Tantara mikasika ny Fifidianana tamin'ny Oktobra, 2011
Frantsa: Rantsan-tànana Manga Sy Ranomasom-pifaliana Noho Ireo Toniziana Am-pielezana Afa-Mifidy
Nandeha nandatsa-bato ireo Toniziana monina ao Frantsa androany (20/10/2011) alohan'ny fifidianana izay hatao any amin'ny firenen-dry zareo ny 23 Oktobra. Diboky ny hafaliana sy nirehareha tokoa ireo mpifidy fa afaka nifidy malalaka sy ara-demaoratika, voalohany tao anatin'ny 50 taona ary sivy volana monja taorian'ny revolisiona Arabo - ary mampidera ny rantsan-tànany misy ranomainty izy tamim-pireharehana tokoa.
Frantsa : Fanalàna Azy Ho an'ny Tontolon'ny Tweet Ny Fampielezan-kevitra Hofidiana ho Filoha
Dia efa tena nanomboka tokoa moa izany ny fampielezan-kevitra ho fidiana ho filoham-pirenena 2012 ao Frantsa ary manaporofo izany ireo tambajotra sosialy toy ny Twitter. Ireo fifidianana savaranonando ho an'ny kandidà avy amin'ny elatra havia dia nampanonjanonja tokoa ny tontolon'ny fanapariaham-baovao tato anatin'ireo herinandro faramparany teo sady namoaka an'i François Hollande ho solontenan'ny antoko sosialista (PS). Marobe ireo lohahevitra tena nifanakalozana niresaka momba ny fifidianana no mipongatra sy miteraka fanehoan-kevitra mahatsikaiky ao amin'ny twitter eo amin'ireo mpampiasa io tambajotra sosialy io
Kamerona: Tsy Nandray Anjara Tamin'ny Fifidianana Ireo Any Ampielezana
Kamerone mpifidy miisa fito tapitrisa no nantsoina tamin'ny 9 Oktobra 2011 mba handatsa-bato hifidy izay ho filoham-pirenen-dry zareo manaraka. Na izany aza, ny resaka fanaovana ankivy no toa mpandresy goavana tamin'ity fifidianana ity, indrindra indrindra fa ho an'ireo Kamerona monina any ivelany. Mitatitra i Julie Owono.
Polonina: Hetsika Facebook Manindry Ny Mpanao Politika
Nandritra ireo roa volana lasa, nisy hetsika iray tao amin'ny Facebook nantsoina hoe “Appeal to parliamentarians” [pl], na "Antso ho an'ireo Parlemantera", izay nanana mpanjohy maherin'ny 60.000, nanangona vaovao avy eny ifotony mba hanatsaràna ny tontolon'ny lalàna Polone. Aty alohan'ny 9 Oktobra 2011, fifidianana izay ho parlemantera, nanolo-kevitra an'ireo antoko politika ireo mpikarakara ary nanome toky fa hanampy ireo izay manohana ny hevitra lanin'ny betsaka amin'ireo mpiondana aterineto.
Moldavia: Saritaka diplomatika nandritra ny fetim-pirenena Rosiana
Nankalaza ny fetim-pirenena ny Federasiona Rosiana tamin'ny 12 Jona (Andron'ny Rosia). Tany Moldavia, nisy fifamaliana [ro] diplomatika ny andro nialoha ity fety ity izay nivadika ho fanalam-baraka diplaomatika ity. Nitatitra ny haino aman-jery fa nomen'ny Ambasadera Rosiana Valeri Kuzmin [ru] toerana [ro] nandritra ny lanonana ofisialy nokarakaraina tamin'ny 10 Jona, tao amin'ny Masoivoho...
Panama: Rava ny Governemanta Iombonana
Nesorin'ny filoha Panameana Ricardo Martinelli teo amin'ny toerana maha-Chancelier azy ny filoha lefitra Juan Carlos Varela, niteraka ny faharavan'ny fiombonana teo amin'ireo antoko eo amin'ny fitondràna. Haingana dia haingana ireo fanehoan-kevitra tamin'ny Twitter. Saika teo noho eo dia noforonin'ireo mpampiasa twitter ny tenifototra #siyofueravarela (raha izaho no Varela) izay hiresahan'ireo Panameana izay mety ho nataony raha izy no nalàna tsy ho Chancelier.
Kamerona: Mipoitra Mialoha ny Fifidianana ny Nasionalisman'ny Mpiteny Anglisy
Tahaka ny maha-anatin'ny fampielezankevitra fifidianana amin'ny 9 Oktobra 2011 izao, fifidianana ho filoha any Kamerona, niezaka nanao hetsika tao Buea renivohitr'i Kamerona Atsimo nozanahin'ny Anglisy taloha ny mpanohana ny hetsika mpisintaka sy mpiteny anglisy tamin'ny voalohany oktobra teo.
Kamerona : Afaka Hifidy Ve Isika Amin'ny Alahady Izao?
Ny Alahady 9 oktobra ho avy izao, fanineniny eo amin'ny tantaran-dry zareo no antsoina daholo ireo Kamerone rehetra mba hifidy izay ho filohan'ny repoblikany. Fifidianana iray hiavaka noho ny hamaroan'ny mpirotsaka ho fidiana ary ny mpifidy, maherin'ny 7 tapitrisa, na izay ao Kamerona ihany, na any ivelany, ary ireo fanontaniana mipetraka momba ny fihetsika asehon'ny Elecam, kaomisiona iray nampiandraiketina ny fandrindrana ny fifidianana.
Kamerona: Resabe Manodidina Ny Fampielezan-Kevitra Amin'ny Fifidianana
Niditra amin'ny herinandro farany amin'ny fampielezan-kevitra ho amin'ny fifidiana izay ho filoham-pireneny ny Repoblikan'i Kamerona ao Afovoan'i Afrika, izay hofarana ny 9 Oktobra 2011. Raha efa tonga ao an-toerana ireo mpanaramaso iraisam-pirenena momba ny fifidianana mba hijery ny fizotry ny fifidianana, tsy dia mahavita mandresy lahatra loatra ny vahoaka Kamerone amin'izay tena maha-zava-dehibe an'izany ny fampielezan-kevitra.