Tantara mikasika ny Mediam-bahoaka tamin'ny Novambra, 2011
Arzantina: Fepetra Vaovao Hanaraha-maso Ireo Vola Vahiny
Ny 31 Oktobra 2011, nandefa andianà fepetra mba hanaraha-maso ny fivarotana ireo vola vahiny ny governemanta arzantina. Ireo fepetra ireo dia natao mba hanatsaharana ny fiakaram-bidin'ny dollar Amerikana Tavaratra, ka tao anatin'izany ny Banky Foiben'i Arzantina, noho izany, dia tsy maintsy nampidina ny tahiriny mba hialàna amin'ny fitohizan'ny fidinan'ny sandàm-bola peso arzentina manoloana ny dollar.
Ejipta: Miverina Indray Ny Revolisiona!
Maherin'ny 100.000 ireo olona voalaza fa ao amin'ny Kianja Tahrir amin'izao fotoana, ary ny polisy sy ny tafika dia mitohy midaroka ny mpanao fihetsiketsehana mangataka ny fitsaharan'ny fitondràna miaramila ao Ejipta. Anaty ady tsy mitsahatra manenjika ireo olona mitam-piadiana miasa ho an'ny governemanta Ejiptiana ireo mpanao fihetsikesehana hatramin'ny Zoma ary ankehitriny dia mitoetra ho tsy azo hozongozonina ao an-kianja mandra-pivalin'ny fangatahan-dry zareo.
Madagasikara: Leon'ny Fahatapatapahan'ny Herinjiro ny Mponina
Nandritra ny herinandro lasa teo iny, dia niaina fandrindrana vaovao ny fahatapahan-jiro [fr] izay maharitra eo ho eo amin'ny adiny roa sy sasany ny takariva ary mety hiharatsy aza [fr] izany ny eto Antananarivo, renivohitr'i Madagasikara. Mary ny bilaogera no nanambara [fr] ny fiakaran'ny fahasosorana [mg] amin'ny toe-java-misy ankehitriny izay hita taratra amin'ny...
Però : Ny Grevin'ny Tantsaha Ao Andahuaylas
Talata, 8 Novambra, dia nanamarika ny andro faha enina amin'ny grevin'ireo mpamboly izay manohitra ny lahasa fitrandrahana ao amin'ny faritr'i Andahuaylas, ao Apurímac, faritr'i Peroa. Nanao fanadihadiana tamin'ny alàlan'ny Twitter ireo mponina koa satria moa mbola nitohy ilay grevy.
India: Ny Zanak'i Aishwarya Rai Sy Ny Hadalan'ny Haino Aman-jery
Ny mpilalao horonan-tsarimihetsika any Bollywood izay bevohoka, dia i Aishwarya Rai Bachchan sy ny zanany izay mbola am-bohoka, no vaovao tena malaza ao amin'ny haino aman-jery Indiana. Miresaka mikasika ny tsaho, ny vaovao, ny fifanoheran-kevitra sy ny fomba fijery amin'ity resaka ity ireo mpampiasa Twitter.
Ejipta: Mitohy Hatrany Ny Fahorian'ireo Bilaogera Ao Amin'ny Tribonaly Miaramila
Nanapa-kevitra ny Tribonaly miaramila tamin'ity anio ity fa haiditra am-ponja mandritry ny 15 andro hafa indray ilay bilaogera Alaa Abd El Fattah, 15 andro taorian'ny nitazonana azy voalohany, ka eo am-piandrasana ny fanadihadiana momba izay nolazain'ny mpiaro raha toa ka diso ny fiampangàna nataony. Ny raharahan'ilay bilaogera Maikel Nabil Sanad ihany koa dia nahemotra indray hatramin'ny 27 Novambra.
Però : Fijerena Manokana Ny Hetsi-panoherana Manohitra ny Fitrandrahana
Ireo bilaogera Peroviana dia nandinika manokana ireo hetsi-panoherana izay vao tsy ela akory sy ny korontana ara-sosialy mifandraika amin'ny olana ara-tontolo iainana izay nateraky ny fitrandrahana, ary ny mety ho aterak'ireny olana ireny amin'ny ihetsiky ny governemantan'ny Filoha Ollanta Humala
Etazonia : Fanesorana Tampoka Ny Hetsi-panoherana Bodoy ny “Wall Street”
Ny marainan'ny 15 Novambra, Ireo mponina avy ao Etazonia dia taitra tamin'ilay vaovao nilaza fa ny polisy dia nandroaka ireo mpanao hetsi-panoherana bodoy ny "Wall Street" ao amin'ny Zuccotti Park tsy nisy fampandrenesana mialoha akory. Toy ny mahazatra, betsaka ny hevitra izay nifamahofaho tao amin'ny tontolon'ny bilaogy sy ny tambazotra ara-sosialy.
Tonizia: Nampizarazara Ireo Toniziana Mpiondana Aterineto Ny Famonoana Toniziana Iray Tao Iraka
Nampizarazara ny Toniziana mpiondana aterineto ny namonoana an'i Yosri Trigui, Toniziana iray voampanga ho mpampihorohoro. Mpampihorohoro nahazo izay mendrika azy, sa tanora niharan'ny fandrebirebena, sy fitsarana tsy manaraka ny fenitra iraisam-pirenena? Vakio ny angona nentin'i Read Afef Abrougui avy amin'ny fanehoan-kevitr'ireo Toniziana mba hahafantaranao azy.
Liberia: Iza moa izany no tena resin'i Ellen Johnson ?
Mbola nandresy ny fifidianana indray i Ellen Johnson Sirleaf ny Alakamisy teo tamin'ny fifidianana ho filoham-pirenena nokorontanin'ny mpanohitra any Liberia. MItady ny lalana ara-dalàna ny olon'ny mpanohitra, i Winston Tubman, mba hanafoananana ny fifidianana indray ny filoha Ellen Johnson-Sirleaf. Ireto misy santionana tsikera sy hevitra mikasika ny fifidianana avy amin'ny mpiserasera.
