Tantara mikasika ny Fifidianana tamin'ny Septambra, 2010
Venezoela: Ny fifidianana amin'ny 26 Septambra, ny fahafanam-po sy ny hevitra ao amin'ny Twitter
Amin'ny 26 Septambra, hifidy mba hanavaozana ny Antenimieram-pirenena ireo Venezoalana, rantsana mpanao lalàna. Iray amin'ireo fitaovana be mpampiasa mandritra ny fanentanana ny Twitter, nampiasan'ireo mpifaninana mba hanaovany ny fanentanany sy ampiasain'ny vahoaka hanohanana ny mpanao politika tiany sy hitenenany ny heviny mikasika ny politika.
Venezoela: Sarimihetsika an'aterineto mampirisika ny olompirenena hifidy
Hifidy ny vahoaka any Venezuela ny faha 26 septambra hanavao ny solombavam-bahoakany, sehatra mpanao lalàna tokana mandrafitra ny kongresy, ary amin'ny aterineto kosa, olona 12 no manao sy manatontosa sarimihetsika maromaro mitaona ny mponina handatsa-bato.
Afghanistan: Nanomboka ny fifidianana 2010
Nanomboka tamin'ny Sabotsy 18 Septambra tamin'ny 7 ora maraina ny fifidianan'ny Wolesi Jirga ao Afghanistan.
Azerbaijan: Koa satria manakaiky ny fifidianana, dia mirona makany amin'izany ny tambajotra sosialy
Ny 7 Novambra, ho any amin'ny toerana fandatsaham-bato indray i Azerbaijan mba amin'ny fifidianana antenimieram-pirenena ho avy. Tsy manomboka ofisialy ny fanentanana amin'ny fifidianana raha tsy 23 andro alohan'ny andro voatokana hanatanterahana izany, nefa efa misy sahady ireo mariky ny fihetsehana ao amin'ny Facebook.
Namibia: Ny anjara asan'ny haino aman-jery vaovao tamin'ny fifidianana tamin'ny taona 2009
Tamin'ny 27 - 28 Novambra 2009 no nanaovana ireo fifidianana ny filoham-pirenen' i Namibia sy ny fifidianana ny antenimieram-pirenena. Nampiasa fitaovana haino aman-jery sosialy maro ireo antoko politika sy fikambanana tsy miankina amin'ny fanjakana ho fampielezan-kevitra, fanaraha-maso ary fitaterana ireo vaovao momba ny Fifidianana.
Aostralia: manangana ny governemantan'ny vitsy an'isa i Julia Gillard
Tapitra ny lalao fiandrasana fifidianana any Aostralia. Nanangana governemantan'ny Mpiasa vitsy an'isa i Julia Gillard. Indreto misy fanehoan-kevitra sasany amin'ny aterineto.
Brezila: “Ataovinareo irery” Diovy ny Fifidianana
Iray volana latsaka eo sisa dia hisy fifidiana eto Brezila ary ny Eleitor 2010 dia efa nanjary lasa mpilalao mpitondra fiovàna: io dia tetikasa iray "fanangonam-baovaoa ifotony" mikendry ny hanamorana ny fitateran'olon-tsotra ireo fanitsakitsahana ny lalam-pifidianna. Tamin'ny alalan'ilay sehatra, tantara mahatsikaiky vitsivitsy sahady no efa niseho masoandro.
Mbola miandry Governemanta Vaovao i Aostralia
Herinandro taorian'ny fifidianana, dia mbola miandry ny fijoroan'ny Governemanta vaovao i Aostralia. Samy tsy nisy nahazo ny ampahan'isa be indrindra amin'ireo seza 150 ao amin'ny Antenimiera avokoa ny antoko tsirairay. Sempotra manombatombana, tsy ny mety ho valim-pifidianana ihany, fa ny antony "nampihantona" ity Antenimiera ity ireo mpitoraka bilaogy.
