Tantara mikasika ny Asongadina tamin'ny Jona, 2012
Mali : Vely Karavasy No Entina Mampihatra Ny Charia Any Avaratr'i Mali
Tsy ela akory izay, ny tana-maherin'i Ansar Eddine sy ny fametrahana ny Charia any Avaratr'i Mali dia niseho tamin'ny endrika namoa-doza tao Tombouctou. Mpivady niteraka iray ivelan'ny fanambadiana ara-dalàna no voaheloka hahazo vely karavasy 100 tsirairay avy, eny imasom-bahoaka. .Nahatohina Maliana maro ilay lahatsary fanatanterahana didy, izy ireo izay naneho hevitra mivaivay tany anaty tambajotra sosialy.
Myanmar: Voatafika Ny Tanàna Rakhine
Tena avo dia avo ny fifanoherana any amin'ny faritra Rakhine any Myanmar taorian'ireo andiana loza mahery setra. Nokianin'ny mponin'ny aterineto ny vaovao Tandrefana 'tsy mitombina' izay nanazava ny fitohizan'ny fifanoherana eo amin'ireo vondrom-poko eo amin'ny firenena.
Israely : Fitokonana Narahan-kerisetra Tany Tel Aviv #J14
Olona an’arivony no nirotsaka an-dalambe tany Tel Aviv ny alin’ny Sabotsy 23 Jona, taorian’ireo fifandonana narahin-kerisetra teo amin’ny mpitolona sy ny mpitandro filaminana ny omalin’iny.Ny Zoma 22 Jona, nikasa ny hiverina hibodo ny lalamben’ny Rothshield tao Tel Aviv miaraka amin’ny tranolay ireo mpitolona ho amin’ny fahamarinana sosialy (#J14) nefa notsenain’ny mpitandro ny filaminana tamin’ny herisetra izany.
OpenWatch: Fampiasàna Ny Finday Hahafahan'ny Vahoaka Manara-maso
Ny OpenWatch dia tetikasan'ny mediam-bahoaka fampandraisana anjara izay mampiasa ny teknolojia fitondra mandehandeha mba hampalalaka ny fanaraha-mason'ny vahoaka ny fanaovana kolikoly sy ny famoretana. Mizara roa ny OpenWatch, rindrambaiko anaty finday ho an'ny Android sy ny iOS izay mitahiry feo sy lahatsary an-katakonana, ary rindrambaiko manana loharano misokatra hanangonana ireo tahiry sy mampiantrano azy ireo anatina vohikala azon'ireo mpampiasa tsidihana.
Ejipta: Fampahafantarana Ny MorsiMetatra
Taorian'ny 32 taona nitondran'i Hosni Mubarak, manana filoham-pirenena vaovao sy rindrambaiko vaovao ny Ejiptiana mba hanaraha-maso ny fizotry ny asan'ilay filoham-pirenena vaovao Mohamed Morsi ary ny fivoaran'ny fanatanterahana ireo toky 64 goavana nataony nandritra ny fampielezan-kevitra notanterahany.
Shina: Voasakana Nandritra Ny Fotoana Tsy Maharitra Ny co.jp, Ilay Sehatra Sangany Amin'ny Firaketana Anarana
Nosakanan'ny Great Firewall Sinoa mihoatra ny 30 ora ilay sehatra sangany amin'ny firaketana anarana, co.jp
Faha-5 taonan'ny RV: Media Vaovao Ho An'ireo Mafana Fo Momba Ny Fahasalamana
Nanome fanohanana bitika ho anà tetikasa mediam-bahoaka miisa enina mifantoka amin'ny fahasalamana ny Rising Voices sy ny Tetikasan'ny Mediam-pahasalamana ao amin'ny Open Society Institute tamin'ny taona 2008. Iray amin'ireo tetikasa tohanana ireo ny tetikasan'ny fikambanana AZUR Development miaro ny zon'ireo voan'ny SIDA any Brazzaville, Kongô izay nanofana ireo mpiasan'ny fifandraisana ao anatin'ireo fikambanana any an-toerana miady amin'ny SIDA mikasika ny fitantarana tantara dizitaly, ny fanaovana podcast, ary ny famoronana bilaogy mba hamoronana tahirin-kevitra momba ny fitsaratsaram-poana sy ny fanavakavahana ny olona voan'ny VIH SIDA sy ny manodidina azy any Kongô
Afrika : Ny Tantara “Adino” Momba Ilay Kaontinanta
Mifanohitra amin'izay nambaran'ny filoha frantsay teo aloha, Sarkozy, momba ny toerana tànan'ny lehilahy afrikana ao anatin'ny tantara tao anatin'ny kabariny tany Dakar, Ny tantaran'ny kaontinanta afrikana dia rakotra sivilizasiona manan-karena sy olona manana ny maha-izy azy. Saingy io tantara io dia mazàna no tsinontsinoavina tafahoatra na tsy fantatra mihitsy. Ireto ny fandraisana andraikitra vitsivitsy mba hamerenana indray ny tantaran'ny kaontinana
Graffiti Sy Zavakanton'ny Arabe Any Amerika Latina: Ao Amin'ny Aterineto Sy Eny Amin'ny Arabe
Mivaingana ny zavakanton'ny tanàn-dehibe sy ny graffiti manerana an'i Amerika Latina. Ito misy topimaso kely amin'ireo lahatsoratra vao haingana navoakan'ireo mpitoraka bilaogy izay mizara sary sy lahatsarin'ity hetsiky ny zavakanton'ny tanàn-dehibe mitalakotrokotroka mampihovitrovitra any amin'ireo toerana samihafa manerana ny faritra ity.
Togo : Mihantsy an'i Faure Gnassingbé Eyadema Ny Fiaraha-mientana “Ndeha Hovonjena i Togo”
Nivadika ho fifandonana tamin'ny mpitandro filaminana ny diabe iray am-pilaminana nataon'ny fiaraha-mientana "Ndeha hovonjena i Togo" tamin'ny 12 Jona teo. Nanodidina ny 120 ireo naratra voarakitra an-tsoratra nandritra ireo fifandonana ny 12 sy 13 Jona. Isan'ny tafiditra ao anatin'ny fitakian'ireo nanao fihetsiketsehana ny fampiharana ny zava-boalazan'ny Kaomisionam-pirenena momba ny Zon'Olombelona mikasika ny fampijaliana sy ny fanavaozana ifotony ny Lalampanorenana. Ankehitriny i Togo dia anaty tetezamita politika taorian'ny fifidianana izay ho filoham-pirenena tamin'ny 2005 nolavin'ny betsaka ka nahatonga ho eo amin'ny fitondrana an'i Faure Gnassingbé Eyadema, zanaky ny filoha teo aloha Gnassingbé Eyadema. Misy fihetsiketsehana iray nomanina hatao ny 18 Jona.