Tantara tamin'ny Tselatra tamin'ny Avrily, 2008
Bahama: fanompana
Ilay vehivavy Bahamiana “nosamborin'ny polisy manao fanamiana nanakana azy hiakanjo tao an-tranony sady notazonina tao amin'ny biraon'ny polisy tao Nassau nandritra ny ora maro vao navela hitafy izy” no nomelohina ho nanao fiteny vetaveta, fihetsika tsy milamina ary namalivaly tamin'ny fisamborana azy: Antsoin'i Womanish ho “fanimbazimbana ny zo mahaolona” izany.
Zeorzia:MAP koa
TOL Georgia no maneho hevitra tamin'ny nampandamoka ny fireneny tsy neken'ny OTAN ho MAP na Membership Action Plan na Mpikambana Am-Perinasa nandritra ny vovonana natao tao Bucharest. Raha nandray ohatra an'i Albania ny mpamaham-bolongana dia kely ny fanantenany ny hahatafiditra an'i Zeorzia amin'io fikambanana io noho ny fahabangan'ny fandrosoana eo...
Syria: 60 taona taorian'ny Deir Yasin
“Raha miomana hankalaza ny faha-60 taona ny Isiraeliana, ary ny palestianiana kosa feno 60 taona izay ny nakana ny tany taminy, dia tsy maintsy manome voninahitra ireo lavo tao anatin'ny habibiana nitranga nandritra ny fandripahana tao Deir Yasin tamin'ny 9 Avrily 1948 isika,” hoy Rime Allaf, izay nahatsiaro ny faha-60...
Iran: tsy handalo any Iran ny afo olaimpika
Nanoratra Razeno [Fa] fa raha hitety firenena maro ny afo olaimpika dia anaty lisitra kosa ny handalovany any Iran. Nampian'ny mpamaham-bolongana moa fa mandalo ao Pakistan izay itrangana herisetra maro ny afo olaimpika. Malahelo tokoa Razeno amin'ny fanaovan'izao tontolo izao ankivy an'i Iran.
Iran: Nisy baomba nipoaka tao amin'ny môskea
Nisy baomba nipoaka tao amin'ny môskea iray nandritra ny fotoam-pivavahana Asabotsy tao an-tanànan'i Shiraz atsimon'i Iran,Olona valo farafahakeliny no maty tamin'izany ary 66 no naratra. Sayetanha,mpamaham-bolongana avy ao Shiraz, no niteny[Fa] fa maro no maty fa tsy voa kosa ny mpitondra fivavahana.
Iran: Sary tamin'ny fipoahana baomba
Namoaka sary vitsivitsy tamin'ny (taoriana) fipoahana baomba tao amina moskea iray tany atsimon'i Iran izay tao an-tanànan'i Shiraz ka nahafatesana olona 8 farafahakeliny i Erfan avy ao amin'io tanàna io ihany. Nilaza moa ny mpamaham-bolongana fa matahotra izy ny hampiseho ny fakantsariny hany ka tamin'ny findainy avokoa no nakany ny sary.
Nigeria: Leila Fowler: ilay mizotra ho amin'ny fomba fanao
Bella Naija no manoratra momba ny tetikasa Funke Fowler, Leila Fowler: “ Tsy mitsahatra ny manontany ahy ny olona hoe nahoana aho no niditra namahambolongana ary ny avaliko azy ireny dia hoe tiako asandratra sy ankalazaina ny zatovovavy Nizeriana mahavita zavatra tena tsara tsy mampino sady mampirisika ny hafa hitozo...
Tonizia: Mitorajofo
“Taorian'ny herinandron'ny hatsiaka izay nitondra rivotra sy rotsak'orana tsindraindray ho antsika, dia narahin'ny roa andro tena nanevokevoka izany, ary androany, raha nifoha isika dia indreo hitantsika fa voahosotra fasika matevina ny arabe, ny fiara ary ny trano” hoy i Eman nanoratra avy any Tonizia.
Jamaika, Shina: Ny politikan'ny fanatanjahantena
“Inona moa no lazainy momba antsika raha ataontsika ho faralahim-pahamehana ny zon'olombelona fa zarantsika aza mijery fandaharana amin'ny fahitalavitra mandritra ny roa herinandro? Raha tsy fantatrao izay ataon'i Shina any Tibet dia tsy mametraka antsika ho tompon'andraikitra mihitsy ve izany?”: Nifantoka tamin'ny politikan'ny lalao olaimpika ho avy io ny resak'ilay...
Shina: fiarovana ny voninahi-pirenena
Itrikitrihin'i ESWN fa loza mitatao eo amin'ny fifandraisan'ny vahoaka anararaotan'ny hevitra ifampizaran'ny maro an'isa any Shina hiarovana ny voninahim-pirenena ny fihetsiketseham-panoherana mihatra amin'ny afo olaimpika. Nandika tati-baovao roa amin'ny teny shinoa roa miresaka ny fihetsiketseham-panoherana ny fandalovan'ny afo olaimpika ny lehilahy.
