Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

· Jolay, 2014

Tantara tamin'ny Tselatra tamin'ny Jolay, 2014

Mandalina Ny ‘Fotoam-piovàn'ny Kanto Sy Ny Fampielezan-kevitra’ ireo Mpanakanto Any Skopje

Ny Kooperacija (“Cooperation” na Fiaraha-miasa, teny Makedoniana entina hilazàna ny tranombarotra enta-madinika any amin'ireo tanàna kely), vondrom-panakanto tsy mampidi-bola fa mamelon-tena, dia nampiantrano fampirantiana nitondra ny lohateny hoe “Fotoam-piovàna: Ny Kanto ho Fanentanana Fanoherana ny Tsindrihazolena” [en, mk, misy sary] tany Skopje, vao tsy ela akory izay.

'Fear makes the world go round' by Ines Efremova. Photo by Kooperacija, used with permission.

‘Ny tahotra no mampihodina ny tany’ hoy Ines Efremova. Sary avy amin'ny Kooperacija, nahazoana alalana.

Araka ny tatitra [mk] nataon'ny fanangonam-baovao maromaro mitatitra momba ny kolontsaina [mk], anisan'izany ny SEE Cult [sr] any Belgrade, nampiranty asa avy amina olon-tsotra sy vondrona mpanakanto malaza maro izany hetsika izany. Hita tamin'izy ireo ny asatanan'i Vitaly Komar, IRWIN, Santiago Sierra, DETEXT, ary koa ny an'ireo mpanakanto mavitrika indrindra avy amin'ny faritra, tahaka an-dry Nemanja Cvijanović, Ibro Hasanović, Igor Toševski, Kristina Gorovska & Jure Lavrin, Ines Efremova, Filip Jovanovski, O-P-A, sy ny sisa.

Nanoritsoritra izany fampirantiana izany tao amin'ny pejiny ny vondrom-panakanto nanatontosa azy:

Kooperacija dia tetikasa mikendry ny hetsika ara-kanto ivelan'ny sehatry ny asa, ka misarika fomba fijery vaovao amin'ny famoronana sy ny fanandramana ny kanton'ny vanim-potoana ankehitriny […]

Ny tetikady voalohany amin'izany dia fakàna ireo toerana malalaka manerana ny faritry ny tanàna, sy ny fampirantiana amin'ny alalana andianà hetsika tsy ampoizina. Ny vokatra kendrena amin'izany dia ny adihevitra mametra-panontaniana mitondra ho aminà fanorenana indray momba ireo toerana mampiahiahy anatin'ny kanto, ary ny famokarana tontolo hahafahan'ny fifanankalozan-kevitra, ny traikefa ary ny fahalalahana maneho hevitra hitsiry.

Ireo Fanehoankevitra 5 Faran'izay Tsy Miraharaha Indrindra Ny Fidarabohan'ny Sidina MH17 Tao Okraina

So much for "knowing that feel," when it comes to polemics surrounding the downed Malaysian airliner. Images mixed by Kevin Rothrock.

Be loatra ny “efa fantatra izany,” rehefa ny fifamalian-dresaka manodidina ilay voromby Maleziana nazera no resaka. Sary nafangaron'i Kevin Rothrock.

Nalaky be ireo Rosiana manampahefana, politisiana, ary olon'ny fampitam-baovao, tamin'ny fanehoankevitra momba ny fianjeràn'ilay MH17 an'ny Malaysian Airlines, izay nidaraboka tany atsinanan'i Okraina ny Alakamisy 17 Jolay. Nifampiampanga, nifanameloka ho nitifitra fiaramanidina sivily sy namono olona efa ho 300 tao anatiny ny andaniny sy ankilany, manampahefana ao Kiev, Maosko, ary Donetsk.  Ao anatin'ny fihetsehampo tafakatra avo dia avo, misy fanambaràna henjana azo isaina amin'ny rantsan-tànana, nalefan'ireo olo-malaza avy ao Maosko sy Donetsk, nahasarika ny sain'ireo Rosiana mpisera amin'ny aterineto. 

1. Tamin'ity tranga ity, tsy izahay no nanao azy.

Somary hafahafaha ihany fa tsy dia nahafantatra tsara intsony i Aleksandr Boroday, ilay nanora-tena ho praminisitra ao amin'ny Repoblika entim-Bahoaka ao Donetsk, na tafiditra na tsia amin'io loza io ny mpikomy:

Indrisy, ity ny fehezantenin'ny anio. [mivaky toy izao, “Raha tena fiaramanidina misahana ny ara-barotra tokoa iny dia tsy izahay araka izany” Alexandr Boroday.]

2. Tena misy dikany ve ny mahalala izay nanao azy iny?

Leonid Kalashnikov, lefitry ny filohan'ny Kaomity parlemantera Rosiana misahana ny raharaha iraisampirenena dia nilaza tamin'ny TV Rain fa tsy dia misy dikany loatra ny hahalàla ny hoe iza no hohelohina tamin'ny fanjeràna ilay voromby:

“Вам что, легче станет, если узнаете, кто сбил самолет?”

“Dia inona, hahatsaratsara anareo ve raha toa ka fantatra hoe iza no nitifitra nanjera ilay fiaramanidina?”

3. Ny lozaben'ny tsanganana fahadimy.

Tamin'ny fiasàna saina momba ny hoe ireo Rosiana liberaly sy ireo Okrainiana  “mpanao fampielezan-kevitra” no nanely ny betsaka tamin'ny fihetsehampo tahaka izany (izany hoe, kianin-dry zareo ny politika Rosiana ao Okraina), noheverin'i Konstantin Rykov avy amin'ny antoko politika mitondra ao Rosia fa tokony hambara ity:

Anatin'ny fotoana tahaka ireny dia mazava tsara ny hoe iza no manantena inona sy ny hoe inona marina no tadiavin-dry zareo… ireo liberaly sy Okrainiana mpanao fampielezan-kevitra eto amintsika izay mitolona mafy ho amin-javatra mitovy.

4. Tsotra fotsiny: aza manameloka na iza na iza.

Margarita Simonyan, lehiben'ny “Russia Today” dia mametraka ilay loza ho nateraky ny tsy fahampian-tsain'ny Sovietika fahiny:

Efa niasa nandritry ny fotoana ela tao anatn'ny ati-fo lalin'ny vaovao mafàna isankarazany aho, fa tena tsy mino mihitsy ny fisian'ny fanaovana tetika firaisana tsikombakomba. Saingy tena mino ny amin'ny korontana Sovietika tsotra izao. 

5. Mpikomy? Mpikomy inona?

Ny farany fa tsy ny maivana indrindra dia ny fanehoankevitr'i Vladimir Putin izy tenany mihitsy, izay niteny tamin'ny ITAR-TASS fa Kiev no tompon'andraikitra amin'ny habakabak'i Okrana izay fehezin'ireo mpihoko ny any atsinanana.

“Безусловно, государство, над территорией которого это произошло, несет ответственность за эту страшную трагедию. […] Этой трагедии не произошло бы, если бы на этой земле был мир, не были бы возобновлены боевые действия на юго-востоке Украины”

“Mazava loatra, ny fanjakana izay nisehoan'izany tao amin'ny taniny no tompon'andraikitra amin'iny loza mahatsiravina iny. […] Mety ho tsy nitranga iny loza mahatsiravina iny raha toa ka nisy ny fandriampahalemana tao amin'io tany io, raha tsy nitohy ny ady tany Atsimo Atsinanan'i Okraina.”

Fampidirana An-tranomaizina Malagasy 2 Mpanao Gazety

Mpanao gazety roa avy ao amin'ny gazety mivoaka isanandro MADAGASCAR MATIN no nalefa any amin'ny fonjan'Antanimora. Androany maraina, voaantso tany amin'ny Brigadin'i Fiadanana izy ireo. Tsy iza akory ilay nametraka fitaraina fa ny Minisitra Rivo Rakotovao

Nizara ny “statut” an'i Solo Rajaonson i Tantely Rasoanaivo:
Vaovao farany: <Fahalalahan'ny fanaovan-gazety: ireo mpiara-miasa aminay, ny Talen'ny Famoahana ny gazety Madagascar Matin, Jean Luc Rahaga sy ny Tonian'ny fanoratana, Didier Ramanoelina dia nampidirana an-tranomaizina any Antanimora. Noho ny fitarainana momba ny fanalam-baraka ny Minisi-pirenena iray. Fiovàna sy fialàna amin'ny taloha hoy ianao?>

 

 

Però: Ny Fitiavana Dia… Fomba Vaovao Hanairana Ny Olon-tinao

Hanairany ny olon-tiany mandritra ny tsingerintaona nahaterahany, efa voaomany avokoa ny zavatra rehetra amin'ny fanomezana saribakoly vorodamba goavana, saingy nahatonga azy tsy maintsy handeha tongotra [es] maherin'ny efatra miles (fito kilometatra) nibata ilay fanomezana goavambe ny fitokonan'ny fitaovam-pitaterana.

Ity no tantara tsara fiafara an'i Jonatan Rosas, avy any amin'ny distrikan'i Yanacancha, any amin'ny tanàna Peroviana ao Pasco. Tsy nandalo dia lasa moramora io tranga io tao anatin'ny Twitter:

FITIAVANA VE IZANY? Nandeha tongotra 7 kilometatra (4m 61 yard) niaraka taminà saribakoly vorodamba goavana hataony fanomezana ho an'ny olon-tiany PERÚ.- Jonatan Rosas, izay miaina any…

Tsy maintsy nandeha tongotra nilanja ilay fanomezana mavesatra ho an'ny olon-tiany i Jonatan Rosas noho ny fitokonan'ny fitaovam-pitaterana…

Nanao dia sorona i Jonatan Rosas raha nilanja saribakoly vorodamba mirefy 1.60 m (5'2″) noho ny…