Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

· Novambra, 2010

Tantara tamin'ny Tselatra tamin'ny Novambra, 2010

Fanampiny momba ny fanenjehana ara-politika eto Madagasikara

Fanazavana lavalava ihany no nosoratan'ny mpamaham-bolongana Alain Rajaonarivony momba ny fisamborana mifandraika amin'ny raharaha politika vao nitranga teto Madagasikara (fr). Mitantara ny fandehan'ny fisamborana [na fisavana ny trano] nahazo azy ireo ny havana akaiky an'i Raymond Ranjeva sy ny zanany vavy. Eto moa misy fanangonan-tsonia manameloka izao fanenjehana azy ireo izao (fr) [ho avy ny lahatsoratra lava].

Rosia: Mihamaro ny mpanao gazety misy midaroka

Igor Podgorny no mitatitra ny nidarohana an'i Sergey Mikhailov, mpanao gazetin'i Saratov, izay nitranga ny 5 Novambra 2010. Kommersant koa manoratra ny nidarohana an'i Anatoliy Adamchuk mpanao gazety avy ao an-tanànan'i Zhukovskiy (faritra Moskoa) sady mpiaro ny  alan'i Khimki . Tamin'ny 7 novambra 2010 moa i Adamchuk no nisy nidaroka.

Nizeria: Ohabolana Haosà ao anaty tontolom-bolongana

Karin Magana dia bolongana iray miompana amin'ny ohabolana Haosà: “Elaela aho izay no namaham-bolongana tao amin'ny Karin Magana, bolongana iray miompana amin'ny ohabolana Haosà. Hatramin'izay fotoana izao dia eo ho eo amin'ny 600 eo ny ohabolana tafavoakako ao amin'io bolongana io. Miezaka moa aho ny hanampy hatrany isan'andro ny isan'ny ohabolana ao.”

Madagasikara: Voasingotra amin'ny fanondranana andramena tsy ara-dalàna ny Filoha

Wild Madagascar no nampakatra lahatsary navoakan'ny Global Witness (Vavolombelona Ankapobeny) sy ny Environmental Investigation Agency (Sampana mpanadihady momba ny Tontolo iainana) ahitana fa voasaringotra amin'ny fanondranana tsy ara-dalàna andramena (bolabola) ny filohan'ny [Fahefana Avon'ny Tetezamitan’] i Madagasikara Andry Rajoelina.

Madagasikara : Antenaiko ho “pont” hatramin'ny faha-16 mihitsy aza!

Ny mpiblaogy Lay Andriamialy dia mitatitra ireo fomba fijery samihafa ananan'ny sarambambem-bahoaka manoloana ity fitsapan-kevibahoaka momba ny lalam-panorenana vaovao ity:

- Est-ce que le 17 Nov sera férié?
– J'espère et même que le 16 soit pont

“- Ho andro tsy fiasana ve izany ny faha-17-n'ny volana Novambra?
– Antenaiko ho ‘pont’ hatramin'ny faha-16 mihitsy aza”

[ndlr. ny “pont” na tetezana amin'ny teny frantsay dia andro tokony iasana fa noho izy eo anelanelan'ny andro roa tsy fiasana dia azon'ny fitondrana ambara ho “tetezana” izany hoe tsy iasana fa natao iampitana avy amin'ny andro tsy fiasana voalohany hoamin'ilay manaraka. Ary satria andro fiasana ny faha-15 Novambra, dia tsy ho “pont” velively izany ny faha-16 fa HATSIKANA].

Maorisy: Vakio ny tontolom-bolongana maorisiana

Fantaro sy vakio miaraka amin'ny Mauritius Blog Tracker ny bolongana, lahatsary sy sary ary ny valan-tserasera Maorisiana [izay tsy famakintsika eto matetika loatra].

Però: Fanentanana isorohana ny fanakatonana tranomboky any Amazonia

Mitatitra ny amin'ny fisiana fanentanana fanoherana ny fanakatonana tranomboky  any Iquitos, Però miompana amin'ny tahirin-kevitra momba an'i Amazonia i Juan Arellano avy ao amin'ny Globalizado [es]. Io tranomboky io no faharoa manandanja indrindra momba io lohahevitra io any Amerika Latina.

Iran: ny tanànan'ny Teheran amin'ny alina

Sangany amin'ireo blaogin-tsary Iraniana i Kosoof, manapariaka andian-tsary maneho ny endriky ny tanànan'ny Teheran amin'ny alina.