Lahatsoratra farany an'i Mpanoratra Taloha tamin'ny Janoary, 2011
Tonizia : “tsy matahotra intsony izahay!”
Mihamanatona ny faran' ny taona fa any Tonizia kosa dia mikorontana noho ny firohotana ara-tsosialy izay heverin'ny mpitoraka bilaogy maro fa hitondra fiovana lehibe eo amin'ny firenena. Noho ny fanivanana ny aterineto sy ny haino aman-jery Toniziana, dia fahazarana ny mampahafantatra sy mikarakara ny fanoherana mandritra ny 13 andro amin'izao fotoana izao amin'ny fampiasana ny tenifototra #SidiBouzid. Fanontaniana iray anefa no mipetraka: Fa maninona ny fanoherana any Tonizia no tsy manako toy ny fanoherana tany Iran? Fanampian'izany, fa maninona no resahina foana ny fanivanana any Sina ankehitriny nefa ny daroka ataon'ny polisim-panjakana any Tonizia tsy mba lazaina?
Malezia: Fe-potoana nomena ho an'ireo sekoly manofana ho mpitsabo
Nanome baiko ny governemanta Maleziana ka haato mandritry ny dimy taona ny fandaharam-pitsaboana manerana ny firenena rehetra, ka ny tanjona amin'izany dia ny fametrahana fanovana izany hoe ny fanomezana lanja ny hatsarana mitaha amin'ny habetsahana satria tsy mitsaha-mitombo isan-taona ireo mpianatra mahazo diplaoma eo amin'ny fitsaboana.
Meksika: Manameloka ny tetikasa fitrandrahana harena an-kibon'ny tany eo amin'ny toerana masina ny vahoaka vazimba
Manameloka ny tetikasa fitrandrahana harena an-kibon'ny tany Kanadiana ny vahoaka vazimba Huichol avy any Mexico izay mananontanona ny iray amin'ireo toerana masin'izy ireo ary izany, raha fenoina, dia mety handindona ny fahasalamany sy ny famatsiana rano azy ireo.
Kolombia: Nandrakitra horonan-tsarimihetsika 1 isan'andro ireo mpitoraka bilaogy an-tsarimihetsika tamin'ny taona 2010
Kolombiana maro mpitoraka bilaogy amin'ny horonantsary mihetsika no nanao fifaninanana amin'ny fanaovana horonantsary iray isan'andro nandritra ny taona 2010. Na dia tsy vita aza izy rehetra, dia ilaina ny mankasitraka ny ezaka nataon'ireo izay irotsaka tamin'ity hevitra lehibe ity.
Sodàna: Hiteraka fanjakana vaovao ve i Afrika amin'ny 2011?
Hiteraka fanjakana vaovao ve i Afrika amin'ny 2011? Hanao fitsapan-kevi-bahoaka i Sodàna Atsimo na hoe hijanona na tsia ho faritr'i Sodàna izy amin'ny 9 Janoary 2011 araka ny ao anatin'ny Fifanarahana Ankapobeny ho amin'ny Fandriam-pahalemana tamin'ny 2005 teo amin'ny governemanta foibe ao Khartoum sy ny Hetsi-panafahan'ny Vahoaka ao Sodàna. Fitsapankevi-bahoaka iray koa no hatao amin'io fotoana io ihany any Abyei mikasika ny hoe ho lasa faritr'i Sodàna Tatsimo na tsia.