Lahatsoratra farany an'i imanoela fifaliana tamin'ny Novambra, 2012
Revon'ny ‘Daidougei'n'i Japana – Zava-kanto An-Dàlambe
Voasodokan'ny “Daidougei”, karazana fampisehoana an-dàlambe, nandany taona maro naka sary ny bikan'ilay Kanto ny olon-tsotra iray mpaka sary. Izao no lohatenin'ny bilaoginy “ Tsy nitifitra afa-tsy ny sarin'ny Daidougei aho, izaho aza tsy mahalala hoe nahoana.” Andao hijery ity sangan'asa ity isika.
Maoritania: Avadiky ny Mpampianatra Korano ho Mpangataka ny Ankizy Madinika
Hahita ankizy fantatra amin'ny hoe Al Mudat ianao eo amin'ny salan-taona 4 - hatramin'ny 14 taona, mangata-bola, ianao manerana ny renivohitra Maoritaniana Nouakchott. Tsy mangataka vola hoan'ny tenany ireo ankizy ireo - ny mifanohitra amin'izany aza, ilain'izy ireo ilay vola hanaramàna ny mpampianatra Korano.
Fitorahana Bilaogy Ny Fahavoazana Taorian'ny Horohorontany tao Huitán, Goatemala
Ny bilaogin'ny Trano Famakiambokim-bahoaka Mi Nuevo Mundo (Ny tontoloko vaovao) avy amin'ny tanàna Huitán dia nizara sary ary nitatitra ny fahavoazana taorian'ilay horohorontany nanana maridrefy 7.4 izay nandona ny morontsiraka Pasifika Goatemala ny 07 Novambra 2012.
Nanamontsana Ny Zava-bita Teo Amin'ny Varotra An-tserasera Ireo Mpanjifa Tamin'ny Fankalazana Ny Andron'ny Mpitovo
Ny 11 Novambra dia fankalazana ny Andron'ny Mpitovo any Shina Kontinantaly. Ahoana no fomba hankalazan'ny olona an'izany andro manokana izany? Dia toy ny hoe mandany vola ant-serasera - tamin'ity taona ity dia nanamontsana ny zava-bita mihintsy izy ireo.
Brezila : Mangataka Fivoaran'ny Fanadiovana Ny Mponina Ao Rio
Ny tetikasa 'Filàna fototra ny Fahadiovana' nosokafan'ny Fikambanana Meu Rio, dia nijoro ho modely amin'ny fampitomboana isa an' ireo fanentanana fanerem-bahoaka an-tserasera natsangan'ireo olom-pirenena sy ireo hetsi-piaraha-monina cariocas. Araka ny hevitry ny Fikambanana, 'Ny antsasaky ny mponina ao Rio de Janiero hatramin'izao dia tsy mbola manana rano sy famoahan-drano maloto".
Ny Fikorontanan'ny Nasionalisma Rosiana
Tamin'ity taona ity, nanandratra avo ny anarany ny Andron'ny Firaisankina, saingy tamin'ny fomba tsy nampoizina. Tao anatin'ny tanàna 46 manerana an'i Rosia [ru], isany i Mosko, olona teo amin'ny 3 alina teo no nandray anjara tamin'ireo famoriam-bahoaka nataon'ny farany havanana. Na dia ampahany faran'izay kely dia kely amin'ny totalin'isan'ny mponina aza izany, ny Andron'ny Firaisankina nataon'ny vondron'ny farany havanana dia nahasintona mpanohana maro nanerana an'i Rosia
Hamotika Trano Maherin'ny 200 Eny Amoron-dranomasina Ny ‘Tora-pasika Artifisialy’ Any Hong Kong
Misisika amin'ny tetikasa fanamboarana tora-pasika artifisialy izay hanapotika trano maherin'ny 200 amin'ny moron-dranomasina ny governemanta Hong Kong na dia eo aza ireo fanoherana mafy ataon'ny vondrona mpiaro ny tontolo iainana sy ny mponina voakasik'izany.
Gresy: Mpanao Gazetin'ny Fahitalavi-Bahoaka Voaroaka Taorian'ny Fanakianan'izy ireo Minisitra
Noroahin'ny Fahitalavi-panjakana Grika (ERT) ny mpanao gazety anakiroa, i Kostas Arvanitis sy i Marilena Katsimi, tamin'ny 29 Oktobra 2012, taorian'ny nandalinany ny tsikeran'ny gazety Britanika The Guardian mikasika ny herisetra nataon'ny polisy Grika tamin'ny mpanao fihetsiketsehana anti-fasista tany Atena, ary nanakianan'izy ireo ny Minisitry ny Filaminam-bahoaka Grika. *Ireto ny tsonga avy amin'ny vaovao marainan'ny fahitalavitra nataon'izy ireo : Nanazava...
Kyrgyzstan: Fakàna Zaza an-Keriny Tratra tamina Lahatsary
Tratra tamin'ny fakantsarin'ny CCTV tao amin'ny tanànakelin'ny faritany any Kyrgyzstan ny lahatsary mampitsangam-bolo izay toa maneho fakana an-keriny zazakely vao 11 taona monja eo amin'ny faritra be olona eo an-tsena. Nanjary lasa lohahevitra nifaneraserana teo amin'ny mponina Kyrgyzstani amin'ny aterneto ilay lahatsary, miaraka amin'ny fanomezan-tsiny ny renin'ilay zaza noho ny tsy firaharahiana na koa aza mety hoe firaisana tsikombakomba amin'ny fakana an-kerin' ilay zaza mihitsy.
Afef Abrougui, Mitoraka Bilaogy Avy Any Tonizia
Afef Abrougui, mpandray anjara amin'ny Global Voices any Tonizia, miresaka amintsika mikasika ny traikefany mikasika ny fihetsiketsehana izay niseho teo amin'ny fireneny tamin'ny 2011 ary ny zavatra andrasany amin'ny hoavy tsy ho ela mikasika ny politika Toniziana. Zarainy amintsika ihany koa ny sasany mikasika ny fiainany andavanandro sy ny zavatra ataony.
