Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

· Jona, 2008

Tantara tamin'ny Tselatra tamin'ny Jona, 2008

Kenya : Fanampim-baovao avy ami'ny fanampiana olona amin'ny aterineto

Fanampim-baovao avy amin'ny mpiasa an-tsitra-po ao amin'ny AVIF any Kenya : Vaovao tapatapany avy aty amin'ny Mercy Home hampahafantarana anareo mikasika ny fitsidihana ataonay, ary mba hanehoana fa nanampy sy nanatsara ny fiainan'ireo vehivavy ato amin'ny Mercy Home ny vola fanampiana natolotrareo.

Trinite sy Tobago: Onjam-piovana?

Inoan'ilay mpamaham-bolongana Trinitita Attillah Springer fa hampivoatra zavatra maro ny onjam-piovana entin'i Barack Obama:

 “Onjam-piovana iray tiako handom-baravarana aty amintsika izy ity ka hanaisotra amintsika ny fiesonana sy ny fahabangan'ny fototra politika eto amintsika. Eny indrindra, isika koa afa-manova. Afa-manova ny politikantsika isika.”

Afrika: Tonga ankehitriny ny e-fitondrana

David Kobia no miady hevitra momba ny e-fitondrana (e-governance) any Afrika: “Heveriko ankehitriny fa azo atao amin'izay ny misaotra ampahibemaso ny mpanao politika any amin'ny tany Afrikana ampahibemaso noho ny nampandamoka ny fampiroboroboana ny serasera an-tarobia(telefôna tsy mihetsika), ka nahatonga ny fanombanana fa hitombo 22% ny mpanjifa amin'ny finday. hahatratra 330 000 000 ny isan'ny manana finday manerana an'i Afrika amin'ity taona 2008 ity.”

Yemen: Diana dinôzôro hita tany akaikin'i Sana'a

“Tsy mbola nahitana diana dinôzôro mihitsy hatramin'izay tamin'iny Oalan'ny persika iny; saingy tany amin'ny 30km monja avy eo Sana'a, renivohitry Yemen, no nasehon'ny sisan-taolana, ny dia lalina tavela tamin'ny tany, ny dia-na andiana dinôzôro — sauropods – tokony ho 150 000 000 taona eo ho eo,” hoy ny tatitry Omar Barsawad avy any Yemen.

Shina: Iza no tokony isaorana?

Asehon'ny CCTV (izay marihina fa mandeha amin'ny TVM rehefa vita ny fandaharana tontosain'ny tvm amin'ny alina ka mandra-panombohan'ny fandaharana amin'ny maraina indray)amin'izao tontolo izao ny lahatsary ahitana ny fisaoran'ny traboina izay nataon'ny governemanta. Guo yu hua, mpahay momba ny olombelona kosa milaza fa ny governemanta no tokony hisaotra ny vahoaka shinoa noho ny haavom-pahaizan'izy ireo nanao asam-pankaherezana [zh].

Brezila: Fampidirana ny bloguecast (bolongam-peo)

Haitao mampiray aina vahoaka sy onjan-taranaka samihafa ary ny sivana no anisan'ny lohahevitra nobanjinina tamin'ny fandaharana voalohan'ny Bloguecast, fandraisam-peo tontosaina sy ampiroboroboin'ny BlogaIsso [pt]. “ny hamoaka andiany iray isan-kerinandro no tanjona, fa angamba tsy haharitra ela tahaka izany intsony, rehefa mivoatra ny fandaharana. Henoy, mandraisa anjara hanala azy ary dia omeo ny sosokevitrao”.

Brezila: Fahasarotana hamoaka ny hafatra lalina

“Mahaliana tsy araka ny nanampoizana azy ny mamaky tantara iray amin'ny fomba fijery samihafa. Ataoko fa izay indrindra no nitranga tamin'ny herinandro teo raha nitokona teo anoloan'ny tranolehiben'ny dams manamorona ny reniranon'i Xingu amin'ny lemaky Amazona iny ny Amerindiana”. Topimason'i Lou Gold tamin'ny fampahalalam-baovao lehibe ka nanaovany fampitahana izay nolazain'izy ireo sy ny tatitry ny bolongana sy ny fikambanana tsy miankina amin'ny fanjakana, izay “sahirana tokoa hampita ny hafatra lalina fonosiny.”

Zimbaboe: Nosamborina ny sekretera jeneralin'ny MDC

Famoretana ny fanoherana hafa ao Zimbabwe indray: “Nosamborina raha vao nigadona fotsiny ny seranam-piaramanidina iraisam-pirenena tao Harare ny Sekretera Jeneralin'ny MDC Tendai Biti”: filazana fohy vao azo avy tamin'ny mailaka. Tsy misy na inona na inona fantatra momba azy amin'izao fotoana izao, fa tsy maintsy mampahafantatra anareo haingana araka izay azo atao ihany izahay ary mampiomana anareo hijoro miaraka aminay ary hanampy anay hahita ny fahafahany sady salama tsy marofy.

Oganda : Famoretana ny fanaovan-gazety

Hoy i Moses Paul, miresaka ny famoretana ny mpanao gazety ao Oganda : “Nametraka rafitra vaovao ny governemanta ka mampiseho fomba iray indray hamehezan'ny fanjakana ny fampahalalam-baovao. Tsy vao voalohany io amin'ny fomba tsy manaraka ny lalam-panorenana ataon'ireo manam-pahefana ao amin'ny governemantan'ny Filoha Museveni mba hanafoana ireo fampahalalam-baovaovao tsy miankina amin'ny fanjakana.”

Manery an'i Shina hanorenany ny fahafahana any Myanmar

Nanangana bolongana, 8-8-08 for Burma, ireo menavazan'ny tolona any Myanmar hanerena an'i Shina “ampinga tokana” ampelatanan'ny mpitondra jadona any Myanmar an-toerana mba hamonjena ain'olona sy hananganana ny fahafahana any an-toerana.

Kiobà: fanoherana tany am-ponja

Uncommon Sense no namaham-bolongana momba ny fitadiavana hanapenam-bava ny fihetsiketsehan'ny voafonja kendren'ny mpiambina ny fonja any Combindado de Guantánamo  “izay niandoha raha nilofo hampahafantatra ny fihoaram-pefy mitranga any am-ponja tamina mpitolona ho amin'ny zon'olombelona ny gadra politika iray.”

Armenia : Ny andron’ny ankizy

Nolazain’i Unzipped (tsy voafintina) fa somary nihilana ho amin’ny lafiny politika kokoa tamin’ity taona ity ny fanamarihana manerantany ny andron’ny ankizy, isaky ny voalohan’ny volana jona, nomarihan'ny fianakavian’ireo mpanohitra notazonina am-ponja omaly (voalohany volana jona)tamin’ny alalan’ny fihetsiketsehana nataony  teo akaikin’ny biraon’ny lehiben’ny fampanoavana sy ny masoivohon’ny Firenena Mikambana tao afovoan-tanànan’ Yerevan izany. Miantso no governemanta armeniana ny bolongana mba tsy hanao fanambarana momba ny zon’ny ankizy, fa hanome valiteny mahafapo ny fangatahan’ny (masoivoho) iraisam-pirenena hamotsorana ny rain’izy ireo, maro amin’izy ireo manko no voafonja noho ny fazotoana politika ananany

Pôrtô Rikô – USA: Eritereto tokoa hoe ity resaka ity

Manontany ary i Liza izay mpamaham-bolongana Pôrtôrikana: “Azonao eritreretina ve ny miresaka amin'ny zanakao amin'izay mety hamonoan'ny sasany ny rainy?”, ary nampiany hoe: “ny tsy azon'ny olona anie dia ny halalin'ny takaitra vokatry ny herisetra noho ny antony ara-piaraha-monina na politika manjaka ao amin'ny fireneny. Anananana ny olona tahaka an'i Hillary Clinton manifika ny famonoana olona noho ny antony politika ho anisan'ny lalao iadiana ny fahefana…ary izay ihany koa no maneho ny maha-hafa indrindra an'i Barack sy ny fampielezan-keviny miohatra amin'ny antoko demokraty iray manontolo.”