro vitsy tao Koety sy ny famoretana ataon'ny polisy nanaraka izany.

22 Desambra 2011

Rosia : Fandinihana Ny Mety Ho Hamafin'ny Korontana Amin'ny Hetsi-panoherana Ny Asabotsy Androm-pifidianana

Akon

Koa satria ny toe-draharahan'ny voka-pifidianana Rosiana sy ny momba ireo mpanao fihetsiketsehana voatazona manerana ny firenena dia mbola tsy voavaha, dia mponina avy amin'ny tanàna maro no niomana hanao fihetsiketsehana ny Asabotsy 10 Desambra 2011.. Alexey Sidorenko dia nandinika ny isan'ireo vondrona anaty aterineto sy ny mety ho fiantraikan'ireo hetsi-panoherana.

22 Desambra 2011

Syria: AFAKA ilay bilaogera Razan Ghazzawi!

Navotsotra ny alina teo ilay Siriana bilaogera, taorian'ny nandanianty 15 andro tany am-ponja Siriana. Ghazzawi, izay manoratra bilaogy avy ao Syria eo ambanin'ny tena anarany marina , dia nosamborina tany amin'ny sisintany manasaraka an'i Syria sy Jordania, raha iny izy an-dàlana hanatrika atrikasa momba ny fahalalahan'ny asa fanaovana gazety hatao an'y Aman iny indrindra. Nanakiana ny fisamborana azy daholo ny mpiondana aterineto maro manerana izao tontolo izao.

19 Desambra 2011

Syria: Voaheloka i Razan Ghazzawi, Manohy Ny Fanentanany Ireo Bilaogera

Valo andro taorian'ny nisamborana azy, voaheloka i Razan Ghazzawi, araka ny lahatsoratra iray navoakan'ny Lebanese Daily Star, voampanga aminà "fananganana fikambanana mikendry ny hanova ny mpitarika ara-tsosialy sy ara-toekarena eo amin'ny firenena" ary "manao izay hamparefo ny fahatsapan'ny olona ho olom-pirenena, ka manandrana mandrehitra ny afon'ny fifankahalàna isam-paritra" sy "mandemy ny fahatsapan'ny olona ho olom-pirenen" -- ireo rehetra ireo izay mitondra mankany amin'ny fanamelohana 15 taona an-tranomaizina.Manohy ny fanentanany ireo bilaogera mba ho famotsorana azy.

13 Desambra 2011

Rosia : Ny Fitroaran'ireo “Hamsters”-n'ny Aterineto

Akon

Ny ampitson'ny androm-pifidianana, ireo Rosiana dia nivondrona mba hikomy ho fanoherana ny hosoka tamin'ny fifidianana. Na dia ho very seza 77 aza ny Antoko Rosia Mitambatra (United Russia) oharina amin'ny Duma teo aloha, araka ny vokatra vonjimaika, ny ankamaroan'ireo mpikomy dia mihevitra ilay fifidianana ho sady tsy madio, no tsy malalaka.

13 Desambra 2011