Tantara mikasika ny Mediam-bahoaka tamin'ny Marsa, 2012
Hampiantrano ny Fetiben'ny Kolontsaina Mozikaly lbero-Amerika “Vive Latino” Andiany Faha-13 I Meksika
[Ao amin'ny tranokala teny-Espanola avokoa ny rohy rehetra, raha tsy misy ny fiovana] Mitoetra ho foiben'ny Fetiben'ny Kolontsaina Mozikaly Ibero-Amerika “Vive Latino” andiany faha-13 izay atao amin'ny 23, 24, ary 25 Martsa 2012 ny tanànan'i Meksika. Fetiben'ny mozika iraisampirenena ny Vive Latino, amin'ity indray mitoraka ity dia mbola hisy ny fampahafantarana lahatsary fanadihadiana,...
Ejipta: Ny Totoafon'i Abou Ismail Aminà Saribe
Mafotaka tokoa ny fiomanana amin'ny fifidianana izay ho filoha ao Ejipta, voaomana hatao ny 23 sy 24 May 2012, miaraka amin'ny sariben'ireo mpirotsaka izay efa mameno ny làlana sahady. Saingy rehefa i Hazem Salah Abou-Ismail no resahana, dia tena vereziny lavitra any aoriana ireo mpifaninana rehetra amin'ny fanaovana totoafo ny fametahana saribe. Ny saribeny dia saika hita eny rehetra eny. Noararaotin'ireo mpiondana aterineto ilay fotoana mba hihomehezana avy amin'ilay totoafo an-tsary.
Etazonia: Firaisankina Manohitra ny Sivana Atao Amin'ny Haisoratra Amerikana Latina
Ny fanafoanana ny Fianarana Meksikana-Amerikana[mg] sy ny fanivanana boky marobe tao amin'ny sekoly distrikan'i Tuscon, Arizona no nahatonga ny fanohanana nasionaly izay niendrika fihetsiketseham-panoherana, tamin'ny alalan'ny famarotana boky, ny fampahafantarana boky sy vondrona mpamaky boky. Toy izany koa ny tao an-tanànan'i New York sy manerana an'i Etazonia, nahabe resaka sady nahazoan-desona maro ny fisian'ilay...
Palestina: Mijaly Ny Mponina Ao Gaza Fa Tapaka Jiro Tsy Misy Solika
Folo taona mahery izay dia lasa mifameno ny voambolana "Gaza" sy "krizy". Ny hadadasiky ny krizy dia hatramin'ny ady sy fandarohana baomba sy fananiham-bohitra miaramila ka hatramin'ny fibodoana ara-miaramila, ka ny tamin'ity tranga ity kosa dia tsy misy ny solika ary tapaka ny herinaratra.
Thailandy: Fomba Miavaka Manokana Fandravahana Fiarakaretsaka Ao Bangkok
Noforonina efatra taona lasa izay, ny bilaogy Still Life in Moving Vehicles dia nanasongadina karazan-tsary samihafa mahasondriana amin'ny fanaingoana ireo fiarakaretsaka ao Bangkok. Dale Konstanz, izay nanomboka nanangona ireny sary ireny efa ho taona dimy mahery izao, dia mitantara ny aingam-panahy nanosika azy hanao ilay tetikasa anaty aterineto. Indreto ny sasany amin'ireo sarinà talismans, ireo olo-masina ara-pivavahana, ary sary apetaka maneho resaka politika
Sri Lanka: Fihetseham-Po Tamin'ny Fanapahan-Kevitr'i Etazonia Tao Amin'ny UNHRC
Tamin'ny 22 Marsa 2012, firenena 24 no nifidy ny tolo-kevitr'i Etazonia tao amin'ny Sampan'ny Firenena Mikambana Misahana ny Zon'Olombelona nandritra ny fivoriana miresaka momba an'i Sri Lanka ary mandrisika ny fitondrana hametraka ny hafatra avy amin'ny Lessons Learned and Reconciliation Commission (LLRC) [Vaomieran'ny Lesona Nianarana sy ny Fampihavanana] sy hanao famotorana amin'ny fomba azo itokisana ihany koa ny fisian'ny lazaina fa fanitsakitsahana ny zon'olombelona ,nitranga nandritra ny ady an-trano naharitra dia naharitra nifanaovana tamin'ny LTTE misy ny Tigra Tamola mpitaky ny fizakan-tena.
Porto Riko: Vondro-Nosin'ny Mozika Mahaleotena
Ao anatin'ny ” fikarohana feo mahaleotena ao Porto Riko,” namoaka andian-dahatsary voalohany mitondra ny lohateny hoe Archipiélago [Vondro-Nosy] ny bilaogy mozika Porto Riko Indie. Kendrena ny handrakitra ho antontan-kevitra any amin'ny studio ny mozika mahaleotena miseho an-tsehatra ao an-toerana ho an'ireo mpanakanto mahabe fanantenana be indrindra ao amin'ny nosy. Efa namoaka andian-drindran-kira telo ny Archipiélago...
Miomana Hanome Voninahitra An'Ireo Maty Noho Ny Ady Tao Malouines I Arzantina
Any Arzantina, isaky ny 2 Aprily no ankalazaina ny ny Andro ho an'ireo bekotro maroholatra sy ny maty noho ny Ady tao Malouines. Saingy tsy ho daty mandalo tsy tazàna akory ny an'ity taona ity noho ny zava-misy ankehitriny amin'ny fifanolanana ara-diplaomatika amin'i Angeletra. Ireto ny fanehoan-kevitra farany sy fomba fihevitra mifandraika amin'io fifanolanana io.
Meksika: Horohorontany Maridrefy 7.8 No Namely ny Tanàna
Tamin'ny 20 Martsa 2012 manodidina ny mitaotaovovonana, namely ny faritra atsimo sy afovoan'i Meksika ny horohorontany. Tsapa fa mahery kokoa ilay horohorontany tao amin'ny firenena Oaxaca, Guerrero, Morelos ary tao afovoan-tanànan'i Meksiko. Araka ny vaovao avy amin'ny Sampan-draharaha Misahana ny Fihovitry ny Tany Ao Meksika (Mexican National Seismological Service) (@SimsologicoMx), toy izao ny...
Bengladesh: Ny Dia Lavitra Natao Tamin'ny Fakanà Sary Niaraka Tamin'ny Bilaogera Fanta-daza GMB Akash
Ato amin'ity antontan-kevitra manaraka ity dia hampahafantarinay anao ny mpaka sary iray, GMB Akash, izay manana photoblog feno tantara mampalahelo, fijaliana, hafaliana sy fanantenan'ny olon-tsotra ao Bengladesh. Nanaitra ny sehatra iraisam-pirenena ny fanehoany an'i Bengladesh tamin'ny endriny maro