Lahatsoratra farany an'i Imanoela Fifaliana tamin'ny Jolay, 2011
Arzantina: Inona no mahasorena ny Arzantina?
Tamin'ny 22 Jolay, nanjary lohahevitra vaovao nironana ary narahina fihetsiketsehana sy fahasorenana momba ny politika [es], fifamoivoizana [es], ny fiarahamonina[es] eny fa na dia ny fianakaviana [es] sy ny tambanjotra sosialy [es] ny tenifototra hoe #irritante [es] (#mahasosotra).
Arzantina: 17 Taona Aty Aorian'ilay Fanafihana Ny AMIA, Mbola Tsy Hita Hatramin'izao Izay Marina
18 Jolay 2011, fahatsiarovana indray ny fanafihana ny Fikambanana Iombonana Ifanampian'ireo Israelita ao Arzentina (AMIA) tamin'ny 1994. Nisokatra indray ny raharaha noho ny tsy fisian'ny fanazavana marina, ireo fianakavian'ny niharam-boina sy ny fiarahamonina ao Arzantina dia mbola mitaky ny rariny ho an'ireo olona namoy ny ainy.
Bahrain: Manomboka ny Fifanakalozan-kevitra nasionaly ny fitondrana sy ny mpanohitra
Hatramin'ny fihetsiketsehana tamin'ny 14 Febroary 2011 tany Bahrain, toa noresahina tsindraindray ihany ny hevitra hoe hosokafana ny fifanakalozan-kevitra eo amin'ny mpanohitra sy ny mpitantana. Tamin'ny Sabosty 2 Jolay, farany dia nanomboka ihany ilay fifanakalozan-kevitra nandrasana hatry ny ela ka nandray anjara tamin'izany ny vondrona laika Waad sy ny vondrona Wefaq Shia.
Japana: Mozika Indie Miventy Ny Nokleary
Noho ny fianahan'ny olana ara-nokleary sy ny resaka mifandray aminy toy tahotra ny taratra tsy hita maso izay mampitondra takaitra, ny politika vaovao momba ny angovo manangasanga eny am-paravodilanitra ary ny hoavy tsy mbola azo antoka loatra ho an'ireo vondrom-pihary mbola amperinasa, namoha indray ireo lahatsarin-kira miaty hafatra mazava manohitra ny fampiasana angovo nokleary ny mpampiasa aterineto Japoney
Panamà: Faniratsiran'ny Presidansy Tanaty Aterineto
Ny Filoham-pirenen'i Panamà, Ricardo Martinelli, dia nahatezitra sy niteraka resabe tao amin'ny Twitter, taorian'ny niheverana azy ho nanevateva mpampiasa iray nanakiana azy tamin'ny teny mahery. Nandà mafy ho tsy nihevitra haniratsira izany anefa ny filoha. Miresaka momba ilay hatezerana ireo mponin'ny aterineto.
Malezia: Maniry Ny Fialàn'ny Praiminisitra Ireo Mpampiasa Facebook
Nahavondrona mpanohana efa ho 200,000 tao Malayzia sahady ny pejy Facebook Olona 100,000 mangataka ny Fialàn'i Najib Tun Razak andro vitsivitsy taorian'ny niforonany. Tamin'io andro io ihany no nitakiana ny fialàn'ny Praiminisitra rehefa nidina an-dalam-be ireo olona an'arivony nandritra ny famoriam-bahoaka Bersih 2.0, famoriam-bahoaka mpomba ny demôkrasia izay noravàn'ny pôlisy tamin-kerisetra.
Serbia: Fanehoan-kevitra Voalohany Momba Ny Fanafahana Madiodio An'i Sandor Kepiro
Ny Alatsinainy 18 Jolay 2011, nafahan'ny fitsarana iray ao Bodapesta i Sandor Kepiro, kapitenin'ny polisy Hôngroa tamin'ny ady lehibe faharoa izay nanao raharaha miaramila tany Serbia teo ambany fibodoana sy, izay tsy voa ela akory, “anisan'ny Nazy nokarohina fatratra.” Nampangaina ho nanao heloka bevava tamin'ireo Serba, Jiosy ary Romana nandritra ny Novi Sad izy - fandripahana nataon'i Hôngroa ny volana Janoary 1942.
Sodàna Atsimo: Afaka Ihany Nony Farany!
Nahazo firenena vaovao i Afrika : Ny repoblikan'i Sodàna Atsimo. Nanao fitsapan-kevibahoaka i Sodàna Atsimo ny 9 Janoary 2011; amin'ny hoe hijanona ho faritr'i Sodàna ve izy sa tsia. Taorian'ny fifidianana saika lanin'ny besinimaro (99%) ho an'ny fahaleovantena hiala amin'ny avaratra, dia nambara tamin'ny 9 Jolay 2011 ny fahaleovantena ofisialin'i Sodana Atsimo. Miresaka mikasika ity vanim-potoana manan-tantara ity ireo mpitoraka bilaogy.
Brezila: Tatitra Miampanga Ny Fomba Ratsy Fanao Tsy maharitra ataon'ireo Orinasa Mpamokatra Angovo Avy Amin'ny Zava-maniry
Ny solika avy amin'ny zava-maniry dia nohobiana ho ny fomba tsara indrindra hivoahan'ny tontolo amin'ny ady fikarohana loharanon'angovo. Nolazaina ihany koa fa ity no vahaolana "maitso" afaka mampidina ny fandefasana entona karbôna. Manambara anefa na izany aza ny fanadihadihana iray nataonà ONG Reporter Brazil (mitatitra momba an'i Brezila) [pt], ny volana May farany teo, momba ny sehqa-pamokarana alikaola (ethanol) Breziliana fa ny solika avy amin'ny zava-maniry dia mety ho vidiana lafo eo amin'ny ara-tsosialy sy tontolo iainana
Bolgaria: Andro Iray Tsy Misy An'i Boyko Borisov PM
5 Jolay 2011, nisian'ny fanamby mahaliana ho an'ireo fampahalalàm-baovao Bolgara efa mahazatra : Hamaly ny antso iray ao amin'ny Facebook hoe "Andro iray tsy misy an'i Boyko Borisov" [bg; tsy mandeha intsony amin'izao ilay pejy, satria taorian'ny hetsika dia noraisin'ireo mpikarakara ny fanapahan-kevitra hamafa azy, mba hisorohana ny spam, hafatra tsy iriana afafy amin'ny aterineto] - sa mbola hanohy ny hitatitra ireo zavatra ataon' ny Praiminisitra Boligara ry zareo?
