Lahatsoratra farany an'i imanoela fifaliana tamin'ny Septambra, 2012
Bahrain: “Vehivavy Mafy Toy Ny Vy Ny Vehivavintsika”
Nihataka kely tamin'ny politika indray aloha ny Bahraini mpampiasa Twitter ary nandany andro ny maraina teo (3 septambra) tao amin'ny tambajotran'ny fitoraham-bilaogy sosialy kiritika. Namaky lahatsora-baovao ilay mpanakanto Anas Al Shaikh izay milaza fa namono tena ity vehivavy Irakiana iray ho fanoherana ny fijerem-badiny andian-tantara mitohy Tiorka amin'ny fahitalavitra. Mamaly ny vehivavy Bahraini fa tsy hanao zavatra sahala amin'izany mihitsy izy ireo satria ... izy ireo dia vehivavy mafy toy ny vy.
Karaiba: Fanamarihana ny Fanafahana ny Fanandevozana
Maro amn'ireo firenena Karaiba no mankalaza ny 01 Aogositra, Andron'ny Fanafahana ny fanandevozana, izay ahatsiarovana ny fanafoanana ny fanandevozana. Manamarika ny vanim-potoana isan-taona ireo mpitoraka bilaogy, fa tamin'ity taona ity, saika ambany ny fifantohan'ny saina tety anaty aterineto momba io fialantsasatra io, raha azo isaina aminny rantsan-tànana fotsiny ny mponina amin'ny aterineto milaza izany eo amin'ny lahatsorany na eo amin'ny bitsiny.
Iran: Nampidirina Hopitaly Ilay Mpitarika Ny Green Movement Nofonjaina
Nahiditra hopitaly tamin'ny Alakamisy 23 Aogositra 2012 noho ny "aretim-po" i Mir Hossein Mousavi, mpitarika sangany eo amin'ny Green Movement izay kandidà reformista tamin'ny fifidianana filoham-pirenena nahabe resaka tamin' 2009 ary koa mpitarika ny antoko mpanohitra tamin'ny korontana taorian'ny fifidianana.Noraràna tsy hivoaka ny tranony i Mir Hossein Mousavi nandritra izay 520 andro lasa izay.
Sabotsy Mahafinaritra Nataon'ny Ekipa GB Nandritra Ny Lalao Olaimpika 2012 Tany Londona
Nahatratra ny tanjony vitsivitsy tao anatin'ny iray andro monja tamin'ny Sabotsy 4 Aogositra 2012 ny ekipa nasionalin'ny mpampiantrano ny Lalao Olympika tany Londrona (fantatra amin'ny anarana malaza hoe #TeamGB) rehefa niadam-panomboka.
Bolivia: Tsy Laharam-pahamehan’ Ireo Atleta Amin'ny Lalao Olaimpika Tao Londona
Atleta 5 monja no nentin'i Bolivia niatrika ny Lalao Olaimpika faha- XXX atany Londona. Nisy tantara ratsy mifandray amin'ny fandaniana ataon'ireo mpitarika Olaimpika nipoaka teny anaty tambajotra sosialy ary tonga hatrany amin'ireo mpampahalala vaovao. Miompana amin'ny toerana ambany dia ambany misy ny fanatanjahantena ao amin'ny firenena ihany koa ny fifanakalozan-dresaka, izay tsy mbola nahazo medaly Olaimpika mihitsy hatrizay.
