Tantara mikasika ny Asongadina tamin'ny Jona, 2012
Angola : Ny Mozikan'ny Fanoherana, Androny Tahaka Ny Omaly
Ireo fikambanana mpiaro n y zon'olombelona sy ireo bilaogera dia samy niteny faholo fa tandindonin-doza ny fahalalahana miteny ao Angola, amin'ny alàlan'ireo mafàna fo mpiangaly mozika. Mandritra izany fotoana izany dia natao tao Lisbonne ny fanomezam-bohinahitra ho an'ny mozikam-panoherana angoley izay ny tarika N'Gola Ritmos tamin'ny taona 50 sy 60. Fitetezana ny lasa izay mahatonga ny tena hisaina ny an,kehitriny ara-politikan'i Angola, nefa miha-manakaiky hatrany ny fifidianana.
Ny Antony Mahatonga Ny Herisetra Any Andrefan'i Myanmar.
Am-polony no maty, maherin'ny roa arivo ny trano may ary mponina telo alina no nifindra monina noho ny herisetra tao amin'ny fanjakan'i Rakhine ao andrefan'i Myanmar. Iza no tompon'andraikitra amin'ireny fahafatesana ireny ? Nahoana ny aterineto no manaparitaka fanavakavahana sy fankahalana ? Ahoana no fijerin'ny olom-pirenena tsotra ity raharaha sarotra ity ?
Faha-5 taonan'ny RV: FOKO – Fisaintsainana Avy Amin'i Joan Razafimaharo
Iray amin'ireo tetikasa tohanan'ny Rising Voices mandeha indrindra ny FOKO avy any Madagasikara, izay namadika ireo Malagasy mpiady hevitra ao anaty aterineto ho mpitoraka bilaogy. Mandefa ny vetsovetsony mikasika ny dian'ity tetikasa fakan-tahaka ity ny mpamorona lefitra ny FOKO Joan Razafimaharo.
Korea Atsimo: Fandrindràm-piterahana Niteraka Resaka Be
Ny 7 May 2012 dia nanambara ny sampandraharaha Koreana misahana ny Sakafo sy ny Fanafody fa ny fanafody fampiasa maika ho fisorohana ny vohoka, fantatra amin'ny hoe morning-after pills, na 'Pilina raisina ny ampitson'iny' dia ho azo jifaina malalaka. Na izany aza, ireo pilina atelina ho fisorohana vohoka izay namidy malalaka teo aloha dia ilàna taratasim-panafody. Ho an'ny tanora dia mbola ilaina hatrany ny taratasim-panafody ho an'ireo pilina fampiasa maika. Niteraka resabe teny anivon'ny aterineto ireto fiovàna tampoka teo amin'ny fepetra fomba fahazoana fanafody ireto
Afganistana: Tovovavy Voapoizina Noho Izy Ireo Nandeha Tany An-tsekoly
Nofoanana taorian'ny nianjeran'ny fitondrana Taliban tamin'ny 2001 ny tsy fahazoan'ireo tovovavy sy vehivavy mianatra, mitohy mandeha an-tsekoly ireo ankizivavy mpianatra. Tao anatin'ny fanafihana kely vao haingana tany Takhar faritany Afghan any avaratra atsinanana, tovovavy anjatony no voapoizina tao amin'ny sekoliny.
Kamerona: Vinavina Fampandrosoana Ny Herinaratra Amin'ny Taona 2035
Fitantarana manokana ataonay momba ny Fifandraisana Iraisam-pirenena sy ny Fiarovana ity lahatsoratra ity. Taorian'ny nahavoafidy azy indray tamin'ny Novambra 2011, nanambara ny filoham-pirenena Kameroney Paul Biya fa ho lasa “toeran'ny fanaovazana goavana” ny firenena atsy ho atsy. Ny tanjony amin'izao fe-potoa-piasany vaovao izao dia ny hahatonga an'i Kamerona ho firenena miroborobo amin'ny taona 2035...
Lahatsary: Andiany WITNESS (NANATRI-MASO) Amin'ny Fomba Fandraketana Anaty Lahatsary Ireo Fihetsiketsehana
Namoaka andianà lahatsary vitsivitsy ny WITNESS mikasika ny Fomba Fandraketana an-tsary ny Fihetsiketsehana, midika ho toy ny torolàlana iantohana ny haha-porofon'ireo hetsika azy ireny no sady koa hisoloana vava hiarovana ny olona voarakitra anatin'ilay lahatsary.
Koety: Mpiondana Aterineto Telo Nosaziana An-tranomaizina
Hatramin'ny niparitahan'ny Lohataona Arabo, narahan'ireo manampahefana Koetiana akaiky tokoa ireo mpampiasa aterineto ary antsoiny hanaovana fakàna ambavany sy alefan-dry zareo eny amin'ny fitsarana matetika noho ny fanenjehana azy aminà raharaha samihafa izay ny betsaka dia manana endrika ara-pinoana na politika.
Arabia Saodita: Tolona Hanavotana Ireo Gadra Notànana Tsy Nisy Fitsaràna
Inoana ny fanjakàn'i Arabia Saodita fa manana gadra an'arivony izay tsy navela niatrika fitsaràna ary maro amin'izy ireo no tsy mahalala akory ny antony nanamelohana azy. Niasa mafy ny fianakavian'ireo gadra ireo nandritra ny volana vitsy farany teo, tamin'ny alalan'ny fampitam-baovao sosialy, mba hampitàna ny vaovao ary farany dia nanapa-kevitra ny hanao fitakiana an-dalàm-be. Mona Kareem dia mitatitra ny niandohan'ny tolona iray tamin'ny Twitter.
Ny Fivoaran'ny Fiahiana Ara-tsosialy Aty Afrika
Mbola an-dàlana tanteraka ny fametrahana rafitra fiahiana ara-tsosialy ho an'ny ankamaroan'ny firenena aty Afrika. Samy nifidy rafitra iray manokana mifanaraka amin'ny kolotsainy ny governemanta afrikana tsirairay, izay azo lazaina ho nahomby amin'ny ampahany ihany, saingy ny rehetra dia miara-mahatsapa ny filàna ny fiarovana, na faran'izay kely aza, ho an'ireo tena mponina marefo ao aminy. Resahan'ireo manampahaizana manokana amin'izany ny vokatra azon'ireo rafitra efa napetrakaho fiahiana ny ara-tsosialy ao Afrika :
