Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

· Janoary, 2011

Tantara tamin'ny Tselatra tamin'ny Janoary, 2011

Maraoka: Fitsidihana manokana ataon'ny mpanjaka any Frantsam

Araka ny voalazan'ny mpanao gazety Maraokana mpanohitra  iray nifampitafa tamin'ny vohikalam-pampahalalam-baovao Frantsay Rue89 [fr] dia toa tonga nanao fitsidihana manokana (visite privée) any Frantsa nanomboka ny alakamisy teo ny mpanjaka Mohamed VI avy any Maraoka, ary mipetraka ao amin'ny Lapaben'ny fianakaviany izay akaiky an'i Parisy. Miteraka tombatombana isan-karazany amin'izay tena tanjon'ny fitsidihana ity fivoahana mankany ampitan-dranomasina ity amin'izao gidragidra ankapobeny mitranga any Afrika Avaratra sy ny “Atsinanana akaiky” (an'i Eoropa mazava loatra), indrindra rehefa voasoratra fa toa misy fiaraha-miasakafo manokana iarahana amin'ny Filoha (Frantsay) ao anatin'ny fandaharam-potoana.

Korea Avaratra: Mitombo ny Fitarainan'ny Vahoaka

(Ny rohy dia amin'ny teny Anglisy sy Koreana)
Nitatitra ireo teratany Koreana Tavaratra fa ao anatin'izao olan'ny tsy fahampian-tsakafo izao ary ny fifandimbiasan-toerana efa an-dàlana, maro ny vahoaka Koreana Tavaratra no mandefa ny tarainan-dry zareo mikasika ny fianakaviana Kim, hoy ny Daily NK manoratra [ko], Koreana Tavaratra iray monina ao  Seoul no misaina siniben-drano sy ny media amin'ny aterineto.

Tonizia: Voatafika nandritry ny hetsi-panoherana ilay mpanao gazety Nebrass Hedhili

Nanoratra i Nawaat fa niharan'ny herisetra ara-batana ilay mpanao gazety Nebrass Hedhili, polisy tsy nanao fanamiana no nahavita izany tao afovoan'i La Chebba(fr). Manavao matetika ny feon-gazety mikasika ny hetsi-panoherana Sidi Bouzid(fr) i  Nawaat.

Madagasikara : Mba azonao atao sariitatra koa ve ny fanaovan-gajety?

Ny mpiblaogy Bunmi (monina any Etazonia) no mitatitra fa i ‘Madagascar’ izay sangan'asan'i Bastien Dubois dia isan'ireo lahatsaritatra voafantina hifaninana amin'ny Oscar 2011, taranja sariitatra fohy (ndlr. fifaninanana sarimihetsika vovònana izay tanterahina isan-taona any Amerika).

Rosia: Tetikasa Ushahidi mitatitra ny olan'ny Ririnina Rosiana

“Sarintanim-panampiana ho an'ny Ririnina Rosiana” (Holoda.info), tetikasa iray vaovao ho fitrandraham-baovao avy eny ifotony, no natomboka napetraka tao Rosia mba hitaterana ny olan'ny vahoaka tratry ny hatsiaka mamirifitry. Ny masoivohom-baovao  RIA Novosti mitatitra [RUS] fa ny tanjon'ny vohikala dia ny hitondra fanentanana mikasika ireo olona miaritra ny tsy fisian'ny fitaovana fanafànana na rafitra hafa ho fanohanana any Rosia, sy ho fanamoràna ny fifanampian'ny rehetra. Ny tetikasa dia natombok'ilay vondrona mpanolo-tena an-tsitrapo iray izay tany am-piandohana dia nandefa ny “Sarintanim-panampiana”, sehatry ny Ushahidi [ENG] noho ny doroala Rosiana (Russian-fires.ru).